عَـ

لا الأرض أرضي ولا الميلادُ ميلادي

[عَـ @uiiiil_3]

مازاحمت الحوقلة هماً إلا بدّدته
" لا حول ولا قوة إلا بالله "

[عَـ @uiiiil_3]

تطمّن يا نهاية عامي وياعامي اللي حَل
تراك أنت السنين وعمري اللي عايشه كله

أنا يوم إنّي أسمّيك عمري ما لساني زَلّ
وش الأيام لو ماهي "غلاك" وشمسه وظله؟

أحبّك كل ما قالوا بدأ قلب الحبيب يملّ
وأحبّك كل ماقلت اسكتوا لا يمكن أمله "

[عَـ @uiiiil_3]

لاتحسب أني خفيف وانجرف كلّي
واطرد مزون الظنون وبرقها اللايح

عقلي دليلي واقيس العلم بالملّي
ونفسي عزيزة وقدري ماهو ب طايح "

[عَـ @uiiiil_3]

حط لـ هقوتك في معظم الناس حد و قيد
لا ترجع مع الأوهام في حرب و مشاجر

ضياع العشم ياثر على البال بـ التنكيد
مثل ما السهر يأثر سواده على الحاجر "

[عَـ @uiiiil_3]

في زحمة الإعجاب و هتاف الحضور
وش مطمعي بغيرك و أنا كلي معك ؟

أحيان تاكلك المظنه بلا شعور
و أنت الذي تحكم فؤادي بإصبعك

ما أخترتك من الناس يا وجه السرور
لأجل أزعزع من ثباتك و أفزعك

لوّك تشوف آثار حبك بالصدور
كان إقتنعت إني محال أستشبعك "

[عَـ @uiiiil_3]

أحبك ليه انا مدري و ليه أهواك انا مدري
لو مرت علي ذكراك يفز النبض في صدري "

[عَـ @uiiiil_3]

طبعي اجنّب عن الناس واصد
لاشفت ما لا يستحق اهتمامي

في ذمتي ماهو بمعجزني الرد
انا اعتبر صمتي جزء من كلامي

لكن عندي كل حاجه لها حد
قبل توصل هيبتي واحترامي

صدّي عن اللي مايبادلني الود
شيمه لنفسي واحترام لمقامي "

[عَـ @uiiiil_3]

أكيّف مع الفنجال الأول بدون إدراك
ويوقظ سبات الفكر فنجالها الثاني "

[عَـ @uiiiil_3]

من خصايص عنود الصيد كثر الطواري
عادة الظبي يجفل لاتحرك ظلاله

ما يصيد الجوازي كود بخصٍ وضاري
القنص بالركاده والتسرع جهاله

وانت عشقة حياتي ياغزال البراري
أتفاول بوجهك سعد من صرت فاله

إنت والله حبيبي وإنت والله داري
إن نظرة عيوني يم غيرك جماله "

[عَـ @uiiiil_3]

من خمسة ايام والساعه على ماهي
نامت على حزة الفرقا عقاربها

ياهي على حق مخلصه ياهي
توقف مع توقف قلب صاحبها

لو حطها الحلم في وسع الفضاء الراهي
ياسع بها يوم يومين ويضيق ابها

دخلت فيها وكنت الامر الناهي
وخرجت منها وكني لم اكون ابها "

[عَـ @uiiiil_3]

يا ربي أجعل في طريقي شمعة
فيها استدلّ مْع الزمان الجارح

يا كبر ظنّي لا ذرفت الدمعة
ما كنّي اللي عن فروضك سارح

اطلبك تيسيرك بيوم الجمعة
و المغفرة واللي دعيت البارح "

[عَـ @uiiiil_3]

مشيت وكلمتي كلمة بلا تبرير واستعطاف
يكفيني اكون أكبر من اللي هم يظنونه

اجي مثل السحاب و لون قلبي ابيض وشفاف
واكون اكرم من حضوره واروح اعذب من مزونه

عيوني للحسن قبلة و جفني للحبيب لحاف
وروحي لجل من يستاهل الأشواق مرهونه "

[عَـ @uiiiil_3]

العصر لا سلّم شعاع الشمس في كف الغروب
كنّه يسلّم صبري و حلمي و يودعها معه

في رحلة حلولي يأست و ضاقت وساع الدروب
و بين الهوى و الصدر عارض يضطهد و يمنعه

وش حيلة اللي من يدين الواقع يدوّر هروب
و دموع عينه غاليه و الوقت يرخص مدمعه "

[عَـ @uiiiil_3]

ماعلى قلبك يالدرة المستقيمة لوم
ولا باس لو مرتك بعض الظروف العقيمة

هذي حياة الادمي وسط بحر فيه غرق وفيه عوم
والدعاء مرساة لكل من ضيع عزيمة

لا يجي في خاطرك خوف ي القلب الكتوم
ولا يسكنك عقب الامان شك يجرك للجريمة "

[عَـ @uiiiil_3]

على كثر الوجيه اللي تبين وتختفي وتعود
أنا ما شفت مثلك يا غزالٍ شايفٍ حاله

تميل الريشة اللي فوق راسك مع هبوب النود
ليا جيتي ما بين الناس مغرورة ومختاله

ملامح يوسفيّة زينها راهي ولا محدود
أجلّ من القمر وأجل من عشرة من أمثاله "

[عَـ @uiiiil_3]

أحط راسي على كتف الكرامه وأنام
لا دلهم الليل و أحتاج الخليل الخليل
ٰ
أغناني الله من اللي يدّعون الغرام
والعالم اللي يحطون المشاعر سبيل
ٰ
علاقة الحب لا خلْيت من الإهتمام
ما كنها الا شجرةٍ ما تحتها مقيل "

[عَـ @uiiiil_3]

على وجَّهك من إسهاب الكلام ولّوعة الكتمان
مايجبر شاعرك يغوي بشر و يهيم في وادي

عرفتك و الهّوى طيشه عنيف وضحكتك طوفان
بغيت أقاومك و اللي يقاوم ضحّكتك غادي

على غفلة من عيون الحرس يادرة النعمان
عطيتك مايفرح صاحبي ويغلّ حسادي "

[عَـ @uiiiil_3]

عليك الغلا والشوق ينساق لك بإهدار
أساس المشاعر انت يا سيد اشواقي

فدا طلتك قدامي الدار واهل الدار
ابيع العمر كله فدا حضورك الراقي

أنا كلما شفتك نبت فـ ضلوع ازهار
دخيل العيون الناعسه ترخي وثاقي

وش الحب لولا طلةٍ تخطف الانظار
من المبسم الآسر مغيبي ومشراقي "

[عَـ @uiiiil_3]

السوالف من فمك شهدٍ محلّا
والليالي كلها بوجهك سعيدة

والشعور الي معك ما كنه إلا
الشعور الّي يجي عقب القصيدة "

[عَـ @uiiiil_3]

تمنيتك قبل لا اعرف تفاصيل الوله والشوق
خذاني الحلم لابواب الغرام وأول دروبه

تخيّلتك على لطف النسيم البارد المسروق
من أحضان السما وأول صباح وليلنا دوبه

تخيّلتك على لطف النسيم البارد المسروق
من أحضان السما وأول صباح وليلنا دوبه "

[عَـ @uiiiil_3]

كل شمسٍ ماتجيبك في ضحاها فدوةٍ لك
وكل صدرٍ ماتنفس صبح وجهك عزتي له "