بينك وبين السماء أوجه شبه واختلاف
أنفاسها غيم و انتي بين غيم ، وشِعر
ليا امطرت تمسح آثار السنين العجاف
وانتي هطولك يبل عروق قلب ، ونظر
لو ساري الليل من جرد البيادي يخاف
ما خفت من ليلٍ اسري به لعينك و امر
لو امشي الدرب حافي ما لحقني خلاف
حتى لو ان الخطاوي بين شوك وجمر
يستوطنك حرفي وفيك العذوبه تشاف
يا وجهة العاشق اللي طامعٍ بك ( عُمُر )
سعد 🌹
أنا منكسر .. من ضيقةٍ ، تلفت الانظار
عسى في يدين الوقت جبري وتفريجي
تدانيت بعدك ، وانطوى قلبي المحتار
ولا فاد فـ الموضوع شرحي وتعريجي
لا زاد التغلي وانقطع . . طاري الاعذار
يقل الغلا . . ويغادر ، بـ شكل تدريجي
علي�� السلام المعتبر ، والسلام الحار
على الشامة اللي في مكان استراتيجي
اذا للحين تجهل عمق محبتي وكثر غلاك بقلبي ؟
فتراني أحبك كثر ماهو يجيبك لي النسْـناس ، وكثر ماتردد صورتك في خيالاتي ، و أيضاً احبك و أنا فارح واحبك و أنا محتاس ، واحبك بكل حاااااالاتي .. والله وثلاثاً .
انا لا تباطيتك .. علي الولّه ينشاف
يبّين على العاشق وينشاف فـ عيونه
احبّك جعل حبٍ يجي من بعدك يْعاف
وانا حالفٍ حُبك مع الوقت ما اخونه
ليا شفت وجهك والله ان ماعلّي اخلاف
فلا تنشد اللي شاف غايتْه وش لونه !
ماعاد ع��دي شك عندي أدلّه
ان الجشع ظلما والإيثار نبراس
جامل و سـامح واعتبر كل زلّـه
��بع آدمي موروث والعرق دساس
واللي يقول أبعد عن الناس قلّه
ماغيرهم في كوكب الأرض جلّاس
حاول تحب الناس ويحبك الله
والله اذا حبك يحبونك الناس .
#صباح_الخير