غانم عادل .

مستشعر للشعر وحيان شاعر .

[غانم عادل . @uiliil7]

اللهُم أشمِلنا بعفوِك ومغفرتك واجعلنآ
ممّن نظرت لهُم فغفرت لهم ورضيت عنهم

[غانم عادل . @uiliil7]

دعيتك والكفوف المستغيثة خاليات يدين
يا ربّي لا تعوّد خاليات .. الَّا من ذنوبي .

[غانم عادل . @uiliil7]

غنى النفس بشتٍ ما يعلق على معلاق
يشيخك لو تمشي على الارض كعّابي .

[غانم عادل . @uiliil7]

في زحام المغريات وليلها المتمادي
من ترك ل��ه شيءٍ عاضه أبرك منه

يالله أعصم من محابيل الحرام فؤادي
عصمةٍ تاخذني بيمناي لين الجنة

ياعظيم الملك وأنت المستعان الهادي
باب جودك جعل مانيب محجوبٍ عنه

كل ظنٍ في سواك من الخلايق غادي
وأنت عبدك عند ظنه لا أحسن بك ظنه

[غانم عادل . @uiliil7]

حنا حماة الدين والعرض والدار
وانتم حماة الشرك ماهوب حنا

دون الكويت نقدم ارواح الاحرار
ما نرخص الأرواح غير لوطنا

نسوقها مع كل صفارة إنذار
مع صوتها هجرس ولانا .. وغنا

ما نرتعد في وجه قصاف الاعمار
الكل في نيل الشهاده تمنا

عسى ولي ايران مثواه بالنار
والله يلعن من يواليه منا .

[غانم عادل . @uiliil7]

جعل نفس�� في ذرى ربي ور��مة ربي
من ذنوب الغافلين ومن ظنون الريبه"

[غانم عادل . @uiliil7]

يالله عساني مع نبيك والابرار
في ساعةٍ كلن يعدد ذنوبه

مخطين واجد وانتعوّذ من النار
يارب عفوك والهدى والمتوبه .

[شطر/صورة @2lji7]

يارب وانت اقرب من السمع والصوت
تبصر شعور اللي يخونه كلامه

انت المَلك والمُلك لك والملكوت
الكون كونك وأنت محكم نظامه

علقت فيه الأ��ض ياذا الجبروت
وسخرت للإنسان طيب الإقامه

رب البحر والموج والدُر والحوت
والريح والبر والشجر والغمامه

مافيه علمً من ورى علمك يفوت
ومافيه أمر إلا بيديك زمامه

جيتك وذنبي حمل وإيماني القوت
في وحشة الدرب القصير وظلامه

عمري تحت امرك مقدر وموقوت
زدني حلاله ، واغنني عن حرامه

اعوذبك من كل مرجف وطاغوت
قدري لغيرك لاتنزل مقامه

اذا بديت انساك ذكرني الموت
والنار والجنه ويوم القيامه.
— فيصل العطاوي

[غانم عادل . @uiliil7]

يالله ياللي تسجد الناس لرضاك
يامحيي الأموات ياخالق الكون

اسألك عفوك قبل لا أموت وألقاك
واسألك عيشه مابها غبن وحزون

انت القدير اللي ترجيت رحماك
وانت العليم بحاجة العبد والعون

يالله عسى عفوك وغيثك وسقياك
نورا على الاموات حتى يفيقون .

[غانم عادل . @uiliil7]

فيك تشخيص البصاير ولك مد الك��وف
يا كريم يكرمون الأكارم من عطاه

عالم اللي ما اعلمه، شايف اللي ما نشوف
خافي سره والأسرار ما هيب تخفاه

لا جفانا القل واللي روابعهم ضعوف
جعل ربي ما يرينا غضبه ولا جفاه

ولا انقفل بابٍ من الرزق حراسه وقوف
فتحت بيبان الأرزاق من كل اتجاه

- سعد بن جدلان

[غانم عادل . @uiliil7]

لي ثلاث سنين قانع ولا تفرق معي
أقبلت دنياي وأقفت ولا ناديتها

مع شعرة معاويه هو جهل والا وعي
قبل لا ارخيها ولا اشدّها .. خلّيتها

والله ان بعض الطواريق بنج ٍ موضعي
لو تسكّن عنك الاوجاع ماداويتها

أسرحي يانفسي برحلتك واستمتعي
مابي افكّر بـ حاجه قبل توقيتها

سلطان بن بتلاء .

[غانم عادل . @uiliil7]

في مجلسه للهيل و العود ��يحة
وله خوصةٍ حمرا عثت في حلاله

يفداه من لا جا يذكي الذبيحة
كنه يذكي " واحدِ " من عياله

[غانم عادل . @uiliil7]

يـارب انا عبدك ضعيفٍ بلياك
و عفوك اكبر طموحي و امالي

الفضل فضلك و العطايا عطاياك
مكاسب الدنيا ماهي راس مالي

[غانم عادل . @uiliil7]

يارب تعرفني وتعرف نواياي
وتعرف جميع ظروفي المستبدة

أحيان أصيّب الراي وأضيع الراي
وأحيان أفتح باب وأحيان أسدّه

أحاول أمشي بإتجاهك يا مولاي
وتسرقني الأيام في خضم شِدة

عاملني بلطفك وعطفك ورجواي
ليا أنحرف قلبي عن الحق ردّه

[غانم عادل . @uiliil7]

عليك ياقاري القران ترتيله
وانا علي خشية الرحمن فكتابه

يارب انا عبد مالي قوه وحيله
اجاهد النفس بس النفس غلابه

ي��ويني ابليس واطيح فمحابيله
ذنبٍ هجرته وذنبٍ دايم اسعابه

من طاح له في شعيبٍ يرتدم سيله
لو شاف له راس دابٍ جوّد انيابه .

[غانم عادل . @uiliil7]

مرحبا وعيون الأصحاب في يوم الربوع
عين شغمومٍ على الطيب ماسكةٍ معه :)

- صباح الخير .

[غانم عادل . @uiliil7]

حسب مفهوم الاوامر والنواهي
والنفوس : ومَا لها - ومَا عليها

العدالة : ما يضاهيها مضاهي
حكمها جاري لو انّك ما تبيها

إن حسبت الكيد لعب ولهو لاهي
إحسب حساب الامور اللي تليها

واعتبرها ( درس ) فالعدل الإلهي
من حفر حفرة لاخيه يطيح فيها

[غانم عادل . @uiliil7]

ليالي الدنيا على كف عفريت
وعيالها قاعد ونازل وصاعد

والطيّب اللي يعشق العز والصيت
ماهوب عن فعل ��لجميل متقاعد

ولّا أنت يا "حاتم رخا" ويش سويت
تزارقوها حامية وأنت قاعد

حاولت أحدك للمراجل وعييت
أثر الردي عن الردى ما يباعد

و حاولت ماأكتب من بيوت الهجا بيت
بس الرخوم وجيهها ما تساعد

[غانم عادل . @uiliil7]

مالا يسرك تسمعه " لا تقـولـه "
ومالا رضيت بفعلته .. لا تسويه

[غانم عادل . @uiliil7]

انا ولد سود الليال اللي تحكّ العود حكّ
ما فيه سكة تصقل الرجال ما مريتها