عليك الله اكبر كيف تسلب نعمة النسيان ؟
يا وجه ٍ .. القلوب ترف له و الشعر يكتب له
وش اللي يمنعك من كلمة ٍ يرجح بها الميزان
ترى مانيب مجبور اخذ الحكمه من الابله
يحرضني جفاك احاربك و اطاوع الشيطان
و يجبرني وفاي اوجّه الشيطان للقبله
حفيدة من يعانق سماء المجد والأمداح
من حقوقها تمشي مع الناس منغرّة
.
سليلة كبار ومجدهم ما يبي الإيضاح
نجيبة حرار وحرّة(ن) من بطن حرّة
.
هي الغادة الي طهرها فـ الدجاء وضّاح
وهي الدرّة الي صدق تستاهل الدرّة
يستلذ القلب في قربك ويبرد به شهيقه
والخفوق اللي يضمك داخله يرتاح زوره
كل يوم يزيد حبك فالمعاليق الرقيقه
وكل وقت يمر به طاريك يامحلا مروره
المشاعر والوفا والود صوبك مستسيقه
والغلا مقدر على تعبير مايحمل شعوره
لو بساطي من التربة وسقفي عريش
نفسي أسمى من الارض ودراويشها
يمكن أقنع بـ حلمٍ ماوصلته وأعيش
ما لـ بعض الأماني .. غير تطنيشها
لكن آعيش عيشة منكسر ماعليش
هذي العيشة اللي ما اقدر أعيشها
يا لبيه ياللي كل ما قلّت لي لبيه
عطيت الهموم إيعاز والضيقه إباده
أنا العارف اللي منطقه يربك معاديه
وأمامك رهينٍ تربكه " عين وقلاده "
مع الناس صلف الا معك ليه مدري ليه
يجيني شعور ما أعرف أميّز أبعاده
لك الخافق اللي مانزل قبلك أحدٍ فيه
ولك الدعوه اللي بين مصحف وسجاده :(
يا ألطف من الغيم وأمتع من رذاذ المطر
في عيوني أحلى من القمرا ومن نورها
تصدّقي بالكلام اللي ماهو مختصر
الناس دايم تصدّق حسب ميسورها
أنا فقير المواصل وانت كلك نظر
ترى الفقارى قليلك يبهّج صدورها
الليله اللي تجيبك ذيك ليلة عمر
وأنتي مسا خيرها وانتي مسا نورها
هيه ياللي في ضميرك كلمةٍ ماقلتها لي
الكلام اللي ماينطق فيه ناس يفسرونه
الغرور.. اب التعالي والثقة بنت المعالي
والمجامل سمعته زينه ولحيتة محسونه
اغلب اللي (يفشلون) يفكرون بصوت عالي
جعلني مانيب من توخذ علومه من عيونه
النور ضحكة ثغرك الوضّاح
ملامحك مدعاة للتسبيح
مالك شبيه إلّا المطر لا طاح
ولا نديد إلاّ بنات الريح
ما تدري إن شْفاك منهل راح !
وأنّك رياض مْن الندى والشيح
لا تقول أحبك قول أنا مرتاح
الحب ما يحتاج للتوضيح
لاتذبح التلميح بالإيضاح
الإيضاح يقتل روعة التلميح .
عليك من الرضى ما لاعب الغربي غصون الطلح
و ما هل المطر و ابتلت القيعان و اخضرّت
حبيبي لو تبادر بالعطا و تمد كف الصلح
تبادرك اليمين اللي لا قرت بالقسم برّت
وش أحلى ملامك غير وجهك و أنت كلك ملح
لك جباه القصايد تحت رمشك صاغرة خرّت .
تمرّد على قوس الحنايا مشيب الراس
والامال والاحلام ماهيب عاديّه
حلالاه يا المشراف والفجر والنسناس
وحذف الهموم اللي ورى الصدر مكنيّه
ابا اروح منها روحة اللي ما فيه احساس
ولا عاد في نفسه لأمانيه أهميّه
يعاف الطمع من يعتبر من مصاب الناس
عسى الله يعافي كل مبلي ومبليّه