قصيدنا

مهتمة بالشعر و التراث الإماراتي 🇦🇪♥️.

[قصيدنا @uae3f]

انته لاول صاحبي واقرب قريب ..
ليش هذا اليوم تخلف مستواك!

[قصيدنا @uae3f]

روّح غنـاتــي جان بتــروح
مسموح و برايك يا شحّاح

ما فالمـقـفّـي شي مربوح
غير الشقى و متالف أرواح

ما تنغصب روح علـى روح
والحـر ما يولونـه شحـاح

#سيف_العميمي

[قصيدنا @uae3f]

واصفج حذا الجفين وابجي على الاولاف
ابجي زمــان مر .. مانلـت انا خيره

سـلام منـي لـك يا مضيــع الوفا
بسمـح انا الزلات لو هـي كثيــره

عسى عسى لي دار ذكرى ويت على
بالك .. ليالي السعد لي هي منيره

.. ♡

[قصيدنا @uae3f]

خلي تركني وراح وانسى العشيره
خلا دموع العيـن تزايـد قطيــره

قفـى وشل القلب شلّـه بعد وياه
ماراف بالمظنون ابعد عن الديره

شكلٍ عجيب ولون فايج عن الحدي
اهـواه لو قاســي ماودنـا غيــره

ابجي والوم النفس من ربعته اللي
خالي من الشيمات مافيه غيره..!

[حُب و قصيد @3nzi26]

لا جفاك اللي تحبه فلا تلحق وراه
ماجفاك الا وهو وده انك تقطعه

عز نفسك عن تقفاه لا لقى قفاه
مخبل اللي كل ما اقفى وليفه يتبعه

وش تبي باللي مايبغيك يامال الغناه
ماورا طرد المقفين رزق ومنفعه

والله لو انه يحبك ماسوا ذا السواه
كان يمدي دافع الشوق صوبك يدفعه

[قصيدنا @uae3f]

وشطتكم صروف الدهر عنا
نسيتـونا و نحـنا مـا نسيـنـا

و لا تـدرون بمّـا صـايبــنّـا
و لا رفتوا و حنـيـتوا عـليـنا

ولو صـرف الليالـي فـرقّـنـا
نـداريكـم مـداراة الجنيـنـا

نراعـي عهـدكم لـو متعـبنا
ونذكركم على طول السنينا

و قـلـب بالعنـا دايم معنّـا
فلا ينسى الحبايب والظنينا

♡

[قصيدنا @uae3f]

@0imv_ **طويكم

[قصيدنا @uae3f]

خلي تناساني وتناسى ودي
وعني انقطع من دون ذكر اسباب

باقي على وعدي وحافظ سدي
وان قلت ما مشتاق له كذاب

انا من الليعات واصل حدي
والراس من بعد الحبايب شاب

قفيت عني يا زمان السعدي
ولا كنت حاسب للفراق حساب

💔!

[قصيدنا @uae3f]

حبيـبي دوايــه وطب
وقربك شفى الهموم

أحبك وأحب القرب
وأحبك معي كل يوم

♡

[قصيدنا @uae3f]

صعيبـه دروب الحـب
 صـعيبـه وأنا مـاروم

أفـارق محـب يحـب
 وأعيـش العمـر محـروم

[قصيدنا @uae3f]

ليـــت الأيـام لـو مـــره تسـاعدنا
تسعد أرواح من الأفراح معدومه!

[قصيدنا @uae3f]

ليت اللقى ما انتهى يوم شفتك
وليت الثواني في شوفتك طالت💛'

[قصيدنا @uae3f]

ضَمـة ولـه بضمـه لين الضلــوع تّليــن
ضمة رضيعٍ لامه لي ما كمل سنتين ❤️‍🔥'

[قصيدنا @uae3f]

حبكم وسط الحشـا سـادي
لـو يـبـل مـا اتحملـه كـلـه

ويـل منـهو مثـلـه افــوادي
كان طول الوقـت قـد حلـه

يـيت مثل الشمس متبادي
يا شفـا روحـي مـن العلـه

روف بي يا غض لانهادي
وارحم اللي منك في علـه

يـا عجـيـد اريــوم لـبـلادي
يـا سفـر هـذا الوطـن كلـه

💛

[قصيدنا @uae3f]

لكن بي من حب زينا
طفلٍ على كل الملا زان

متْبزّي بْحسنه علينا
ماطاع فينا يفعل احسان

إن قلت فينا الحب فينا
لكن فيك الحسن فتّان

قطع الصداقه قطع شينا
يا زين منك الصد قصران

حيد الهوى لاوّل سمينا
واليوم عني وقّف وحان

لو للهوى قاضي شكينا
ياخذ نِصَف والحق ميزان

︎♥️'

︎

[قصيدنا @uae3f]

ما اشد يوم فيه فراقك
ياروح روحي عند غاليك

غيرت عنا سير مجراك
واعتضت فينا لي يسليك

ما عرف مني شوالذي ياك
لا حيدني دست الخطا فيك

ابعدت في شوحك وممشاك
خليت خلك لي يوديك

معنا حشيم وزين معناك
وخلاف ظيعت الرجا فيك

شطيت بي واشقيت مظناك
مسموح جان الهجر يرضيك

💔!

[قصيدنا @uae3f]

ساكنة في العين روياكم
ما تفارق طرف لعيونا

لو نعدد في مزاياكم
تعجز الأوصاف من دونا

واسعد الأوقات وياكم
شي يشرفنا وترزونا

والحياه وش هي بلياكم
مالها طعم ولا لونا

ما خلق مخلوق يسواكم
وغيركم أبداً فلا يكونا

أنتم الفرحة ولولاكم
ما عرفنا بهجة الكونا

♥️'

[قصيدنا @uae3f]

لـيـت الـقـبـر يـعـرف مـقـام اللـي دفـنّـا فـي ثـراه
                          
يـا مـااعـظـمـه حـيٍّ وهـو مـيّـت بـعد يا مااعظمه

💔

[قصيدنا @uae3f]

لـو الحزن يقدر يرده ما ذخر جفني بكاه
حزنت لين الشمس تصبح في عيوني مظلمه

لـو آتمنى شي من دنيا الفنا كان المناه
إن العمر يقسم ما بين اثنين حتى أقسمه

واعطيه نصف العمر واشوفه على قيد الحياه
واعلّمه وش كبر قدره في الصدر واعلّمه

💔

كلمات #فزاع

[قصيدنا @uae3f]

@h_s_almazrooei الله الله 👏🏻👏🏻