جرشان

اللي يعرف القصيد الزين يعرفني .

[جرشان @twobell_s]

البارحه سوق الفحيحيـل مزحـوم
من كثرة الاجواد مـدري علامـه

لقيت فيه العالـم اتـدوج وتحـوم
وابو شنب عينـه بسـواد اللثامه

كلٍ على طـرد المزاييـن مهمـوم
تقول كن السوق صايـر دوامـه

وانا دخلت السوق ياخالـد الـزوم
بعلمـك قبـل العتـب والملامـه

ناوي ابشري عقال وافصّل هـدوم
واشري عمامه غير هذي العمامـه

وفجاه وانا مشغول في مكاسر القوم
الا وعيني بعيـن ضبـي العدامـه

بنتٍ جميله زينهـا زيـن مرسـوم
في عينها فارس مجـرّد حسامـه

مرة بجنبي والحشا شبـه معـدوم
ومن قبل لا تمشي عطتني ابتسامـه

وراحت مع السايق وانا اطيح واقوم
ودي اعرف اللي ذبحنـي بغرامـه

وسئلت سايقها ولا جابلـي علـوم
قلت المها وش اسمهـا يالهلامـه

ويهز راسه يقـول مافيـه معلـوم
جديد يعـرف بـس بابـه ومامـه

واشوفها تضحك وانا حيل مصدوم
بالحب انـا مبطـي قليّـل فهامـه

ورديت لا كاسب ولا مفصّل هدوم
مدري رداة الحـظ والا الغشامـه

[جرشان @twobell_s]

لاتسال القلب ذا داخل وذا خارج
الوصل بيديك ماهو واجب تشحه

ولا اتعزوى بسيفي واركب السارج
القلب له دقته والصدر له فحه

فيك اربع اشياء مختلفه عن الدارج
غمازتك شامتك والصوت والبحه

وان غثتك كحتك وان غثك الحارج
عندي دوى الحارج وعندي دوى الكحه

اسكن بقلبي وقلبي اعلاج بالخارج
مالك ومال ادوية وزارة الصحه

[جرشان @twobell_s]

أدمح لي الذنب تكفى يا أجمل ذنوبي
ياذنب لو لي عمر ثاني ابي أرتكبه

أنا وقعت بغلاك و تاهت دروبي
ايّات دربٍ تبي تسلكه بـ أسلك به

ما تشوفني مختلف ومغيّر أسلوبي
و أجيك مغيّر الديزاين و السكبه

عاشق ولاحاصلٍ لي شوف محبوبي
انشهد أني أنكبت والنكبه النكبه

[جرشان @twobell_s]

سلامي على اللي حبها ساقني للجال
وقامت تليّن في طبوعي وأنا قاسي

تمر المره من عقبها كنها رجّال
ما والله تحرك شعرة من شعر راسي

- محمد المقحم

[جرشان @twobell_s]

يافديت اللي بنظرات الهوى ماياوي
كان ما ذبت بعيونه تنتحر في كحله

ويافديت الشفه اللي طعمها ككاوي
سلسبيل من شهد صب بخلية نحله "

تل قلبي لعنبوه بهرجه البداوي
يوم قلت انت الحلا كله وقال انت احله

[جرشان @twobell_s]

ليت الحكومه تصدر اليوم تعميم
منع التجول من خلال الجريده

ولا يطلع من البيت كان السماء غيم
الا الهنوف الخشف ، ولا الوليده

ولا الجياكر كلّهم من ورا السيم
شروا الفريد اللي يشابه فريده

وشوف العذارى . . لابسات الملاثيم
تعطي الرجل كل يوم طاقة جديدة

شوف السحاب يغازل القاع بالديم
يحرض الشاعر لـ بدع . . القصيده

شعار الانستقرام واهل التصاميم
والبربسه والكاميرات البعيده

لو اثني الركبه علي بالملازيم
معاد اخلي في طرفهم شريده

[جرشان @twobell_s]

اليا وقف تاقف له الناس أحترام
واليا مشى تمشي وراه البهرجه

واذا تكلم ( يوووه ) يا لبا الكلام
اللي يذوب العسل كل ما هرجه

أحس جسمي قشعريره بالمسام
تخلي ( الخمس الحواس ) مبنجه

كل ما أبرمج مخي بسستم نظام
" لا قال أحبك يلعن أم البرمجه "

- غزلنجي الدرجه الأولى فهد الصعيري

[جرشان @twobell_s]

سنين وهو يحسب حبهم للابد لين جا منها اتصال هدم كل شي:
«ما عاد لك بقلبي شعور»
ومن حرّها قال:

قلت اه من صدك ثلاثين مره
ياللي معاك سنين وسنين قد عشت

انشهد انه داخل الصدر حره
من كلمتك ياللي على شانكم طشت

شفتك وحبيتك على حين غره
وكنت اتمنى لاجلكم البس البشت

حسبي على حبك وقلبك وضره
غير المرض والهم والغم وش حشت

[جرشان @twobell_s]

دايم المزيون مايكمل حلاه
بس محبوبي وصوفه كامله !!

لا سكت كن العسل مات ابشفاه
ولا غمز رموش عينه خامله

والقلم نفسه اذا شاله معاه
ذاب حبره من لمس انامله !!

ناعمٍ مترف يشد الانتباه
لو يمر طويق فز وقام له !!

من عرفته ذقت لذاة الحياه
فدوه العينه السنين الهامله

ماكتبت الشعر الا من غلاه
والله اني صادز ماهي مجامله !!

[جرشان @twobell_s]

الصاحب اللي ابعلامات الحلا فارق
النفس من سبته شفقه ومحتره

بيني وبينه حروب وشر ومزارق
ذكرني بالتغلبي وسيوف ابن مره

عنيد لكن في قلبه يبرق البارق
لا شافني يستحي وخدوده محمره

دلوع حده ويكفي اسمه السارق
اللي سرقني وانا افكر على غره

وقام ايتغلى علي ابزينه الخارق
هو يحسبن ابجماله صانع الذره

والمشكله اني احبه والهوى حارق
وان قلت قرب تعال يقوللي حره!!

وان قلت يالله توكل عني وفارق
يقول تكفى طلبتك بس هالمره؟!

[جرشان @twobell_s]

جعل من انقذ محمد بخيط العنكبوت
ينقذ فؤادي من اللي طعني خنجره

لاانشدوني كيف الاحوال فضلت السكوت
لان في صدري علوم ٍ ماتكفي حنجره

والله ان اعظم كلام البنادم دون صوت
ووالله ان اعظم جروح النشاما من مره

[جرشان @twobell_s]

يافاتنه جيتك من ديار وحدود
واقول سبحانه محلّي عبيده

وكل ماتهب الريح ويذعذع النود
جيتي في بالي يالهنوف العنيده

طول وشعر واحجاج ورموش وخدود
امواصفاتك يالكحيله فريده

والموت كله داخل عيونك السود
لا سلهمتلي قلت فرصه سعيده

انا دخليك صرت ماخوذ مجحود
وراع الهوى بعيون الاحباب صيده

اما قطفت التوت عنقود عنقود
والا تركت القلب برباط قيده

مضهود من سبة فعايلك مضهود
بس اتوجّد والتوجّد نقيده

من بيننا عشق ومواثيق وعهود
انا الاصل وانتي الهنوف الاكيده

ماجاب راسك لا سبندي ومقرود
محشومةٍ عن قول صيده جديده

ماجاب راسك غير تركي بن سعود
خلاك يابنت الاجاويد سيده

لو الغلا بالشلف اصبحت صاهود
واصلك واجيبك لو انك بعيده

على غلاتك عندي صكوك وشهود
وتشهد لك اشعاري قصيده قصيده

واخش هنا وهناك وهنيه واعود
وارجع واخش هناك واروح سيده

واقول ضميني على القلب ياجود
ايوه هنا ياجود ضمّي الوليده

اللي على شانك وطى كل نمرود
واحرق على شانك قلوبٍ عديده

تفداك من حبة حمنّي وعبّوود
اللي صورها دايمٍ بالجريده

وانتي سليلة مجد وانساب وجدود
في نظرتك شفت العلوم المجيده

[جرشان @twobell_s]

الأرض ماساوت مديحٍ مع ذميم
تشتال هذا ، غير ذاك إشتالها

وأنا لو بتاخذني الدنيا خصيم
يكفيني إني راح أمر فـ بالها

خل الكلام اللي يوقّع في الصميم
بعض العرب فال الله ولا فالها

ماينكب عيال الرجال الا الحريم
اللي توّرث في الطبوع عيالها

- مزيد الوسمي

[جرشان @twobell_s]

وخذني ابجوك ابغفى على صدرك واذوب
اانت جوك في عيون الهواوي لندني

وعقب مصحى ودني للشمال وللجنوب
ودني من وين طقة ابراسك ودني

وين ابهرب منك ياذرب ياحلو السلوب
وانت واقع (صعب اهدك وصعب اتهدني)

صاحبك بعيون ربعه يساويله قروب
عدني كل مزايا ياروحي عدني

[جرشان @twobell_s]

ايه ايتباهى وقول ان القمر لونك
ومصدر شعاعه حبيبي بين حجانك

والشعر كانه يهمك جاك لعيونك
لابو قصيدٍ تردى فيك ماصانك

وكان القصايد ترد احساس مفتونك
اصير شاعر غزل كله على شانك

وابشر بقلبٍ على طول المدى ايصونك
لو خانت الناس يموت القلب ماخانك

[جرشان @twobell_s]

تصدق حبيبي عاد، مالك عليّا حلف؟
وأنا من تعلّمت المشي ؟ دايم لحالي

تراني على حد البكا لا تدقني سلف
أنا الحين اشوفك صدق؟ ولّا يورالي

على بالي إنك حلم والف عيوني ولف
على بالك إنك منت دايم على بالي

[جرشان @twobell_s]

ولا طلبت اني اجيله واشوفه كل ليل
مطلبي من حضرته بس دعمٍ معنوي

وليته ليته يحتضنّي بصدره حيل حيل
او كما قولة هل القاهره اوي اوي

العيون عيون حرٍ مايصداد الهزيل
والشفايف لا حكت تلوي ذراعي لوي

ودايم ارددّ لا شفته على الممشى يميل
اقمحي يابنت بولند وبنت الزنكوي

ابك هذا غير ماجاني بطرق الشليل
اشهدنّه منوة القلب وشوق المهتوي

[جرشان @twobell_s]

يا نون عين القصيد وغاية المبدعين
الشاعر اللي ما يكتب بك ما يطلع جزل

يا غادة الحرف ولا نغمة السامرين
على جميع المعازف حزن ولا غزل

غنيت فيك البيوت اللي كما المارتين
واللي بـ عيني جزل يجيك يرجع هزل

تبارك الله والله احسن الخالقين
اقسام جسمك تفاوت ببن جمع وعزل

قمر كواكب سحابه نجمه زهور تين
استغفر الله ما ودي .. اتهور وازل

[جرشان @twobell_s]

كنت احسب دروب المحبه تساهيل
ورجلي دروب العشق مازعزعتها

الساعه من كارتير والعطر شانيل
وسلسالها الفضي زهى برقبتها

وكلامها لو عذربوه العواذيل
اموت انا بلدغاتها وتاتاتها

عالدايري السادس حوادث مهابيل
لا حركت من بيتها لجامعتها

تكفون خلوها ولو دايم تعيل
عوبه غنوج وياحلو سلهمتها

حتى مهايطها مهايط رياجيل
مافيه كلمه تقولها ما فعلتها

بالمختصر دلوعتي شيخة الجيل
توحمت امها بعسل وأنجبتها

[جرشان @twobell_s]

والكل والله على صدتك ينصحني
رجال هااايب ولا تقدر على بنيه

وانا لو انك عشر مرات تجرحني
كل جرح يزيدك غلا ويقربك ليه؟

واذا انت ناوي تعذبني وتذبحني
الرووح مبطي على شانك فداويه

ماهمني الناس تخسرني وتربحني
مدام طيفك يساومني على الجيه

ابك...انت لو بس في يدك تصافحني
كني ملكت الامل في راحة ايديه

تعال لملم شتاتي ولا تصارحني
انا ادري الحق من راسي لرجليه

مليون مره اعترف وارجوووك سامحني
ومثلك يعذر الخطا لعيون غاليه