‏♪♠مٌٌــزآجـٌــيْ

إنسان برتبة آدمي من فصيلة البشر؛
بعض قصائدي في مفضلتي،
لا أحل ولا أبيح من نسب منها شيئاً لنفسه

[‏♪♠مٌٌــزآجـٌــيْ @top_040]

وش تفيد العين لا غاب النظر
لا قريب تشوف لا بعيدٍ تشوف

الفؤاد إن غاب نبضه يحتضر
والجسد في وسط غباته يطوف

ما تفيدك كود ركعات السحر
قبل لا تلبس من أكفانك لحوف

أذكر الله دام باقي لك ذكر
قبل لا تندم وتطري لك حسوف

الحظيظ اللي من الدنيا عبر
وأنفتح له باب جنات وقطوف

#مــزاجـــــي

[‏♪♠مٌٌـــزآجـٌــيْ @top_030]

.
.
ـ #احتفال_الشّوق

في غيابي أنا اللي ما نسيتك ثواني
يحتفل في حضورك كلّ شوق بغيابك

ما تركني ثواني شوق يمّك طواني
جابني يمّك اللي لك تحرّك وجابك

ـ #مــزاجـــــي

[‏♪♠مٌٌـــزآجـٌــيْ @top_030]

@toooot521 يغيب منهو غاب ويرجع بكيفه
واللي يغيب أيام ننساه ويروح

لا هو ربيع العمر ولا هو بصيفه
ولاني من غياب المقفين مجروح

صدق المواصل عكس كذبه وزيفه
الصدق واضح ما يبي هرج وشروح

للصدق حنا الرمح وغماد سيفه
يوم إن غيري برر الكذب بمزوح

ـ #مــزاجـــــي

[‏♪♠مٌٌـــزآجـٌــيْ @top_030]

.
ـ #مرثية_أم
ـ #جمر_الحزن
العشق جنّة وجنّة العشق محبوب
يا جنّة الدنيا عسى الجنّة مثواك

الهم بعدك داخل القلب مكبوب
رحتي ولكن ماخذك منهو يرعاك

جمر الحزن ما رمّد بصدري مشبوب
يا كيف بانسى وكيف دنياي تسلاك

الفرح معكم دايم بدربي مصبوب
وعقبك عجزت شلون بفرح بلياك

ـ #مــزاجـــــي

[‏♪♠مٌٌـــزآجـٌــيْ @top_030]

.
.
ـ #محور_جمال_الكون

محور جمال الكون كله بعيونه
الزين ماخذها مثالٍ ومضرَب

من شافها ضيّع مواطن شجونه
وأصبح يغني في جماله ويطرَب

ـ #مــزاجـــــي

[انسان⭐️ MS⭐️ @m7drem]

@Amani79327622 @top_030 @H50___ #قلبين_ورديه

لبا هيامك يا#مزاجي وفوقها شويه
اجمل مشاعر عشتها معاك يا تاج

ياللي زرعت بدنيتي قلبين ورديه
ورسمت بالدنيا أمل للعشق وهاج

أهل الهوى فيهم براءه حيل عفويه
بقلوبهم رقة تجي في نظرة إحراج

أرواحنا لولا الغرام أجساد منسيه
ألقى دوا نفسي على بحر الهوى ماج

#محمد_سعد ✍🏻

[‏♪♠مٌٌـــزآجـٌــيْ @top_030]

@m7drem @Amani79327622 @H50___ #مجاراة

اللي تشوفونه من العشق بس جزئية
وباقي العشق محمي ومن دونه سياج

ماهو ضروري تكون أشواقنا مرئية
يكفينا يوم إن قرب العاشقين علاج

كل العواذل من خطوط الوصل منئية
اللي لبس ثوب وألا حط له أرواج

باقي فقط جزء وألا أقول لك شيئية
الحب يترك بقلب العاشقين ارتجاج

ـ #مــزاجـــــي

[‏♪♠مٌٌـــزآجـٌــيْ @top_030]

@m7drem @H50___ غصن @H50___
يابوح قل للصمت لايكسر الروح
عبر وخل النّاس تسمع وتقرى
لوكان للذكرى مسافات وجروح
يبقى أمل إن أجمل الوقت ذكرى

إنسان @m7drem
بعض الجروح ��زيد إن كانت بنوح
من يخفي جروحه مع الوقت يبرى
والذكريات الماضية لا شك بتروح
هذي هي الدنيا مع العسر يسرى

ـ #مجاراة
ـ #مــزاجـــــي

[‏♪♠مٌٌـــزآجـٌــيْ @top_030]

.
.
ـ #درّة_القلب

بسم الله أبدأ وأذكر أسم الله على زينك
ياللي بجمالك ما انخلق مثلك ولا مرّة

أنتِ فقط قدتي الجمال برمشك وعينك
وغيرك ترى ما جاه من زينك ولا ذرّة

ـ #مــزاجـــــي

[‏♪♠مٌٌـــزآجـٌــيْ @top_030]

.
.
إنسان @m7drem
ـ #الحجاب
ياحلاوه يا لذيذه
شوفي كم واحد يريدك

انتي بغلافك مصونه
محدٍ يميّز حلاتك

ـ #مجاراة
ـ #في_عباتك

صحنك المكشوف يوكل
أو تعفن م�� يفيدك

غطي صحنك عن ذبابٍ
ينقل أمراض لحياتك

ـ #مــزاجـــــي

https://t.co/NIAmbWAI6B

[‏♪♠مٌٌـــزآجـٌــيْ @top_030]

فايز المالكي @fayez_malki
ياوقت فينا صرت قاسي وطماع
ارفق ترى قسوتك ياوقت بانت

إنسان @m7drem
يافايز أنت بخير ماذقت الأوجاع
كل الحياة اللي تأملت زانت

ـ #مجاراة
الوقت يافايز ترى وقت خدّاع
كم واحدٍ دنياه بارت وخانت

ـ #مــزاجـــــي

https://t.co/2riRuPL0vY

[‏♪♠مٌٌـــزآجـٌــيْ @top_030]

.
.
ـ #جزء_منّي

عندي خبر عندي ،، ناوي يجي وجدي
يا حبي الأوحد ،، جيب الهنا بيدي
خلوني أفرح به ،، انسى جميع الهم
الوقت يسعد به ،، دامه معي مهتم
وهذا وعد منّي ،، يبقى جزء منّي
عندي خبر عندي ،، ناوي يجي وجدي
يا حبي الأوحد ،، جيب الهنا بيدي

ـ #مــزاجـــــي

[‏♪♠مٌٌـــزآجـٌــيْ @top_030]

.
.
انسان @m7drem
ـ #كأكأة

ياما حلا شيٍ يجيلك على شف
ويا مزين الدنيا بليا نكاده

ـ #مجاراة
ـ #المحتوى

الدنيا مثل كتاب محطوط في رف
عنوانها بين اللهو والعباده

ـ #مــزاجـــــي

https://t.co/LqjmvjvGmf

[‏♪♠مٌٌـــزآجـٌــيْ @top_030]

.
.
انسان @m7drem
ـ #الدوا_المسموم

على الله بس يا قلبي ترفق وأرض بالمقسوم
يموت الحي ما ياصل ويلحق غير مقسومه

ـ #مجاراة
ـ #يروح_الليل

إلى من شانت الدنيا تركد لا تجي منجوم
كثير الناس من عقبك عليها عقول منجومه

ـ #مــزاجـــــي

https://t.co/9fiAopK79H

[‏♪♠مٌٌـــزآجـٌــيْ @top_030]

.

ـ #نخبة_الحب

قالت أحبك وقلت الها أنا موافق
رف بي بحبك وقلبي يا الغلا رف به

الحب في كل لحظة داخل الخافق
يكبر وأرض المحبة دايمٍ خص��ه

ـ #مــزاجـــــي

[‏♪♠مٌٌـــزآجـٌــيْ @top_030]

.
.
إنسان @m7drem
ـ #الجسد_والروح

بين الجسد والروح روح اللي أحب
وبين النفس والنبض قلبك يا غلا

ـ #مجاراة
ـ #نبض_المحبة

لو قلت منهو اللي أحب قل لي أجب
منهو اللي ساكن في خفوقي واعتلا

ـ #مــزاجـــــي

https://t.co/4Y678T3fuJ

[‏♪♠مٌٌـــزآجـٌــيْ @top_030]

.
.
الفكرة مقتبسة من تغريدة
إنسان @m7drem

القصيدة بعنوان
ـ #صوم_الهيام

صوم الهيام لهايم العشق تعذيب
خطرٍ عليه يجيه من صومه جنون

محتاج له في ذروة العشق تخصيب
يمـكن خلية عشقه تعـاني الدون

ـ #مــزاجـــــي

https://t.co/ZvYpPDAgrS

[انسان⭐️ MS⭐️ @m7drem]

#نقطة_عبور @top_030
@m7drem ✍🏻 #انسان

تدري وش اللي كان يدعو للغياب
ان الحظور احيان ما كنه حظور

ان جيت غالي ولا خلك في ذهاب
لا تقبل التهميش في بعض الأمور

[‏♪♠مٌٌـــزآجـٌــيْ @top_030]

.
.
��نسان @m7drem
ـ #نقطة_عبور

تدري وش اللي كان يدعو للغياب
إن الحضور أحيان ما كنّه حضور

ـ #مجاراة
ـ #ريش_الطيور

الحضور اللي من الغيبة مصاب
يشبه ظلال الفتى من غير نور

ـ #مــزاجـــــي

https://t.co/dSZ1axEmQu

[‏♪♠مٌٌـــزآجـٌــيْ @top_030]

.
.
إنسان @m7drem
ـ #لا_تبحث_الخافي

ما كل مخلوقٍ على النفس مقبول
ولا كل بنتٍ كايفه ومعسوله

ـ #مجاراة
ـ #الموقف_الطول

بعض البشر كنّه مثل حبة أدول
يشفي احتقان الوقت لحظة حصوله

ـ #مــزاجـــــي

https://t.co/EOmyN3djm5

[‏♪♠مٌٌـــزآجـٌــيْ @top_030]

اللهم ارزقنا الصيام والقيام وصالح الأعمال ومتعنا بتلاوة القرآن وتدبره ونسألك العتق من النار والعفو عند الحساب

اللهم اغفر لنا ولوالدينا وإخواننا وأخواتنا وأزواجنا وذرياتنا وأحبابنا وأمواتنا وأموات المسلمين ومن له حق علينا

وكل عام وأنتم بخير