تركي

متذوّق شعر🤎.

[تركي @tlli3_]

حديتك لدرب السنع ماتسنعت
جرحك عطيب ولا لقينا طبيبك

ماهي غريبه بالردى لو تقنعت
بس الغريب اني تحريت طيبك

[تركي @tlli3_]

التغابي فن و إن دل ، دل أنك ذهيِن
عش غبي و الناس تلعب على مكشوفها

النفوُس جنود من جند رب العَالمين
نفسٍ نوقف عليها ونفس نطوفها

المصَافح بالأحاسيس ماهو باليديِن
البشر تستَخدم إحسا��ها ، بكفوُفها

أرض نفسك أولى من الناس أجمعين
إن تبعت الناس بتموت و أنت تحوفها !

[تركي @tlli3_]

أرتاح لا يمكن أضرك مع الوقت
ماني من اللي لو يفارق يعادي

حتى لو إنك بالعداوة تفوقت
أنا أصيلٍ ما أخون المبادي

ما هزّني طبع الغدر لو تماديت
ولا كسرني غيبتك وابتعادي

أعرفك أكثر من شعورٍ تواريت
وأدري النوايا وين تمشي ووادي

لو كان ودّك تنتهي ما تمنّيت
لكن كرامة خاطري فوق وادي

[تركي @tlli3_]

أسقيتهم من صافي الود فنجال ..
وأسقوني بوسط الفناجيل علة

وأنكرت من غدر المحبين ما طال ..
وأثر الوفا في وقتنا صار زلة

[تركي @tlli3_]

الظروف تفر راسي وانا بالي طويل
ماذبلت عزوم نفسي و ذليتها

الليالي ماعطتني سوى الشي القليل
بس روحي من قليل العطى اغنيتها

[تركي @tlli3_]

راع الثقه عن كثرة الهرج صايم
ماقال حنا وانشد فلان عنا

واللي يحس بنقص تلقاه دايم
يلعب على موال حنا و حنا

[تركي @tlli3_]

- من سيفهم ضجيج داخلك وأنت في أتم هدوئك ؟

[تركي @tlli3_]

ان كان قلبي به قساوه من الطين
وقلبك حديد وتفتخر فيه ضدي

تمطر غدا والجرد ترجع بساتين
ويزهر بها قلبي وقلبك يصدي

[تركي @tlli3_]

@Alshl1195 اي

[تركي @tlli3_]

@babwjeop @sueud_5 يارب

[تركي @tlli3_]

تسن دقات المعازف نرجسيه
صوت عودٍ قايله قسمة عساوي

لامشى من ديرة المجد ضحويه
ضاويٍ مابين ضلعانه وضاوي

ديرةٍ بالهوى والطيّب سخيّه
تحتضن ربعي ومجمار القهاوي

تحتضن شيخٍ بهاك الجرهديّه
حطّ روسٍ للبلى فعلٍ سماوي

لابتٍ في ماضي الايّام غنيّه
فعلها بين العرب يرويه راوي

[تركي @tlli3_]

داويت جرحه يوم صكته الاقدار
ورد العطا بجرحً ��اله مداوي ..

[تركي @tlli3_]

وش فايدة قربه وكنه ��لالي
دايم معي لكن عجزت استظلّه*.

[تركي @tlli3_]

طبع ماهو لك لا تورثه

[تركي @tlli3_]

يغار من غيره .. وغيره ما يسوى ثراه

[تركي @tlli3_]

- الناس من بعيد أجمل .

[تركي @tlli3_]

ماعاد للتبرير ياصاح داعي
كلً على كيفه يحدّد مسارَه

خاويت صمتي والبقاء باستماعي
والحر يفهَم بالنظر والاشارَة

[تركي @tlli3_]

لله در الصمت .. في بعض الأمور
يشرح لك عقول البشـر و يعلّمك

[تركي @tlli3_]

@jryan_hfc 4-2 للهلال

[تركي @tlli3_]

@Abu_abeer16 سبحان الله استغفرالله العظيم لا اله إلا الله