Mubark Alhajri

[Mubark Alhajri @u6jri]

مايذبح المشتحن خطوات عصريه
الي من الشوق قد هو واصل حده

ياكون حب قديم ومر طاريه
اقفا به الوقت والصده هي الصده

- فارس الحشار

[Mubark Alhajri @u6jri]

أعذروني عن غيابٍ زلته مدموحة
وأسمحوا لي لين أراجع سيرتي وسجلّي

غبت كليّ والدوافع كلها مشروحة
أفتحوا كشف الحضور وسجلّوني كلّي

هكذا طعم المحبة حلوة ومملوحة
وهكذا الفرقا مملة والوصال مسلّي

دام باقي في ضميري نافذه مفتوحه
عبرها ينفذ شعوري لين يبرد غلي

[Mubark Alhajri @u6jri]

@taqeemq8 د. يوسف الرسيس افضل دكتور بالتطبيقي كله 💐

[Mubark Alhajri @u6jri]

قلبي أثقل من طويق ولا تحرك شوقه
صار طيرٍ في مهبّ الريح ينقض ريشه

ما يقند لهفته .. ولا يعانق ذوقه
غير محبوبٍ تمادى في جفاه وطيشه

واحدٍ من كثر ما الله مالحٍ منطوقه
ودك تْسولف معه ولا تذوق العيشه

[Mubark Alhajri @u6jri]

خلك من اللي حبّها مره زعل مره فراق
عليك باللي حبها هو والله الي صدق حب

عجمً من اغلى ذودنا وسيعة المنحر رقاق
يومي الهوى بسبالها وتلاعبه لامنه هب

نحنّها من حبها . . . ولا ترد ولا تساق
والى خطم لها الفحل صحنا عليه بـ قب قب 👏🏻

[Mubark Alhajri @u6jri]

اوّاه ياليتك معي ياقلب ما انت بقلب عاق
وتطيعني لاصحت فيك وقلت لك ياقلب تب

لاشفت ترفات الصبا تخيّل انك في سباق
اذا قدرت تروح روح ، اذا قدرت تخب خب

حتى لو انهن تب تب ولو سوالفهن رقاق
ماجاب فينا العيد غير اللي رقاق وتب تب

[Mubark Alhajri @u6jri]

يا لبيّك الحنونه يا وجودي منك يا لبيه
أنا لبيه عندي بـ الغلا والحب مرهونه

أعرف الحب لكن مستحيل استخدمه ترفيه
جعل ربي يهين اللي على اهواهم يهينونه

لا تبدي لي مشاعر قلبك اللي مستحيل ارضيه
ترى ما عاد ليّ قلبٍ يحس بْمن يحبونه

[ناصر الحمادين @nalhmadeen]

عيّد علي وادمح لك التقصير
اللي لحقني منك قبل ايام
..
عيديتك ترى لها تاثير
مفعولها يكفي سنه قدام
..
كل عام يا اجمل قلب وانت بخير
وكل عام وانت الحب والالهام
..
وجهك يضم النور والنوير
والعيد فرصه والعيون حيام
..
وانا اتثيقل مير قلبي طير
كفخ بجنحانه وصوبك حام

[Mubark Alhajri @u6jri]

ويلي على شوفك ويلي على جيك
في ذا المطر ودك ان حنا مع الاخر
- علي الدعيه

[Mubark Alhajri @u6jri]

باختصار ! انا اختصرت المسافه وانصرفت
تاركٍ لرضاك " عرض البلاد " و طولها

بكره او بعده تعرف انّي اطيب من عرفت
عاد .. ذاك الوقت ؟ مالك لسان تقولها

[Mubark Alhajri @u6jri]

صباح الخير

المشاعر لو تشوف .. اقصاها
تدري ان جيتك عندي ماهيب عاديه

[Mubark Alhajri @u6jri]

لا عسعسَ الليل زادت وحشتي وينك ؟
الصوت ما ياصلك و الشوق ما جابك !

شكرًا بحجم الغـلا اللي بيني و بينك
وإلا بحجم الجروح اللي من أسبابك

[سعود بن مبارك @Saud_almshly_]

تايهٍ فوق صدره ضمّ كلتَا يديه
بارْ فيه الكرى لين احتواه السهاد

يصبح الكون عنده كبر حجم الجنيه
كل ما هب من ماضيه ريحة قناد

ما لقى من رغيف الحكي ما يشتهيه
فَضّل الصّمتْ واختار الحياد الحياد

مستحيل يتقمص طبع ما هوب فيه
ألا ضحكه وضحكه ما عليه اعتماد

غربة الروح روحٍ عافت اللي تبيه
تشعر بحزنها بين الأهل والبلاد

دام الأيام سر ودام الأحلام تيه
القناعة عتَـاد اللي يبـي له عتَـاد

ضاع عمري وأنا مابين مدري وليه
أتحرّى السعادة لين بانت سُعاد

قالت الجرح عاده نيّ، قلت أنجحيه
أصلًا الجرح فوق الجرح مثل الضماد

قالت الشعر ثوب حداد، قلت ألبسيه
لا أنعكس نور وجهك في حروفي سواد

أنتِ آخر خطأ وأول صواب أهتديه
والخطأ والصواب أول دروب الرشاد

أشعر إني معَك عودٍ مقامه نزيـه
وأشعر إني معك طفلٍ حبيس المهاد

احفظي وجهي اللي ما يعبد الوجيه
واستري قلبي اللي كان قبلك جماد

كان مالي عذر يقنع خطاك الوجيه
يسقط الظّن في وجه الكلام الوكاد

وش عليّ لو يموت الحُب وأبكي عليه؟
الغصـون الوريـقـة تاليتهـا رمــاد

والغـلا محدٍ يبيـعه ولا يشتريـه
لمـحـةٍ فالعيـون وبذرةٍ فالفـؤاد

أحسبن المشاعر ما تـخـون النّبِيـه
إثر حتى المشاعر صار فيها فساد

[Mubark Alhajri @u6jri]

يا وجودي كل ما هبّ نسناس الشمال
وجد من حدّه زمانه على اللي ما يبيه

ويا وجودي كلما اضحيت ثم مال الظلال
لا غفت عيني ولا ذقت شي ٍ مشتهيه

وجد من قفّى وهْو في رجا كلمة تعال
وإلتفت من عقب ماْ اقفى ولا أحدٍ لدّ فيه
- ضيدان بن قضعان فرع العدان

[Mubark Alhajri @u6jri]

"اتجنب سبايب شعري ومفرداتي
والعرب تجبر الفنان يرجع لفنه
ٰ
ويوم قال الفكر با أخيرك في بناتي
قلت قلبي مع اللي جعلها ما تحنّه
ٰ
من خطاها علي خلت عتابي سكاتي
والسكات ابلغ انواع المعاتب مع انه
ٰ
ضيع اكثر فرص عمري وبعض امنياتي
فدوه للي غلاي تبينه ما تكنّه"

[Mubark Alhajri @u6jri]

حبيبي ياليت العمر منا الين انهيه
مثل ضحكتك لا قلت شيٍ ماصدقته

ماتقدر تقول ان فاقد الشي مايعطيه
وانا اعطيك ضحكٍ لي سنه يوم فارقته

انزه محبتك الشريفه من التشويه
وانا العاشق اللي رغبه النفس مرهقته

ماطلت العنب لكن ما والله اعذرب فيه
اشوفه واعرف انه حلو مابعد ذقته

[Mubark Alhajri @u6jri]

يامرحبا ياحي رقم الي تمادى في غيابه
شلت جوالي وانا حيي وأرد وهو يحيي

فرحتي به عيت تخليني أبدا في عتابه
كنه يقول ادري ان بطاي يشفع له مجيي

أطرق ماكن فالدنيا نعيم الا عذابه
هو معيي يسمح من الكبريا وانا معيي

جعل حب ٍ منزله بين الحنايا ينحكابه
في عمار ولا يروح ضحيه في لغيه وغيي

[Mubark Alhajri @u6jri]

اتصل بارك الله فيك لامنك فضيت
والجهاز الي تنادي لي معه عطني نداه

ذا كلامك يوم اسمعك القصايد بيت بيت
ف الصميم وكل بيت ازين من الي وراه

كل ماقلت اللقاء قلتي اصول الاتكيت
مايجوز موعد العاشق اسبق له لقاه

لو حجزت لي جناح ملكي ولا سويت
اللقا لا بارك الله فيك لو فـ ارضٍ خلاه

[Mubark Alhajri @u6jri]

والله لابعتك ولاختتك ولاعفتك
ياللي جميع المشاعر فيك مشغوله

لكن لي ايام وانا اعيد سالفتك
ماودي اعيش معك ايام مجهوله

غربتني لين صرت اسعى لمعرفتك
وابعدتني منك بعد الراء من التوله

حتى الكلام اللي اقوله اذا شفتك
جفلتني منه ماعاد اقدر اقوله

[Mubark Alhajri @u6jri]

مانيب والله على الهجران مختبرك
مصدّقك لو تقول الوقت ما امداني

ماضاق فيك المكان اللي على خبرك
للحين والشوق يامرني وينهاني

يطول معك الحديث وينتهي صبرك
وامشي على شان ماتقعد على شاني

- مزيد الوسمي