حرٍٍّ وسوا فـ الحرار الاعاجيب
ما لاوع البرقع و لا لوّحوا له
يطلع مطاليع ويرقى مراقيب
وله فزعة عند الملاقا عجولة
واليا لفوه اللي على الفطر الشيب
من الكرم يركض وينسى نعوله !
يخالف الحيران ويقدم الطيب
ماكانه الا دولةٍ وسط دوله ..
ياخيّتي هذا الزمان التافه
خلاني أتعرّف على طُُرّافه
في ليلةٍ عقّال أهلها قِلّه
هاجه وسمّاجه وضيم وآفه
منا تجي خطمه ومنا لطمه
لاوالله إلا شغّلوو المِحذافه
- علي بن حمري
لنا الشوارع لنا المسمار والبنشر
في كل شارع لنا حكه وتلبيقه
شبعان دنيا ومتبهذل ومتجرجر
محلوق راسي ومأكل كف تحليقه
ماخاف تحقيق حلمي يوم يتاخر
اخاف يموت حلمي يوم تحقيقه
- عبدالمجيد الزهراني