‏نوره متيمة بالهلال

هلاليه

[‏نوره متيمة بالهلال @TlalBnt]

فرقاك ماهو ذنب ادخل به النار
ورضاك ما يفتح لنا باب الجنه

[قروب شعر @Group_she3er]

إترك أثر طيّب .. تسولف به الناس
الصيت يغني — و الجمايل خزاين

[َ @siiii511]

صلّوا على من تدور الأرض بذكره،
وفي مجلسٍ يجمع الرفقة على فنجال.

[الشاعر حامد الماجدي @hmqartan]

اطلق زمام النفس لايدخلك خوف
العمر يمضي بين روحه وجيه

مد النظر قدام لا تقصر الشوف
اطرب شبابك دام الاشواق حيه

[حُب و قصيد @3nzi26]

رزقي على اللي لا عطى شي ما منه
ولا يدين العرب تعطي و منانه

[معكاز شعر @M3kkaz]

ما دام راسي على متني وعظمي سليم
الباقـي من الخساير كلها هيّنة

نوب أتغيشم كذا مع إن ماني غشيم
لين الليالـي تجيب الحجّة البيّنة

واللّي تجي بالصّميم أردّها بالصّميم
ولا يكسر القاسية من يعصر اللّينة

ما يستغل الكرام إلا الردي واللّئيم
وما شوّه الطيب كله غير هالعيّنة

[شعييل @0ickk]

«المعاريف تلزمني و تلوي ذراعي
حتى لو انها بالواسطه و الشفاعه»

- محمد المقحم

[بوح غفراني @bo77_1]

ليا ابطو عليك الناس بالموعد الملزوم
يحقّق لك اللّٰه ماتبي ، ، في عصر جمعه

[ِ @silenceeni]

الحياء يرفع مقام المرء ويبّين علـوّه
دوّر الأخلاق قبل إنّك تدوّر من ترافـق

النقي ما بينه وبين الدِني عُصْبة أخـوّة
و الضحى ما بينه وبينه المساء أوجُه توافق

السموّ سْموّ الأنفس والفقر فقر المـروّة
قاتل الله النفاق وقبّح الله المنافـق

[َ @i7arv]

ما عاد لي شف لمواجه ، وعرف ، وقبول
إللي كسب " راحته " عزالله إنه كسب
— مزيد الوسمي

[‏حَـمَـد الـصَّـابْـرِي .. ✍️ @_x_28]

عن مناوي غاية النّفس تقنّعك السّنين
ما صفت عوج اللّيالي ولا دامت لأحد

[ّ @i5wcr]

من صد صديت لو هو بالغلا كايف
ومن راح جعله مراح الطير لارفرف

— ضيدان بن قضعان

[‏᷂عسر٨٨ @Qhta10ni]

لو انّا نطيع ارواحنا في بعض الآحيان
قضينا العمر ووجيهنا مالها خانه

نداري على اسمانا من الزود والنقصان
وعلى سمعة بين الرجاجيل رنانه

[ِ @i8ii8ii4]

نكسب الناس بالطيب وحسن التعامل
وتربية العود تظهر في كرم أفعالنا.

[ibrahim @ebrahem323]

على كثير البوح مانيب مكلوف
وماني على سرد الخوافي مكلف
اضحك مع العالم والاوجاع بالجوف
والقلب سره في ضلوعي مغلف
مابيه يدري عنه فاضي وملقوف
الي على زود الكلام يتعلف
لان العرب تقرأ عبارات وحروف
ماهمها من هو يصير المؤلف🌹

[قروب شعر @Group_she3er]

يا صاحبي صبرك ترا الدنيا كفاح
محدٍ علي وجه البسيطه مستريح

اللي يبي القمه ومكسور الجناح
واللي علي القمه وخايف لا يطيح .

[معكاز شعر @M3kkaz]

مالك ومال الناس ياناقد الناس
فكر بـ نفسك والمخاليق دعها

لولا اختلاف الناس ماصار اجناس
الله خلقها وانت مخلوق معها .

[قروب شعر @Group_she3er]

النـاس واجـد واقرب النـاس مني
رجلٍ يبادلني الغلا والحشيمه

شخصٍ . . ادور له عذر لا عزمني
وشخصٍ اجيه بلا اتصال وعزيمه

[قروب شعر @Group_she3er]

ما هو ضَروري كل حاقِد أعاديه
ولا ضروري كِل طّيب رفيقي

علم الردي والطيب يِبقى لراعيه
وانا على دَربي وعارف طريقي .

[قروب اشعار @aShi3ar]

لا تنتظر من ناقص العقل حكمه
ولا تنتظر من فاقد المرجله خير

ولا يغرك في الردي لمعة إسمه
الريش ما طيّر نعامه وهي طير .

[قروب شعر @Group_she3er]

نطيح من عثرات الأيام ، ونقوم
وتزيدنا الطيحه شموخ وكرامه