يا عيون النادر اللي على يمنى ملك
من فصيلات النوادر عسيرات الوكور
انت وينك منه من قطب ولا من فلك
ولاجابوك الغواويص من سبع البحور
وش تصير الخيل والهجن والغزلان لك
والشفق والنور والليل وانسام السحور
والله معادك لعمرك ولاانتب لهلك
للجمال العنفواني و شوفات الشعور
بتصد ؟ صد و روح لا تمتحني
مصيري ابنساك مهما تعلقت
كنت اتضايق منك لاغبت عني
والحين لو غبت الدهر ماتضايقت
مابي اقول الوقت ماخذك مني
انت اللذي قفيت فجاء مع الوقت ..!
ما جيت أسمعك الكلام اللي تبيه
جيت أودع الذكرى القديمة فاللحّد
خل الكلام الحَاد والرأي الوجيه
يمكن يكون الأعتراف أقسى وأحد
ما كنت وجه وبس من ضمن الوجيه
إنسان عاهدني على شيء وجحد
أنت الشعور اللي ما قد حسيت فيه
وأنت الكلام اللي ما قد قلته لأحد
-عبدالله السراهيد .
من لايحس بقيمتك و إنت موجود
ما هو بناشدٍ عنك لا صرت غايب
حاول تفرق بيض الأيام و السود
يا قلب ما كل الحبايب حبايب
اللي يبيك يجيك لو دونك قيود
يكسر على شانك خشوم الصعايب
و اللي يبي فرقاك لو دربك ورود
ما جاك لو إنك من أدنى القرايب
ما لـ الوفاء خطه و ميدان تدريب
يبين في صعب الأمور و سهلها
والآدمي مخلوق ما يعلم الغيب
خل الأمور تسير على مهلها
لا تتعب تدوّر على أهل المواجيب
اللي يبي روس العرب ما جهلها
المرجله و الدين و مزارق الطيب
تلقى مواريها على وجيه أهلها :)
بين صدق السؤال وبين جرح الجواب
في عيوني كلام وفي ضلوعي مرب
أكتب الشعر لأجل يخفّف الإكتئاب
لين عقلي تعلّق فالقصيد وضرب
ضعت بين الدروب اللي بعضها خراب
ضيعة اللي خذته المغريات وخرب
ودي أهرب من الواقع وأعيش الغياب
عن عيون النديم وعن عيون العرب
بس ماعندي من العمر غير السراب
كن عمري تركني للحياة وهرب
والله إن القصيد اللي كتبته عذاب
علّم الغاوي اللي يحسب انّه طرب
الشكر موصول الى أوّل شخص أعتمد أزارير اللبس على انها أفضل وحدة قياس للقرب من الطرف الآخر.
تقريبًا هو عبدالله بن شايق يوم يقول :
أرمي حياتي في الشبك والمحابيل
وأبيع عمري .. في سبيل مْحبوبي
أمّا يروح أبعد من الجدي وسهيل
ولّا يصير أقرب من زِْرار ثوبي
في حكم ربي لا حكم المنصب ولا الرصيد
عنّيت رجلي وعنّتني مشاويرها
لو كنت اباقف ليا منه اعترض كل حيد
ماسقت الأحلام سوق البدو لبعيرها
ولا الاوادم وراها مانيب مستفيد
اليا انكفى شرّها ولا كثر خيرها
ياقوم انا ما تناسبني هموم العبيد
اللي تغرف لصحنها من صحن غيرها
سلطان بن وسام في حبيبته:
اثر من عشق له سيّدة كبرياء وطيخ
بيبطي وهو يشكي من الويل ويعاني
خصوصاً لا قدها بنت شيخ وحفيدة شيخ
تعيّشك في عزله وفي عالمٍ ثاني
لا قلت انتي اجمل نسوة الارض والمريخ
تقول بغرورٍ صادم وغير عقلاني
انامن جمالي تمتلي صفحة التاريخ
مثل ما ملوها بالبطولات جداني
وين القناد الي على فكت الريق
مبعد عماس الي ما تكثر حركته
كم طير ٍ يراوز فروخ الغرانيق
حول به القناص داخل شركته
من يوم صار الشعر منتج وتسويق
قلو محبينه وقلُت بركته
لولا رموز العرف شاعر وذويق
تركت ساحة مبتليه وتركته ):
١٤ فبراير
وش ضيعك مابين عين وبين جيد
يا قلبي اللي لك سنين اتدلها
لو انتثرلك دمع واشعل لك قصيد
باقي سيوف العشق كيف اسلها ؟
حبيبي اللي ضاق ما عيّن جديد
شاعرك عذبات الحروف يهلها
وشلون احدد يوم حب ويوم عيد
وانت الهنا واعياد عمري كلها .
ياجميلة كيف افوّت فرصتي ، وأفوتك
والمشاعر من حلاوة مبسمك متحده
ودي أحيى بك وأداري خاطرك وآموتك
قبل جثمان .. المحبه لا يوارى ، لحده
بعدك أشعر بـ القصيد اللي يثير سكوتك
وقبلك أشعر بـ الفراغ العاطفي والوحده
كيف ما احبك عساني مانحرم من صوتك
وأنتي احلى صوت واحلى وجه واحلى وحده