من باب ماجاء في الحنيه :
خلَّي لي الضيق وانتي لا تخليني
وان دار وجه الزمان اندسي خلافي
لا يدخل الخوف قلبك لا تحاتيني
مدامني بخير وفي صحه ومتعافي
انتي في وجهي من الايام صدقيني
لك اللّٰه اني لوقف وقفة سنافي
انا علي الحرام ! وانتي تعرفيني
لو ماتشيلك عيوني تشيلك اكتافي
طالما الزعل وارد ولابُد من وقوعه فلا تحبون
إلا اللي يحنّ عليكم مثل اللي قال/
أراضيها غصب لو خاطري زعلان
وأحايلها .. وأقبّلها .. وأعانقها
وإذا قالت أنا الغلطان! أنا الغلطان
أكذب كل ما فيني .. وأصدّقها
تمنيت انخلق صوتي بدون لسان
و لا قلت الكلام اللي يضايقها
إن زعلتي ضاقت الدنيا الرحيبه
وان بكيتي مات في قلبي غضب
وما يريّحني ضميري والمصيبه
لا عذر مقبول مني أو سبب
كيف أنرف دمعة الفجر المهيُبه
و كيف اطفي نار حزنك واللهب
وليه أنام و رمش عينك يا حبيبه؟
يسهر ويشكي من أسبابي عطب