jri .

اكتب في مسرى الهُوجاس ، مُحب وعاشق لـ سعد بن علوش .

[jri . @u8enl]

الشعر طاريه ينعش الروح
وانا الي معه روحه وجيّه

مبناه عندي سقف مصروح
والصدق .. فيه نيةٍ " حيّه " .

[jri . @u8enl]

يا طير ياللي بالسماء حوم وعقاب
بلّغ سلامي للبنت الخجوله

بنتٍ غلاها بان في عيون الأقراب
تحديت فيها . . وعيّت لا تطوله

فـ الليل ساري والهوجاس ما طاب
والنفس من حرّ الفراق مغلوله

هذي رساله ليت تاصل لـلأحباب
تشرح غلا منهو تبدد فضوله .

[jri . @u8enl]

أياااام الشتاء❣️.

[jri . @u8enl]

يا وجد وجداني ساقتك المنيّه
على شاعرٍ لا بعده ولا قبله .

[jri . @u8enl]

التنويم وتعبه ، يالله انك تقومنا بالسلامه❣️.

[محماس @Al_ruwqi_511]

سلام الله على ظلم الفراق وقسّوة الأيام
عسى ربي يسهّل لك طريقك وتحيا وتدوم

رح ووجهك بياضه من بياض الصبح ما ينلام
وأنا من مدّة إيدين البخت يرضيني المقسوم

وش بيدي وقف حظ الفقير وماتت الأحلام
إذا حبّك من أول يوم وفراقك من أول يوم

رقبتي قفلتين وسيف هجرانك مسيرة عام
جلدني وأنكرتي ملحة العشرة وربعي قوم

يهونها لو أن الحظ يسّلك مسلك الأقدام
ما كان أوصل حدود الأرض وأعوّد وأنا محروم

تصافق لك معاليق الضماير يا بعد من قام
وخلّاني خصيم لوسعة الصدر ولذيذ النوم

أداري عبرةٍ ضامَت عيوني والعيون تضام
وأكبّر هقوتي لا كبرت الشرهة وكبر اللوم

يا ويلي من مناديب الظنون وطرقة الأوهام
تساويني معك في خانة المحمود والمذموم

تشوف أنك على حد اليمن وتشوفني في الشام
وأشوف أننا على وجه الحياة اثنين توم وتوم

تذكّر وأنت عنّي بعد الأبوة عن الأيتام
رهين الغربة اللي من دياره ما تجيه علوم

بعد ما دار عام من المفارق يا غرام العام
وروحي ما بقى إلا زفرتين وتبلغ الحلقوم

لا ترخّص قيمتي لا من تذكّرتك وأنا قدام
وجيهٍ تذكر الظالم ولا تدري عن المظلوم

ما بعتك بالسحايب والبروق السمر والأنسام
وساموني بتلويحة وداع وبعت بأول سوم

سئمت العيش (نون وصاد) واللذات (سين ولام)
بنادم، والبنادم حيلته ما توجد المعدوم

ما دام الصحف جفّت وأنت رحت ورفعت الأقلام
على حبٍ من أول يوم وفراقٍ من اوّل يوم

- مدغم ابو شيبه

[محماس @Al_ruwqi_511]

آستوى المسرا على برق المزون العقربيّه
العقال منكسه لـ الخلف و الطرقه طويله

فوق فرديّ الوصوف اللي وصوفه عالميّه
ما حلم فيه الفقير اللي مداخيله قليله

لا مشى في غطرسه مايعطي الناس آولويّه
كنه اللي عايشً في جيل : ماهو مثل جيله

كن لونه تحت شمس العصر خدة مغربيّه
من نظافة بديه يغسلون غيره من غسيله

من غلاه يحن من طوي الدروب السرمديّه
ودك يشيلك شوي و تاقف شوي و تشيله

السڤن مقلوب في وجهيّته رمز الهويّه
حط جنبه تو زيرو ون تعرف كم مديله

يستحق أنك بـ دهن العود تملا تانكيّه
و يستحق تطيّبه بـ العود الأزرق كل ليله

ذاخره يوم الخوي يذخر على الشده خويّه
ما تريّح لين اشوف القاع الاشهب مستوي له

لا استوى لي قمت اغني بـ البيوت الأكلبيّه
يا جميله قام يطوي الحال طاوي يا جميله

فيّ جرح و فيّ حزن و فيّ شوق و فيّ كيّه
و في عيوني جمرةٍ حمرا و في كبدي مليله

ما ينظم زحمة أفكاري مرور الناصريّه
بين عاكس سير متهوّر .. و عابر في سبيله

آتركوني في متاهات الخيال الجرهديّه
لين أسوي صلح بين الممكنه و المستحيله

عيني تسوي لـ روس الناس إشاعه مقطعيّه
و قلبي يحلّل نوايا قلوبهم بـ أهون وسيله

إختلاف الناس عادي فـ الأمور العايديّه
من يشوف انه وكيل آدم ترا ماهو وكيله

لا تحاول تقنع الناس بـ قناعه داخليّه
كل زورٍ فيه شور و كل راسٍ فيه حيله

فيه ناس تشوف الأشياء المستطيله دايريّه
و فيه ناس تشوف الأشياء الدايريّه مستطيله

ودك الرجال يطلع فيه نسبة عنصريّه
ماتعديه الحدود ولا تضوّي له فشيله

أترك اللي فزعته مثل الرياح الموسميّه
و أنحر اللي فزعته عجله مثل برق المخيله

ان وقف ما وقف الا فـ الامور المفصليّه
و ان برك ما يبرك الا لأجل يشتال الثقيله

مجلسه ياخذ رحابه من صدر نجد العذيّه
مدهل أصحاب السمو و مدهل أصحاب الفضيله

الرجل منّا !.. ليا صدّع يسوي شاذليّه
ولا ابو نايف ليا صدع يسوي له جميله

الكفوف الحاتميّه و الكفوف المتعبيّه
لو نحلّل دمها نلقاه من نفس الفصيله

اسمنا إللي نفتخر فيه و نحطه فـ الهويّه
لو نحطه فوق ظهر طويق مايقدر يشيله

محزم الغلبا الجويد بـ كل شان و كل هيّه
الفخر دايم تداعبنا نسايمه العليله

من يوقف في نحانا في سنين الجاهليّه
كنه إللي بانيً له بيت في بطن المسيله

الجماد يصير له في ظلّنا هيبه قويّه
القبر يمّن دخيله : و الجذع يمّن دخيله

وضعنا بين العرب ماهوب وضع المزهريّه
مثل وضع الفارس المقدام في ظهر الكحيله

من يحاربنا نقول أختار في هذي و ذيّه
نتركه يختار يا أما نزلزله ولا نزيله

مالنا في ماضي الدنيا وزارة خارجيّه
نتفاوض بـ الرماح و بـ المراهيف الصقيله

- حزمي بن سعد

[المُقتضَب @3sa__s]

«عداك اللوم والشرهه ولا يلحق مداك عتاب
مادام إنك تبي ترحل؟ توكل لا تواسيني»

- ضيدان بن قضعان

[jri . @u8enl]

يرفع الرجال صبرٍ في محله
ويرخص الرجال كثر محاولاته .

…..

رفعان العرجاني .

[دمــث @v80r_1]

انا وشلون . . ماسلم اذا مريت
وعليك يلف قلبي من قبل راسي

سلام الله عليك شكـان ماسويت
بتبقى الاول في عمري وفي ناسي

سعد علوش

[jri . @u8enl]

" يوم التروية "
نسأل الله أن يروي قلوبنا بالعفو والغفران والرضا والسكينة ويغيثنا بالخير والجبر.

[jri . @u8enl]

Friday .

[jri . @u8enl]

رُغم فقدان الشغف جالسين نصاااارع .

[jri . @u8enl]

أحس بشعور مثل الفتور
مثل فقدان الشغف
ورُغم هذا كلّه الا أني
جاااالس أصارع

ومثل ما يقول جراح العتيبي :

بيني وبين الضحك مشوار عساس
ومسافةٍ تحتاج .. دربيل جيشي

صار الزمن حده مثل حد الامواس
يضرب بـ شلفاء مثل شلفاء القريشي .

[jri . @u8enl]

أحس بشعور مثل الفتور
مثل فقدان الشغف
ورُغم هذا كلّه الا أني
جاااالس أصارع

ومثل ما يقول جراح العتيبي :

بيني وبين الضحك مشوار عساس
ومسافةٍ تحتاج .. دربيل جيشي

صار الزمن حده مثل حد الامواس
يضرب بـ شلفاء مثل شلفاء القريشي .

[jri . @u8enl]

رغم انكساري ، من ظروف الوقت ، والحال المرير
لا زلت واثق ، والمح الأحلام ، حتى في السراب

رغم ابتعادي عن جميع البيض الوصف المثير
لا زلت متذوق ، واعرف الحسن ، من خلف النقاب

كل ما انوي اعتزال ساحة الشعر ومساحات الأثير
يبقى فيني الف معنى ،، ما تضمّن في كتاب

من الأرشيف .