دُجى

أسيرُ في دُجى الليلِ وأرقبُ النجوم.

[دُجى @ullv5]

"كالجياد الجريحة،لا أدري ممَّ أعاني، ولا في أي معركةٍ سقطت"

[دُجى @ullv5]

مانسيتك يا أبعد من الحلم وأقرب من ظلالي
بـ إعتقادي طاري النسيان نوع من الخيانة

لا تهاون في جفاي و لا تهاون في وصالي
الهوى مثل " العزيز " اللي ما يرضى بالإهانة

من كثر مانيب عايش .. بـ الضمير اللامبالي؟
صار قلبي من بعد فرقاك مغلق للصيانة

— تركي بن جويعد

[دُجى @ullv5]

@mie9n طواريك ما خلّت عيوني تذوق النوم
عسى الله على ما يجهد الروح ياجرها

أثر من يبي يكسب رضى مِرخصه موهوم
عيونه شقاها من سكن في محاجرها

وش اللي بعد ترجيه يالمعطي المحروم؟
بلادٍ ماهي تاسعك لا ضقت هاجرها

علّي الندم والنفس مني عداها اللوم
عن اللي تحبّه ليتني كنت زاجرها...

[دُجى @ullv5]

دمعتي قامت تسابقني على محرابي
وقام منها يعتنق صدري شعور التايب

الصدوف الي تقابلني وتطرق بابي
لاتجيب الغايبه خلها تجيب الغايب

في وجيه ظروف بقعاء ما ابرد من اعصابي
عقب صرت اعاين الدنيا بـ نظرة شايب

من كثر مانيب يآئس من رجوع أحبابي
ناوي اصلّي على أحبابي صلاة الغااايب..

[دُجى @ullv5]

تقول الله خلقني من برود ومن شوي إحساس
وانا والله لا هب النسيم يزيد من لوعي

لو إن ماني بـ أحَن الناس لكني أحن الناس
واخاف الله لا أبدل خاطرٍ راضي بـ موجوعي

أداري فـ الخواطر لوّ ما عندي لها إحساس
ياكيف إللي لي أغلى من هلي وأغلى من ربوعي؟

[دُجى @ullv5]

على الله لو يروح اليوم كله بين حزن وياس
وأنا ماحب كسرة نفسي وماداني خضوعي

وأنا أتعبني السهر وأرهقني التفكير والهوجاس
مضت حول الثلاث أيام دمعي مغرق كوعي

بلاني ربي بقلب صخر وبخاطر حساس
مابین أمسح غلا الغالين وبين أمسح دموعي

[دُجى @ullv5]

ضحكتك تعطي لحزن الأرض أمرِ بالسلام
وزعلتك تسرق من أيام عمري كل زهر

يا ملاكٍ صاغه اللّٰه من أحاسيس وغمام
جمالك المعجز سلب لب كل اللي نظر

لا تزعلين الرضا في وجهك يشد الزمام
ولا تضيقين الفرح من مبسمك يأخذ عمر

اخذي عيوني وشوفي بها كبار الأحلام
تلقين قدرك سما والكون من دونك صغر

[دُجى @ullv5]

استريحي في ضلوعي واهجري درب الملام
ما يليق بوجهك الطاهر من الدنيا كدر

إنت دولة من حنان وإنتِ قانون الغرام
وإنتِ غيمة من بياضٍ فوق هقوات البشر

لا يضيق الصدر والدنيا تحت رجلك تنام
والحزن لا مر وجهك يختفي مثل الأثر

يا قوية يارقيقة ياعيون ماتضام
في ملامحك السكينة وفي هيبتك فخر

[دُجى @ullv5]

@6cuzl يااساتر

[دُجى @ullv5]

ولو خيروني مره ومرتينٍ وألف
اخترتك وغيرك بأشتري ساعة فراقه

معي قلب يسوقه لـ حبك هيام وولف
ولا له جمل في حب غيرك ، ولا ناقه

مع غيرك من الناس قاسي وهرجي جلف
ومعك شايف لبيه لدعاك — سبّاقه.

[دُجى @ullv5]

لو قطعتيني من عيون الأوادم راضي
ولو رميتي قلبي بحمل الجفيّا شاله

ماعليك من الدوادي والكلام الفاضي
واحدٍ صبح على وجهك يسرك حااااله..

[دُجى @ullv5]

ياللي لازال اعتبارك فوق كل اعتبار
وافي وعذرك سمين وعشرتك وافيه

ماجيتك اعلمك كيف المشاعر تدار
جيتك بـ قلب سليم ونيةٍ صافيه

انا شعفني هواك وجنة الحب ناار
وعيني من النوم مطروفه ومتجافيه

اقبل الى شفتني على وشك الانهيار
واقوم مثل المريض الى اونس العافيه.

[دُجى @ullv5]

كثر ما أشتبهت الأحلام في عيني رؤى و أضغاث
كثر ما أشتقت أعلمك بـ ظروفي و آخذ بـ شورك..

[دُجى @ullv5]

ورى المدى سافري وأنتي حدر رمشي
في فيته عن هجير الشّمس والكنّه

إلى مشيتي أنا تكفّين وين أمشي
وأنتي من القلب في عشقه وفي ضنّه

قد مالت غصون قلبي وأنكسر نعشي
من قدرك اللي عظامي ما يشيلنّه

هبّت بصدري هبوبك وانثنى عرشي
من ريح طاريك ولا ريحة الجنّه

- محمد الفهاد .

[دُجى @ullv5]

تنفس الصبح والنور ابتدا بالظهور
وانا على جلسة البارح ما غيّرتها

افكاري تدور والدنيا .. تلف و تدور
ولا فيه ذكرى قديمه ما تذكرتها

اعيش في حالة استنكار ذات وشعور
وصلت نقطه غريبه ما تصوّرتها

احس روحي لحقها قل جهد و فتور
من كثر ما احترت فأحلامي وحيّرتها..

[دُجى @ullv5]

افضحتني نبرة الشوق فالصوت الحزين
وين اعين كلمة ما تلين حروفها

يا حبيبي والمشاعر على مرمى كمين
كل ما جيت اتقوى تزايد خوفها

فاقدك فقد المشاريه للعذر السمين
من كرام هقوة الطيبين تحوفها

طلتك لو شفتني في عداد الميتين
الفؤاد يحسها والعيون تشوفها.

[دُجى @ullv5]

"اناظر صورتك واخذ من التنهيد صبر أيوب
غيابك حط في عيني من الأحزان .. ماريّه"

[دُجى @ullv5]

لازاد التغلي وانقطع . طاري الاعذار
يقل الغلا ويغادر ،بـ شكل تدريجي

عليك السلام المعتبر ، والسلام الحار
على الشامة اللي في مكان استراتيجي

-عبدالله السراهيد.

[دُجى @ullv5]

عجزت ياقلب لا اوقّفك عن حدك
والحزن يطغى على صدري وفـ اعماقه

تسعى لرغبات تتعارض مع جهدك
وتقول مالك جمل فيها ولا ناقة

هذا أنت عايش ما باقي شيٍء يشدك!
ولا عاد ترضيك لا آسف ولا باقة

علِّمني الحين أنا محتاجة لردك
وشلون الانسان يتعايش مع اشواقه؟

[دُجى @ullv5]

يادار الأحباب كلٍ له من أسمه نصيب
و أنا نصيبي من البيبان مقفولها

غربت نفسي بنفسي لين صرت الغريب
اللي عجز ياصل الديره وهو حولها

أحتاج لأطيّب خوي و أحتاج لافضل حبيب
لين الغلا والهموم يقل مفعولها

ياااا صاحب الخاطر المكسور خلك قريب
عندي قصيده حزينه يمكن أقولها

[دُجى @ullv5]

سامحيني لو جرحت شعورك وخيبت ظنك
أعتذر عن كثرة أخطائي وعن قل إهتمامي

يعلم اللّٰه ما قسيت وما رحلت الا لأنك
واقفه مابين آثامي ومابين إلتزامي

اتركيني أتركك لاتتركي لي شي منك
وإحفظي هالبيت زين وبلغي قلبك سلامي:(