جسّار

[جسّار @tu65o]

عليك من الوله عيني تولّجها المدامع لين
ذبل حلم الغريب اللي حلم يلقاك من مدّه

وعليك من الخفوق اللي تغذا من غلاك سنين
سلام الغاايب اللي راح منّك . . و الزمن حدّه ..

[جسّار @tu65o]

مشاريه الغلا مثل الحفاوه في لقى الغالين
وعتاب اللي يحب اقسى من الفرقا وطاريها

[جسّار @tu65o]

هلا ياصوتٍ كل ما ذعذع على صدري النسناس
عرفت انهَّ من ملذات عمري فالحياه ومسرّاته .

[جسّار @tu65o]

أخاف العُمر يمشي وتتبع جرته الأحزان
واخاف من كثر المساعي تخيّب هقوة أحلامي

واخاف يمضي العمر .. ويقولون أجله حان
وانا في خاطري غاية تلاحقني في رحلة هيامي

واخاف لا جار عليّ وقتي في زماني ما تبان
ولا ألقى لـ مدهالك دربٍ يسرق وحشة ظلامي

[جسّار @tu65o]

عزيزي الأنسان
مزاجك اثمن ماتملك .

[جسّار @tu65o]

يميّزك الدلع عن كل غيداء عودها مفتول
لقاك المشهد إللي ما تملّ العين تكراره

كحيلة طرف عاجيّة ترايب فاحمة مجدول
"مزيّنك الترف ما زيّنك خلخال و سوارة"

تمرين المكان و تتركين الكل بك مذهول
حوالينك عيونٍ شاخصه وقلوبٍ منهارة .

[جسّار @tu65o]

تستعذب النود وانسام الهبُوب العليل
و تحلّ وسط المكان الزين و تزيّنه.

[جسّار @tu65o]

طاري الشوق لا طال الفراق يتجدد
يا عشيرٍ ما جاد الحظ بك يوم جابك

كم لي احن لـ الماضي معك و اتصدد
لا تذكرت خيبة هقوتي – في رحابك

ما اقدر اعاتبك بعد الجفى و اتودد
وانت مع سكة المقفين تشعب ركابك

لهفتي يوم اجي مع شارعك و اتردد
كنها موتت احلامي على سور بابك

[جسّار @tu65o]

هبوب الذاكرة ساقت مخاييل التوجد سوق
و نشت فوق الاطلال القديمة داخل اعماقي

[جسّار @tu65o]

تراجعنا وجزنا عن خطانا والوله ما تاب
توديه المشاغل والنسيم العذب ياتي به

يانسناس الهوى شاب الغراب وملو الكتاب
تلذذ بك عباد الله وأنا القى فيك تغريبه

أنا جرحٍ قديم عالجه كف الزمان وطاب
عقب ماغابو اللي رسموه وطالت الغيبه.