يا حيٍّ ذكرى جات من غير ميعاد
في لحظتٍ مرّت والاشواق حيه
ادفت ضلوعٍ بردها كان يزداد
والشوق في صدري تزايد شويه
الله على أيّامٍ مضت ليت تنعاد
مع واحدٍ أبطى علي بمجيه
خذتك الظروف ورحت وادري ماهو برضاك
وانا رحت اراجع ذكريات أجمل سنيني
ما يدري عن اللي بيننا غير أنا وياك
حفظت بغيابك ماحصل بينك وبيني
لاتوجعني بكلمة (فديتك) فداك اعداك
ترى فيني من فراقك اللي يكفيني
على كثر ما مرت ليالي على فرقاك
إلى الان وانت أغلى المخاليق في عيني
تشوفه محطم ويائس ومهزوم
كن النوايب فوق راسه تعلّم
تلقاه يقضي جل عمره مع النوم
من شان يبقى بالحياه يتحلّم
ان صوتو بالقوم ياسيد القوم
الناس جو قم للمواجه تولّم
كنه على صمته موصى ومفطوم
ياخي تكلم بس عيا يتكلم
لا تنغر في ضحكاتي وطبعي المزاح
ورا العين دمعٍ حاير وفالصدر تكه
اداري واحاول جاهداً مايثور سلاح
تقول العباد طيور بيت الله بمكه
خذيت العفو منهج وطول الصبر مفتاح
ولا لحقني شرهه ولا لحقني شكه
ماحزنت الا على هقواتي وطيبي وظني
يوم كنت اظنه اطيب من على الدنيا لقيته
كنت اشوفه قطعه من قلبي وروحي ومني
وكنت اشوفه كل حلم وكل شي قد بغيته
ماهقيت انه بيحزني وعاده بيغبني
في وفاي اللي وفيت وفي غلاي اللي عطيته
ابتعد عني وهو ناذر نذر مايغيب عني
يلعن الله كل عهد وكل طيب قد هقيته
والله وجالك قلب وتغيب شهرين
يعني بخيالك بالغلط ماصدفتك
وانت تعرفني زين لو غبت يومين
اخاف انام واحلم ولا شفتك
يعني سكنت العين هذي وهالعين
واحسب اني مقصر ولا نصفتك
كنك مديني ولا ادري وش الدين
وكني بعد هالعمر ماعرفتك
اشتاق لك ماهوب شوق المحبين
لو انك تسابقني الشوق طفتك
انت ياللي تحسب إنّك عن الخاطر بعيد
والله اني ما نسيتك ولا عنك سهوه
ㅤ
عايش في وسط قلبي وتمشي في الوريد
وان لفاني طيفك اخذ مع الطيف نهوه
ㅤ
انسجم في حضرت الطيف وأغني الجديد
اتقهوى مع خيالك واصب له قهوه
مّل عينٍ نومهآ قلّ من حول شهرين
كن بين الجفن والنوم صاير مشكله
كل يوم أقول ماردها بكره تزين
والصبر يبقى سبيل الليالي المقبله
ياعشيري ضاق صدري وبيحت الكنين
قلت لك ماغيرك أنسان قبلك قلت له
أنت تدري عن غلاتك وعلمي فيك زين
مالقيت إلآ قصيدي عليك أوصله
من ضيقة ٍمن عروق القلب تسحبني
أصغر وجعها يضاهي شلعة الأظفر
ٰ
من كثرة الهم مدري ويش يتعبني
يا بعد عني الصباح الباهي المسفر
ٰ
دورات الأيام تاخذني وتسلبني
أستغفر الله غيري والله أن يكفر
ٰ
يا جعل ربي بذنبي ما يعذبني
ما كان ربي معذبني وأنا أستغفر
هاك القصايد لا تضايقت واقرى
شف وش كثر فيها لضحكاتك اشتقت
اشوف لك من وين مارحت ذكرى
ولا شفتها صديت عنها ودنقت
ماكل جرحً لا خذا ايام يبرى
بعض الجروح يزيد شره مع الوقت
تعال سولف لي عن أخبار دنياك
وش سوت الأيام عقبي بحالك
وأعلمك باخبار حالي بلياك
وأرجو عسا يازين مايضيق بالك
همن بقلبي ياهوى البال فتاك
من سبته يازين ضايع وهالك
وتسكرت بالوجه بيبان الأفلاك
إلا الأمل هو والرجا في وصالك
لا تحسب اني عقب فرقاك مرتاح
ولا تحسب اني رحت أدور بدالك
ماهمني من جا عقبك ومن راح
ولا غيري اللي في المحبه صفالك
طال الغياب والحب ثابت ولا انزاح
وأكتم علومي عنك ما قلتها لك
أشتقت والي حط في قلبي الشوق
ما فيه ليل يْمرني ليل هادي
في داخلي غصّة وفي صدري فْتوق
ولا رحت أدوّر عند غيرك ضمادي
فرقت في عيني ولا فيه مخلوق
ينافسك والي ينافسكْ غاااادي
ياليتك العادي ولا تملك فروق
واستسهلك ويْكون فرقاك عادي