ِ

في رجا الله يصدق الحظ وتجُود السّنين . .

[ِ @tuu_6]

يارب حُسن الحياة، وحُسن الرحيل، وحُسن الأثر

[ِ @tuu_6]

من اللي مايحبك يامزيج النور والنوير
ملامحك الندية فيضة الحالم ومرباعه

[ِ @tuu_6]

رد قلبي للدفا ، للصبح وأحلامي القديمه
لليقين إن أجمل أيام العُمر فيما تبقّى

للكلام اللي عثت به شر خيبات الهزيمه
لين ما خيّم عليه الصمت وحروفه تتقى

ردني للفجر الأزرق يوم للضحكات قيمه
تنتشي فيني قصايد حُب لو قلبي مشقّى

[ِ @tuu_6]

يا طروشٍ تاصلونه تقدرون اتجونه
علموه ان العذر ما يقنع الديّاني
ٓ
وعلموه اني بدونه ويش انا من دونه
مالحد منا غناةٍ من وجود الثاني

و علموه اني على خبره وطيب ظنونه
اذكره ما نساه لو انه نوى ينساني
ٓ
و علموه اني على شانه ولجل عيونه
متعبٍ حالي ونا الي ما نقضالي شاني

[ِ @tuu_6]

أشوفك سحابٍ في مجـيّه حيا و أمطار
وأشوفك مجي القوم والحرب و السلّه

[ِ @tuu_6]

أرحبي ياللي تزاحم لك أسراب القلوب
كنّها تزاحم الناس في مَشعر مِنى

أشكريني يوم أحنّك من كبار الذنوب
وأعذريني يوم أزيدك مع العنوه عنا

الضمير الحيّ نوع من أنواع الحروب
يا ضمير مدوّر المصلحة نوم الهنا

ما قدر يكسب محبتك يا الظبي اللعوب
« غير أنا واعوذ بالله من كلمة أنا »

[ِ @tuu_6]

المحبة قبل أعرفك ؟ شيء عادي و إعتيادي
بس عقبك واللّٰه إنها في نظر عيني عظيمه !

[ِ @tuu_6]

ياغناة القلب يامدّهل الصدر الوسيع
يوم صدر الشاعر الذرب محدٍ يدهله

جيّتك تكفيه عن جيّة العالم جمييّع
قافل مخرج مكانك وقافل مدخله

أنت شوفك خير وأمطار وسيول وربيّع
وشوف غيرك مثل شوف الديار الممحله

[ِ @tuu_6]

لا زلت احتاج وجهك .. لـ السهر لـ الشعر لـ الميعاد
وصوتك .. لجل احرّر عبرةٍ فـ الصدر مخنوقه

ياليت اللي مضى لي من عمر معك ؟ معك ينعاد
واشوف اللحظه اللي من شريط العمر مسروقه

اقول اني بشوفك فـ المنام .. ان غبت كالمُعتاد
وانا حتى المنام اللي بشوفك فيه ؟ ما اذوقه

[ِ @tuu_6]

عسى دربٍ خذت رجلك عليه اقفايه و معواد
يفيض من النبات و يجري الما العذب بعروقه

مداهيله .. مراويح السحاب و غاية النشّاد
وظلٍ يرسم اشكال الطيور العابره فوقه

شعوري يوم اقصّر خطوتي و اطوّل المقعاد
شعور اللي طرق باب البخيل و ضاعت حقوقه

[ِ @tuu_6]

عسى دربٍ خذت رجلك عليه اقفايه و معواد
يفيض من النبات و يجري الما العذب بعروقه

مداهيله .. مراويح السحاب و غاية النشّاد
وظلٍ يرسم اشكال الطيور العابره فوقه

شعوري يوم اقصّر خطوتي و اطوّل المقعاد
شعور اللي طرق باب البخيل و ضاعت حقوقه

[ِ @tuu_6]

عليك السلام الوافر اللي بدون قياس
يا عنقٍ عليه . . ( معلّق ) باقي آمالي

مع إنك بعيد وطرقتك تتعب العساس
أنا آشوف حلي فيك ، وآشوف ترحالي

يطل القمر ولا يغيب القمر .. لا باس
الأغلى تهون بـ حضرته ، قيمة الغالي

عن الطلة اللي تنتظرها جميع الناس
أنا فـ انتظار !.. الطلة ، اللي على بالي

[ِ @tuu_6]

الحزن ماهوب لا ضاقت عليك الدروب
الحزن "فـ الذكريات" إليا تخطيتها

ماودي إن الجروح تصير مثل الندوب
عشان ما آقول ذي لحظة . . وعدّيتها

ياغاية إللي . . يحنك من نسيم الهبوب
مرتني (طيوفك) البارح ، و ضميتها
-تركي بن جويعد

[ِ @tuu_6]

سقاك الله يادارٍ لها بين الحنايا دور
مراويح السحاب اللي تخلي اليابسه ترفه
ㅤ
عسى وبله يصب ايام ولا يا عساه شهور
انا اعرف السحاب اللي يشده مثل ما اعرفه

[ِ @tuu_6]

يوم انا في مطاوي ريف قلبك لحالي
صعبها في سبيل رضاك يشبه سهلها

يا مجمل تفاصيل السنين الخوالي
لانطيع النفوس الجاهله في جهلها

عن الاشواق .. ما نقدر نعن الليالي
الليالي على الفرقا تهاذب بـ اهلها

[ِ @tuu_6]

منين ماريت في عرض السماء نوه
لوحت كن الضما والجوع غالبني

في صدري مخرفً لاذهن يدوه
لبلً على بيعها المقسوم غاصبني

وادعني الصبر بين الضعف والقوه
وانا الشعور المغيب مايناسبني

ماهوب متعبني ان الوصل متشوه
متعبني ان الجفاء ماعاد يتعبني

[ِ @tuu_6]

ماخفت من ليله وداعك كثر خوفي
تقفي وانا ابيك وتعود "وانا سامح

[ِ @tuu_6]

الغياب اجزل من اعذارً تجيب اسمنها
خلك اللي كمل غياب و مكانه خالي
َ
حاشمك من رجعةً ماضيّك اجمل منها
من متى والغالي اللي راح يرجع غالي !

[ِ @tuu_6]

في حفظ الله ياوجهِ حداني لين حديته
على درب الغياب اللي يسجّه كل ملتاعي

تمادى بالخطا والظلم والبهتان واهديته
خروج مايجي عقبه رجوع ولا تجماعيِ

[ِ @tuu_6]

لك على هالوجه حق ولك وسط العين قرّة
لا سمحتي من صفا الأيام؟ خلّي لي تعبها

[ِ @tuu_6]

كيف تبقى ذكرياتك يا غرام الماضي
وانت عنّي معلنٍ درب الجفى والصدّه

ياحبيب مايشابه غير نجم ياضي
ودي ادري يوم غادر هو قده من جده

راضي في بعدك وغادر بس ماني راضي
مثل ما شلييت قلبي من مكانه رده

[ِ @tuu_6]

ادري انه لو يحس بـ ربع حزني و إشتياقي
ما تحمل جمرة الهجران في داخل ضلوعه

غفلة الايام تسرقني وانا : ممّل و هااقي
والله ان احط في قبري ولا آيّس من رجوعه