للأمانة أكثر اقتباس حرك مشاعري وكل المشاعر الإيجابية ✨
"A year from now, you may wish you had started today"
"بعد عآم من الآن ، ربما تتمنى أن تكون بدأت اليوم"
@noon
من الأشياء الغريبة العجيبة صراحًة ..
يعني أنا بسوي تحديث لمعلومات حسابي عندكم وأنصدمت جداً لما لقيت الإيميل مايتغير
يعني ما أقدر أغير الإيميل وأعتمد عالرقم مافيه مشكلة لكن برضو حواجه مشاكل بتسجيل الدخول وتجبروني أسوي حساب ثاني ؟
بالسلامة والله ..
لازم استوعب هالتطبيق مو تويتر اللي كنت احبه ومبسوطه فيه و تويتر انتهى ماعاد له وجود.
صارلي كم اسبوع مروقة مرررره وقاطعة التطبيقات
مخي صار يشتغل وصرت اقرب للطبيعي في يومي وعاداتي وحتى طاقتي اختلفت
مايغريني اخبار ولا ايش فلان وفلانة صار فيهم ومخفية كل الاخبار
دخلت اكس وجاني ضييييم اليوم بطريقة مو طبيعية ، كمية نكد وسلبية تجلط
اليوم اتأكدت انه في شيء مو طبيعي هنا ويأثر عالنفسية مررره
المشكلة مليان ذكريات عندي هنا وبحسابي الثاني
جالسة افكر احذف بشكل جدي
لازم استوعب انه هالتطبيق صار شيء ثاني تماماً
وكمان بنوتتي بدأت تدرك وتستوعب
ما ابغى اعرضها لشاشات واخليها تشوف ان الجوال عادي الواحد يجلس ماسكو طول اليوم يقلب فيه
الأطفال يقلدونا .. حيشوفونا نعمل ايش وحيعملو زينا
مو معقولة اكل برقر واقول لبنتي لا كلي سلطة افضل
او اعطيها كتاب واقلها القراءة مفيدة وانا اجلس على جوالي ولا التي ڤي 🤷🏻♀️
وكمان بنوتتي بدأت تدرك وتستوعب
ما ابغى اعرضها لشاشات واخليها تشوف ان الجوال عادي الواحد يجلس ماسكو طول اليوم يقلب فيه
الأطفال يقلدونا .. حيشوفونا نعمل ايش وحيعملو زينا
مو معقولة اكل برقر واقول لبنتي لا كلي سلطة افضل
او اعطيها كتاب واقلها القراءة مفيدة وانا اجلس على جوالي ولا التي ڤي 🤷🏻♀️
من كثر مااتعودت عالخوارزميات والمواضيع الترند والاعلانات في منصات السوشال ميديا لما جيت استخدم تطبيق يخلو من هالاشياء حسيت اني مااعرف استخدمه!
رغم ان هالاشياء طلعت آخر فترة بس حقيقي أثرت عليّا كثير وصرت مااعرف اتعامل مع الاشياء اللي بدونها مع انه هو الاصل اللي عشت سنين فيه
حسيت بشعور خطر مااعرف ليه
لكن حقيقي حاخذ قراري بجدية الآن بإني حأنقل من هنا لمنصة اهدى وارقى اكون متواجدة فيها اكثر واستفيد من اللي فيها وانا اختار المحتوى اللي ابغاه مو تطبيق بكبره يتحكم فيني ويوريني اتفه واشنع الاشياء والاشخاص بكيفه
ومررره صارت الدنيا طاقة سلبية وحاسة اني مو فمكاني نهائياً رغم اني كُنت اموت فيه
كُنت شايلة فكرة الخلفة من راسي لاني ماشفت اي شيء يحمس بهالنوع من الحياة ومليانة خوف من المسؤولية واحسه شيء مو سهل ومتعب وبالذات النماذج السيئة اللي مابأشوف غيرها عززتلي الشعور هذا لدرجة ماعمري اتخيلت نفسي ام
الآن
جداً مستمتعة بوقتي مع بنتي ( 8 شهور )
مريت معاها بكل مرحلة من قلب قلبي ، اقرأ أول بأول عشان استوعب واجهز كل شيء بطريقة صحيحة عشانها
مو شايفة اي ضغوطات كبيرة ومتقبلة اي شيء يصير يمكن لإني مهيئة نفسي لكل مرحلة بتمر فيها بنتي وبوعي نفسي اول بأول
ومابحرم نفسي من اني انبسط واسوي اللي ابغاه ، التوازن مطلوب جداً حتى نفسي لازم انتبه لها وارتاح
والله هي رحلة لطيفة وممتعة بس مشكلتها لو حصلت ماعاد فيه رجعة لحياة ماقبل الخلفة عشان كذا ضروري التهيئة النفسية والوعي ومعرفتنا لشريكنا لانها بالنهاية حنجيب روح حنكون مسؤولين عنها وحياتنا ماحترجع زي السابق نهائياً ❌
بديت معاهم من زمااان جداً 2011
حتى الانقلش حقي ماكان جيد بس كنت افهم بيتكلمو عن ايش وكان سبب في تطوير لغتي الانجليزية كمان
كنت استخدم ملفات pdf لكل درس عندهم واترجم وافهم الانقلش والكوري
واطبع الملفات واخذها المدرسة وانشغل فيها واتدرب مع نفسي
ووصلت لين آخر لڤل 8 او 9 بس وقتها ماكان فيه 10
مررره انبسط كل فترة اشوف عندهم تطور والآن مع تطبيقاتهم الصراحة فنانين
رغم اني مستحيل اشترك بتطبيق سعره اكثر من ٥٠ بالشهر لكن معاهم فدا لانه حقيقي محتوى مفيد جداً
بالذات دروس الهانجا اللي يعملوها ماشفت احد يعمل زيها يعني ممتع الموضوع
بالنسبة لي هُم افضل مصدر لتعلم اللغة الكورية 👩🏻🏫🧑🏻🏫
안녕하세요! Millions of Korean learners worldwide have studied with our Core Grammar curriculum, and we've improved it to make it even more systematic and effective 😍🇰🇷 Take a look at the new look of our Korean courses! https://t.co/CYGcChcUNE
اللي بيسوي شيء وهو مقتنع فيه ماحيتعب نفسه بالطريقة هذي انه يجبر الكل يعمل زيه عن طريق الاستهزاء والسخرية من الناس اللي عكسه 🤷🏻♀️
كل واحد يسوي اللي يريحه وماله داعي نتدخل باختيارات بعض او نستهزء ببعض
وعندي ايمان تام ان استمرار ناس معينة بالطريقة هذي بسبب دعم فئة لهم عشان كدا ماالومهم لانه فيه اللي يطبل لهم
من فترة فتحت الحساب اقلب واتذكر قريت انه بتسوي اشتراك لحسابها بفلوس ومره استنكرت الاسلوب
واتذكر مره اتكلمت على ساعة الروليكس
اللي واضحلي ان هي شخص ماشاء الله مرتاح مادياً جداً الله يرزقها من واسع فضله لكن كلامها كان شوية مو مماشي واقع الكثير وكانه الدنيا كلها عايشة زيها
وكم سنابة ثانية ناسية ايش موضوعها بس مرره استنكرت
وكنت حشتري الكتاب بس استغربت وكنسلت بسبب تعليقات وردود ردتها على وحده طلبت منها اقساط او شيء زي كدا
حسيت ان مو هي الشخص اللي ابغى اتعلم منه
عالعموم الله يوفقها ويهديها
مره ضد هالكلام ومااشوفه صح 👆🏻
نفسهم اللي جلسو يقولو اعطيها ماصارلنا شيء من هم صغار جاهم السكر ولخبطة بكل شيء
اقرو عن اسباب السكري النوع اول ، الاملاح الزيادة للرضع ايش ممكن تسوي ، تسمم المياه ، ...
هم عبالهم الخطر مربوط بالموت فقط
لما جيت اخذ بنتي من الحضانة الدكتورة قالتلي فيه طفلين بالعناية عشان اعطوهم عسل وقالتلي انتبهي لو مين ماقالك اعطيها لاتعطيها
والعسل الا يبغو بنتي تاكله .. قلتلهم دي الملعقة حقت العسل اللي انا ناوية اغامر فيها واعطي بنتي لو فرضاً كان فيها البكتيريا ايش حستفيد منكم؟
ماصارلكم شيء هذا لطف من الله مو انجاز وتجربة تُقاس عالجميع
والطب جاء وحسم اشياء كثير وحط النقاط عالحروف في اشياء زي كدا مو معقولة حنمشي على نظام هذا ماوجدنا عليه آباءنا
وفي معاناة اني مااسمع لاحد ومشيت مع بنتي على كلام الدكاترة حتى الاكل دخلته بالتدريج اول مابنتي صارت مستعدة .. ماصارلنا شيء لما اخذنا الطريق الآمن بالعكس كُنت متطمنة اكثر
والحليب سواء صناعي ولا طبيعي مليان موية والدراسات قدام عيون الجميع
إعتدال ادريس:
اللي يقولون الطفل الرضيع لا تشربيه موية ومدري ايش يا حبايبي ترا احنا ربيناكم وما صار لكم شي، انا كنت اعطي أولادي من الأربعين اسوي لهم موية التمر وامسك الرز المصري واطحنه واسوي لهم زي المهلبية مع التمر في الليل عشان يشبع وينام وما يصحيني!.