أ

[أ @un2lll]

حبوك يوم المشكله مالها حل
وذموك يوم أمست معاك محلوله

جنايزٍ منها السوالف خذ وخل
مدفونه لكن ماهيب مغسوله

مانيب قايل ليه صار الغلا غل
الحسد ما غيّب عن الأرض زوله

محرقهم إنك صاير الكل بالكل
وإنك قدرت تسوي اللي تقوله

[أ @un2lll]

ياللي صباحك غير ومشاهدك غير
ما للغلا مذهب ولا فيه مله

مع الصباح اللّٰه يصبحك بـ الخيـر
ومع المساء مسيك بالشوق كله

[أ @un2lll]

مره من المرات في ليل نسانيسه جليد
هزتني الذكرى وسرتني وانا سريتها

مدري خبل مدري بطل مدري ذكي مدري بليد
مير المهم ان العنود اليا دعتني جيتها

وان شفتها عقب التعب والبرد والليل الشديد
اقـول يا ليت الليالي كلها يا ليـتها

[أ @un2lll]

تراك السيف الأملح ورآس المال
ودرعي من ظروف الزمان وبلاويها

وإنت مدهال الأماني وميزان الشعور
معك أواجه سود الايام وأغني لها

[أ @un2lll]

اللي يبيك بيجي لك لو دربك ماليه الشوك

[أ @un2lll]

وين أنت ياذيب الليال المخيفه
فوق الثرى والا عليك الثرى فوق

الذيب ماياخذ نصيبة نصيفة
ومايحني الهامة على أي مخلوق

والذيب ماياكل من عظام جيفة
حاشم جنابة من ردا كل مطفوق

يابو محمد والليالي كسيفة
بشكيك قلبن من غثا البعض محروق

[أ @un2lll]

الله على الي توها عابره الروف
تخيل وضاح لبروق وجذبها

اليل كله والمطرلافها لوف
متبلل ريش الجناح وغلبها

مذريه عقب المطر مابها خوف
ابو حصين بروضها ماشعبها

هديتاً مامرها كل ملقوف
راعي تفق في بندقه ماغصبها

خداً سهل ماعندك شطوف وجروف
اطير يقضب ساقته لي تلبها

[أ @un2lll]

الناس واجد مير ما مثل الاخوان
ما مثل اخوك اللي يحبك ويغليك

ما مثل اخوك اللي صدوق ومعوان
تفديه بالغالي وبالروح يفديك

يشكي لك جروحه وهمه والاحزان
ولا ضاقت الدنيا بهمك يواسيك

لو كان لك ربعٍ وناسٍ وجيران
ما مثل اخوك اللي عن الناس يغنيك

[أ @un2lll]

تسمع في هرج نقال ولا قال
خله يقل الحكي بينـه وبينك

وسدك فلا تعطيه عمٍ ولا خال
كم واحدٍ بالهـرج يبحـث كنينه

مقعدك مع ناسٍ لهم عنك منزال
لا هم براجينك ولا خايفينك

معهم خبرك وكايلينك بمكيال
على العسر واليسر هم عارفينك

في مجلسٍ مالك مقامٍ وتفضال
أخير ما تفعل مقامك بحينك

[أ @un2lll]

أهديت باقة ورد من ضمن الأبواق
لاقول لحد خذها ولاقول ذقها

ودّي بالأنفس كلها اصحاب وأصداق
ولا أخشى عقايبها ولا أرجي نفقها

خلقت الأراضي والسموات بطباق
وتسع الاوادم طبقةٍ من طبقها

فالآدمي لولا المكارم والاخلاق
كالحنظلة من عرقها لي ورقها

[أ @un2lll]

جاري الأتصال ودمعي الجاري
هي سبب حزني وشوقي لك الليله

مرني طيفك وجيتك معه ساري
تحت تأثير ماضيك و تفاصيله

لا العرب بعربي ولا البلد داري
ولا معي حل في شوفك ولا حيله

[أ @un2lll]

الكلام مهما تلَون بالعذوبة يبقى هشاً إن لم يسنده الفعل

[أ @un2lll]

جرحتك عشان يصير صدّك وراه أسباب
ماودي تغيب و ما معك عذّر يشفع لك

[أ @un2lll]

ادعس على فطس الخشوم الافانيس
ودوس بساطيرك على رقابهم دوس

يانسل شيخان الظفر والنواميس
اللي خذو من كل ناموس ناموس

[أ @un2lll]

ومن لايراني شي قدرة تحت رجلي
لو يمد يمناه مديت له يسراي

يهون إني اطى الجمر والع بدون حذي
ولا أجامل مغرور مرة ولو بالراي

يخش الحكي مع ذي واطلعة من ذي
واقول أشين من الشين دام لحقت اقصاي

قصيدة ولا أحتاج اسجل تحتها لي
هي تقول لي لو كان مهيب كنها لي

[أ @un2lll]

نظرتي لنفسي يلخّصها كلامي
عاذّلي كوكب وأنا كلّ المجرّه

و المكان اللي ينزّل من مقامي
تنقطع رجلي ولا في يوم أمرّه

من تجمّل بي لقى منّي احترامي
ومن تردى بي تركته عند شره

كم ظروفٍ حاولت دون انهزامي
أتجاوزها لو انها صدق مرّه

[أ @un2lll]

أكلت عمري بالندم و التحاسيف
و خسرت زهرة شبابي بـ شبابي

جريح و الدنيا ما جات على الكيف
و سكرت عن بعض المشاريه بابي

العين صدت غصب و الخاطر معيف
عن الظنون اللي تزيد من اكتئابي

لو العتب يبري جروح الملاهيف
أزعجت نجد بكبرها في عتابي

[أ @un2lll]

يالفارع اللي للحشاء طب وعلاج
اللي من جروح الزمان متكوي

رعبوبةٍ في مشيها غنج واحراج
كن الترف والحسن معها مخوّي

ملح وجمال ورقة احساس وغناج
مع مبسمً بالتوت دوب متروي

[أ @un2lll]

وهو من سحاه يعود من نصف مشواره
وأهل بيته تراقب مجيّه . . وترقب له

يخافون تلتقطه من الجُب . . سيّاره
على ما عطاه الله من الملح والقبله

احبّه واعرف ان سلطة الحب جبّاره
تجيه العرب صاحين وتروح منهبله

[أ @un2lll]

استمتع وانا اتشمت بالنصر