Huda AlEssa

حريم الكويت ربي يحفظهم حكت لي أمي الله يرحمها إنه كان في فريجهم بيت صغير فيه 3 حريم.. الجده وبنتها وحفيدتها..ريالهم متوفي..وذاك الوقت ماكو شؤون .. كانت عيشتهم صعبه..البنت قامت تطحن بهارات لأهل الفريج مقابل مبلغ زهيد مايكفيهم .. والناس مو كل يوم تطحن في يوم كان الحريم متجمعين في أحد بيوت الفريج وتكلموا عنها واتفقوا يساعدونها بدون ما يحرجونها قالت لهم وحده ترى اهي تسوي خوش دقوس خل نمدحه ونشتري منها ولو انه شي بسيط بس ينفعها كمساعده خفيه خل نسوي روحنا مانعرف نسوي دقوس حلو مثل دقوسها اتفقوا على طريقه ما تحس فيها وحده كان عندها عزيمه قالت فرصه نبدي خطتنا قالت لها عندي عزيمه وابيج تسوين لي دقوس ماعندي وقت .. اهي فرحت وسوت لها الدقوس وودته للعزيمه .. بالإتفاق والخطه المرسومة يوم ثاني يات وحده غير ها.. قالت لها يمدحون دقوسج في بيت فلان سوي لي انا بعد وتتابعوا في هالسالفه وزادت الزباين وهي سعيده انها تبيع وتكسب وما حست انهم يتصدقون عليها هذولي نساء الكويت يحبون بعض ويتصدقون بدون ما يحرجون .. نفّعوها مع حفظ كرامتها على فكرة كلهم طباخات ما هرات وشجعوها تسوي اشياء ثانيه مثل: دقوس طماط ..دقوس صبار ..أجار ..و معبوج .. وبهارات مطحونه وصار عندها مدخول يسد حاجتها هذولي هم حريم الكويت🌷🍃

485

74K

Huda AlEssa @um5aled2019

11 days ago

والنعم في أبوي وجدي وأعمامي #نواخذه_السفن

346

Huda AlEssa @um5aled2019

12 days ago

@OmBader414 🥺

Huda AlEssa @um5aled2019

13 days ago

@miss_lobo82 😂🤣

Huda AlEssa @um5aled2019

14 days ago

@OmBader414 ياحلو حزاويج …😍😍😍

um5aled2019 retweeted

حصّة العنجري

@OmBader414

14 days ago

إلى محبي الحزاوي .. حزاوي قبل أغلبها من الخيال .. ما يانا وياكم إلا خير لفانا ولفاكم وشر تعدانا وتعداكم زور ابن الزرزور اللي عمره ماحلف ولا جذب زور ذبح بقه وترس سبعة جدور وخلى اللحوم والشحوم على الصواني تدور.. صلوا على النبي ﷺ ريّال غني وعنده خير وما عنده إلا بنت وحده مدللها دلال ماصار من خوفه عليها بنى لها غرفه من زجاج وحط لها كل شي تبيه وحط معاها عبده تخدمها وقفل عليها .. وهي كلما كبرت زاد جمالها تحت غرفتها رابط لها حصان يمشيها عليه وهو يرافقها من خوفه عليها حتى اللحم يشيلون منه العظم .. ذاك اليوم نسوا العظم ماشالوه يات بتاكل تعجبت ما تدري شنهو ..ما قط شافت عظم.. حاولت تكسره ماقدرت طقته بالأرض اللي من زجاج جان تنكسر طلت من الفتحه والا يشوفها الحصان وقعد يصهل ويطامر يبي يطول البنت عيزوا منه ماكو فايده نادوا احد يعرف للحصن قال هذا متلبسه جني والجني اللي يبي البنت والأبو حالته حاله جمع حكماء البلده وقال شوروا علي قالوا له خل بنتك تروح قريه ثانيه فتره ليما يطخ الحصان عقب دبر أمورك طبعا البنت في رعب من صوت الصهيل القوي ومن ردحة الحصان يبي يفك قيده واييها قال لها ابوها اخذي هدومج واخذي عبدتج معاج ووصف لها طريج بلده بعيده شوي عنهم ليما أدبر أمر هالحصان مشت مع عبدتها مسافه والتفتت والا من بعيد اكو غبار طاير ماتت من الخوف .. العبيده عندها منظره سحريه قالت لها البنت: ياعبيدتي تكحلي تمنظري شاتشوفين..؟؟ قالت أشوف الحصان ياي ورانا من بعيد أشوفه كبر النمله قاموا يركضون مده وردت قالت لها نفس الشي : ياعبيدتي تكحلي تمنظري شاتشوفين ؟ قالت أشوفه كبر القطو ويركضون وكل شوي تطالع بالمنظره وهو يتبعهم إلى إن وصلهم وقام يشادخ يبيها والحصان اسمه خضير قالت له خضير فج حلجك بطيح فيه ..فج حلجه قطت فيه بقشة العبده .. رد يردح وعادت قالت له خضير فج حلجك بطيح فيه وقطت بقشتها..ومن أغراضها مقص طلعته وخشته قالت للعبيده روحي يمه انتي .. جان ياكل العبده.. وهو يردح يبيها اهي..مابقى شي يوم هجم عليها طعنته بالمقص مرتين ثلاث ليما طاح بالارض ومات .. شقت بطنه وطلعت بقشتها فيها ذهبها وهدومها قعدت تفكر شاتسوي الحين بترد لأبوها بس خايفه بروحها .. سلخت جلد الحصان وحطت بقشتها على ظهرها وتلففت بالجلد .. وهي تمشي ضيعت طريج بلدتهم وزاد خوفها طبعا الجلد ريحته خايسه والوصخ ملطخ خدودها وماسكه عصا بيدها شكلها شايب يدودي عليه الذبان وتمشي ما تدري وين تروح لقت جماعة قاعدين بالبر يمهم خبرة ماي جبيره ..واحد منهم مبين انه شيخهم ويمهم بعارين من نوع مميز وهالشيخ يقوم يمسح على البعارين يتحلى عليهم ويرد يقعد الحين البنت ميته يوع ..قربت يمهم وطلبت أكل .. وطردها واحد من الفداويه على ريحتها والذبان اللي فوقها وشكلها شايب متلفلفه مو مبينه..قال الشيخ عطوه أكل وشرب .. وسأله شنت يا ولد قال أنا دويدو بو الذبان أدور رزقي .. قال لها شاتعرف تشتغل ؟؟ قال أرعى البعارين .. قال خوش خلك مع بعاريني الشيخ رجع للديره وخلا دويدو مع البعارين ..يوم صار الصبح وتطالع ماكو أحد وتفصخ الجلد وتطب بخبرة الماي واتسبح وتطلع لها نفنوف وتلبس ذهبها وتفل الشعر وهي جميله ولقت حبل جان تربطه بالشْيَرَه وتسويه ديرفه وتقعد اتديرف وتغني: انا فاطمه أم الدل والدلال ..اليوم صرت رعاية الجْمال واحد من البعارين صاح امباااع .. قالت له سجين طول باع لا تخلي منك عظم ولا كراع جان يطيح ويرافس ويموت اهي ردت على هدومها الوصخه والجلد الخايس ومشت مع البعارين وعلمت الشيخ ان واحد من البعارين مات .. اختبص بعارينه نقوه شلون ما الون قالت مادري طاح ومات وتروح يوم ثاني تسرح يم الخبره ونفس الشي اتسبح واتزين واتديرف وتغني والا بعير ثاني قال امبااااع واهي قالت لها نفس الكلام جان يطيح ويموت .. راحت للشيخ قالت له .. تعجب من ياهم دويدو كل يوم بعير يموت يوم راح يرعاهم يم خبرة الماي الحقه وانخش يبي يشوفه شيسوي فيهم ..والا البنت قطت اللي عليها وتسبحت وتزينت وبالديرفه تغني ويطيح البعير .. قال يا عله فدوةٍ لج أثاري هالمزيونه منخشه تحت هالجلد الخايس انزين صبري علي .. ويرجع قبلها عقب ما ردت راحت له بتخبره ان بعير مات .. قال لها فدوة لك يا دويدو .. بس أنا أبي مقابل هالبعارين اللي ماتت.. قال طال عمرك ما عندي شي أعطيك .. قال له أتزوجك .. حط ايده على راسه وقال الله أكبر شلون اتزوجني وانا ريال مثلك ..قال عيل اذبحك بدال البعارين اللي ماتوا .. توهق وقعد يفكر قال له ادخل هالغرفه وتغسّل عن هالخياس وبالليل أنا عندك.. دخلت وقعدت بوصخها وبجلودها إلى أن دخل .. قام يترجاه انا راعي فقير .. ماكو فايده .. تلّ الجلد وكشف عنها .. وعرف منها قصتها .. قال لها انا بتزوجج قالت إذا بتزوجني لازم نروح لأبوي أول .. وراحوا زافينها ورادينها باليباب والغناوي وتصير إهي أم عياله واهو ابو عيالها وخلصت وملصت ويات الديايه وعنفصت ليش عنفصت ..؟؟ مادري 😄 وسلامتكم