توّاق

اما جليس كرام ولا خلاوي

[توّاق @twaaq18]

هذا مكاني مرّني كل ما اشتقت

[توّاق @twaaq18]

زهاك الحزن يا قلبٍ تخاطفْك الليال السود
وندهْك الطاري اللي جرّتك في أعلى مشاريفه

سريت وغايتك غاية تلاحيها الهبوب النود
على قمرى التعب ونجوم توجس بالضيا خيفه

ينادمْك الوهم والشوق وحلمٍ فالعمر مكمود
ووجهٍ كل ما أنفضوا مجاليسك حضر طيفه

[توّاق @twaaq18]

وإذا طال الرحيل إللي خذاني وضقت من هجري
لا تنّده لي أنا مالي سوى الذكرى ألبيها

أصارع بالشعر ذاتي و أرتب شوشرة فكري
و أداوي جرحي الدامي مع إن نفسي أعاديها

عسى الله يغنيني عن سنينك و عن هدري
و عن قصيده على ذكرك تلازمني قوافيها

[توّاق @twaaq18]

عن مناوي غاية النّفس تقنّعك السّنين
ما صفت عوج اللّيالي ولا دامت لأحد

[توّاق @twaaq18]

ياكَثيباً مِن تَحتِ غُصنٍ رَطيبٍ
يَتَثَنّى مِن تَحتِ بدرٍ مُنيرِ

[توّاق @twaaq18]

أن زانت الايام ياشوق لا باس
ولّا صبرنا لين ربك يحلّه..

[توّاق @twaaq18]

ليت الليالي تقدّر غربة الساري..

[توّاق @twaaq18]

على خير أشوفك كان حنا من الحيين
مصير الليالي تجمع الحيّ مع حيّه

[توّاق @twaaq18]

كنت أدوّر عن مساء الخير وعيوني جفوله
من وجيه ومن مشاهد ليتها ما طالعتها

قاتل الله صدق روحي و عفويتي العجوله
لا متى بتبع خطاها و أجتهد بمصارعتها

ليت مالي نيةٍ سمحه ولا نفسٍ خجوله
كان كل ما جيت بنطق كلمةٍ مارجعتها

[توّاق @twaaq18]

مجاهد النفس اقسىٰ من جهاد الحياة
مابين عقلً ثقيل ومابين قلبً خضر

[توّاق @twaaq18]

وجيه العرب متغيره والعيون حداد
ما كن المضارب كنّت سيد مرابعها

معي حيرة موادع ولهفة غريب بلاد
وتعليقة الي كبده الشوق قاطعها

ركاب الوله ضمّر وجمر اللقى وقاد
والاحلام فض الهجر نقطة تجمعها

عسى الفرصه الي سايفو بابها الحساد
عوضها تجي في ساعة ما اتوقعها..

[توّاق @twaaq18]

مرني لا تاه دربك في زحام الحياة
الغلا اللي رحت منه على حطة يدك

[توّاق @twaaq18]

الهقاوي راس مالي والايام سندي