Umar bin abdul aziz @umaraziz777 - Twitter Profile

10 days ago

وزیر تعلیم بمقابلہ اساتذہ تنظیم وزیر تعلیم رانا سکندر حیات اور اساتذہ کی کچھ پیشہ ورانہ تنظیمیں ایک دوسرے کے آمنے سامنے ہیں۔ یہ درست ہے کہ اساتذہ قابل احترام ہیں مگر ہر استاد فرشتہ ہے یہ دعویٰ کرنا ایسا ہی ہے جیسے کچھ روز قبل سرکاری ملازمین کی ایک نام نہاد تنظیم کے سربراہ نے پروفیسر توفیق بٹ کے کالم میں کچھ بیوروکریٹس کو بیوروکرپٹ لکھنے پر کیا کہ وہ سب تو انبیا کی طرح معصوم عن الخطا ہیں ان کو کرپٹ کہا ہی نہیں جا سکتا۔ میرے پیشے صحافت سمیت ہر پیشے میں اچھے برے لوگ موجود ہیں مگر مسئلہ اس وقت بنتا ہے جب اچھے لوگ بھی محض پیشہ ورانہ مفادات میں اپنے پیشے کے برے لوگوں کے تحفظ میں نکل آتے ہیں اور مجھے کہنے میں عار نہیں کہ یہ اپنے پیشے کی کالی بھیڑوں کا دفاع کرتے ہیں، ان کی حفاظت کرتے ہیں۔ میں ہمیشہ سے کہتا آیا ہوں کہ کلرک، ٹیچر، صحافی، بیوروکریٹ، ڈاکٹر اور وکیل وغیرہ وغیرہ کوئی دھڑا نہیں ہیں، دھڑے دو ہی ہیں ایک اچھے لوگوں کا دھڑا اور دوسرا برے لوگوں کا دھڑا۔ وزیر تعلیم کو سوشل میڈیا کا غیر ضروری حد تک شوق ہے اور وہ سمجھتے ہیں کہ وہ سب سے واہ واہ کروا لیں گے مگر بہت سارے اساتذہ کو ان کی پالیسیوں سے اختلاف ہے اور اب وہی اختلاف ایک دو بیانات کو پکڑ کے استعمال ہو رہا ہے ورنہ ہم نے اساتذہ کے نام پر بھی اتنے ہی بڑے چور اور شیطان دیکھے ہیں جتنے ہم صحافیوں، وکیلوں یا ڈاکٹروں وغیرہ میں ہو سکتے ہیں۔ کیا مجھے یہاں وہ سکینڈلز نقل کرنے چاہئیں؟ ہرگز نہیں، کیونکہ وہ شیطان تھے اور انہوں نے اساتذہ کا روپ دھار رکھا تھا۔ اساتذہ کا پیشہ بہت مقدس بہت اہم ہے۔ یہ ہماری نوجوان نسل کی پیشہ ورانہ تعلیم ہی نہیں ماں باپ سے بڑھ کے اخلاق اور کردار کی تعمیر کے ذمے دار بھی ہیں مگر کیا بچوں کی اخلاقی تربیت ہو رہی ہے؟ ان کی کردار سازی ہو رہی ہے؟ ڈگریاں ضرور بانٹی جا رہی ہیں مگر ان کے کردار اور شعور کا اندازہ کسی بھی سیاستدان، صحافی یا فنکار کی پوسٹ پر ان کے کمنٹس سے لگا سکتے ہیں، یہی نہیں آپ باہر بازار میں چلے جائیں اور قانون سے اخلاق تک کے معیار کا اندازہ لگا لیں۔ اساتذہ پنکھے ڈونیٹ بھی کر سکتے ہیں کہ بہت سارے اپنے پروفیشن کو انبیا کی وراثت سمجھتے ہیں مگر کئی چوری بھی کر سکتے ہیں کہ آپ سب فرشتے ہیں یہ دعویٰ آپ کیسے کر سکتے ہیں۔ سوشل میڈیا کی پیشہ ورانہ اور منافقانہ پوسٹس کو چھوڑیے، ایک ہی سکول کالج میں خود اساتذہ سے ہی دوسرے اساتذہ بارے پوچھ لیجیے، پتا چل جائے گا سو یہ کہنا کہ سب فرشتے ہیں یہ سراسر مبالغہ ہے۔ دلچسپ تو یہ ہے کہ اب کچھ اساتذہ نے اسے سیاسی جنگ بنا لیا ہے یعنی الیکشن بارے جھوٹی پوسٹس۔ ویسے جو جھوٹ بول سکتا ہے وہ چوری اور زنا بھی کر سکتا ہے کیونکہ بعد میں اس نے جھوٹ ہی بول دینا ہے کہ وہ فرشتہ ہے۔ میرا خیال ہے کہ اگر آپ چور نہیں ہیں تو آپ کو چوروں کے دفاع کی ضرورت بھی نہیں ہے۔ اگر آپ مجھے کہیں گے کہ صحافیوں کی بطور برادری گواہی دوں تو میں کبھی نہیں دوں گا۔ کیا آپ قرآن پاک پر حلف دے سکتے ہیں کہ تمام اساتذہ جھوٹ، چوری، فریب سے پاک ہیں؟ اگر کوئی اپنی پیشہ ورانہ برادری یعنی پروفیشنل کمیونٹی کو فرشتوں اور انبیا کے درجے میں لاتا ہے تو کیا اسے سچا اور درست مانا جا سکتا ہے؟ میں تو نہیں مانتا چاہے کوئی استاد ایسا کہے یا کوئی وزیر !!!

33

59

7

0

5K

Umar bin abdul aziz

@umaraziz777

Who to follow

Last Seen Users on Sotwe

Trends for you

Most Popular Users