مغامر

مجري الهيّاب

[مغامر @uicmc]

اللهم اجرني من موت الغفلة ولا تأخذني من الدنيا الا وانت راضٍ عني .

[مغامر @uicmc]

الشدايد تبيّن محتمين الأشدّه
والمواقيف ينطحها زبون الخساير

مايغيض الوجيه المبغضه والمصدّه
غير فعلً يولع في القلوب السعاير

ودك ان الولد لا عدو القوم عده
يلكد الخيل لين يرد سهف العشاير

التواريخ ما ترحم كبير المخدّه
كان مايرتكي للحمل والحمل جاير

[مغامر @uicmc]

الانسان كانه ما شقى ما عاش فالدنيا سعيد
لولا الشقى ما كان للدنيا طراة و لا طعم

[مغامر @uicmc]

الحظ في الدنيا مثل شمس النهار
تشرق عليك وعند غيرك غايبه

[مغامر @uicmc]

على عشيرٍ صد قلبي عن الغير
وخلاني اترك مترفات العذارا

خدّه من النيروز فيها دواوير
متخالطٍ فيه البياض وسمارا

ناشه سمارٍ من صبا نجد تذمير
دون الحجاز وعن شماله قفارا

والعين عين مسخّر البرق تسخير
من ماكرٍ ما عشعشت به وكارا

* جزاء بن صالح الحربي

[مغامر @uicmc]

لا غدا ليل السهارى عنق غاده
قامت الاطلال تسرد لي عهودك

عذرك ان الليل لاخيم سواده
مادرى ان الشمس تشرق من خدودك

[مغامر @uicmc]

أطعن برمشك نسانيس الذواري و الهبايب
لين أصحي ليلةٍ غافي على نحرك قمرها

[مغامر @uicmc]

ياعشيري عقب ضغطك على القلب الهَشاش
وشفتني ما عاد لي في هوى غيرك نوي

ما تهيَّا حزةٍ يحتويها الإنتعاش
في مخاوى واحدٍ مايبي غيرك خوي

الحفاوة منك ما ناشني منها نواش
غير زرق سهومك اللي على القلب تهوي

[مغامر @uicmc]

لو كل ما نسمع نحطه على البال
كان الهروج العوج .. بذت خفانا

بدر الحويفي

[مغامر @uicmc]

نزلنا على نجد المسمى نزول كبار
الين انها قرت لربعي قرايرها

وملكنا عدودً مامواريدها بقصار
ملكنا عبالٍ ينشرح بال زايرها

نصانا الدخيل اللي يدوّر ويطلب ثار
ونصتنا الهنوف اللي تهامل عبايرها

[المُصْحَف @AlMosahf]

يُسَبِّحُونَ بِحَمْدِ رَبِّهِمْ

[مغامر @uicmc]

الخاطر المستضيق اللي سهر ليله
مسامَر الهم عنده شبه روتيني

يستر عيوبه بـ تكبيرة و تهليله
ويواجه المجتمع بالوازع الديني

يالله برزقٍ ترازم لي مخاييله
أول مناشيه عن باقيه تكفيني

ما بين زيف الشعور و قلة الحيله
يا كثر ما ماتت الاحلام في عيني

[أخبار السعودية @SaudiNews50]

الدكتور عبدالله آل دربا :

أكثر من يعاني في الحياة هو من تربى جيدًا.

[مغامر @uicmc]

يا حي يا قيوم برحمتك استغيث أصلح لي شأني كلّه ، ولا تكلنّي إلى نفسي طرفة عين.

[مغامر @uicmc]

فلسفة سعد بن جدلان رحمة الله عليه
في مواجهة الحياة :

اشرب قبل تقفي عليك المشارب
ما للحسايف في المقابيل واحه

السم دايم في ذيول العقارب
والحر دايم رفعته من جناحه

لا تعطي الدنيا استراحة محارب
حارب ترى الدنيا مافيها استراحه

[مغامر @uicmc]

كبار الهقاوي ما تعلق على البيبان
والأمجاد من يتعب لها تحفظ سجله

يا راعي الجناب الدمث والمحزم المليان
اعرف ان طيبك فطره .. و لينك جبله

احدٍ وقفته لا شح وجه الزمان تبان
واحدٍ لا اصطفق موج الدهر بان به خله

الله يقطع اللي مثل ماقال ابن جدلان
لو الناس تصفي كلها ما صفى كله

[مغامر @uicmc]

سايقٍ عمري مثل سوق بدوٍ فوق شاص
أتبعك .. و البدو تتبع هوى كل شعوى

عزام الشعيفاني

[مغامر @uicmc]

احث القدم و اليمه لبيته المعمور
ابو حاجبٍ يضحك و ابو علمٍ يجمّل

ولو إن الزمان يفر ولا الليالي تدور
ذخرته ليوم يذعر الرجل و يزمّل

[مغامر @uicmc]

يا وريثة كاسب الطيب والمجد التليد
اللي مثلك لازم يقدر حقوق الشجاع

ما غويت الا بحبك وبلحون القصيد
المتاع اللي تمنيت والدنيا متاع

لا تقولي حمر عين وقلبه من حديد
الحديد يذوب عند اللي عيونه وساع