Unique man

be smart and strong 💪

[Unique man @unique_man2]

أسال الله يربط على قلوبنا ويجمعنا بها في جنات النعيم.

[Unique man @unique_man2]

@5Xsunshine_ كانت شركة @almarai بواسطة مخبز لوزين التابع لهم ينتجون هذا الخبز المرفق وبجودة عاليه .. وكان ما ينقطع عندي بالبيت ابداً .. لذيذ وخفيف واكثر شي مناسب للإفطار .. لكن للأسف قطعوه!

[Unique man @unique_man2]

@MAlbsimi فيه مطعم بالتحليه ما اخذ حقه لان مايسوي تسويق لنفسه كثير اسمه كوبو برجر جبار جوده وطعم

وعندك بعد فاتي Phaty بالملقا لذيذ

واخيراً مطعم الشيف عبداللطيف السنيدي
اسمه روح القرية لذيذ وعنده انواع كثيره

[Unique man @unique_man2]

@A96811181 @Amooola552 بالضبط 👍

وثاني وديها لحكومي

[Unique man @unique_man2]

@A96811181 @Amooola552 سجليها سنه بس مدرسة اهليه بعدين انقليها حكومي

الأهليات عندهم صلاحيات تجاوز .. بعكس الحكومي اللي لازم يطبقون النظام بحذافيره

[Unique man @unique_man2]

@abdulnassersa الغربية تدخل الشمس البيت العصر بحرارة معتدلة وتجلس بالحوش ظل وقت طويل لكن عيبه النباتات ماتعيش

الشمالية براد وجو عليل وأشعة شمس اقل وبصراحة هي افضل وجهه عندي لكن عيبه في الشتاء بارد قارس فقط ولا باقي السنه مضبوطه

الجنوبية دافيه بالشتاء وحاره بالصيف وعيبه تجمع الغبار والاتربه

[Unique man @unique_man2]

@abdulnassersa للامانة جربت الشرقية والغربية والشمالية والجنوبية

وكل وحده فيها ميزة وعيب

الشرقية ظل وقت طويل لكن ما تستمتع بالحوش وجلسته بساعات النهار الاولى .. لان شمس .. وشمس الصيف من ٨ حارقة و شمس الشتاء معروفة بحرارتك القوية وحراره متزايدة ..

الغربية .. يتبع

[Unique man @unique_man2]

@MohammedAAzzam بدال الاعتذار احذف التغريدة .. طالما اكتشفت خطأك واستعجالك .. مع العلم ان اندفاعك في حب الوطن والدفاع عنه يذكر ويشكر .. لكن يبقى مضمون التغريدة يأجج الصراع و يزيد الفرقة بين الشعبين واحنا مو بحاجة هالشي الان.

[Unique man @unique_man2]

@khdier3500 @SaudiDCD ماقصرت انشهد انك اول من قدم هذا المقترح وعندك بعد نظر ودراية بالأمور .. كفيت وكفيت وجزاك الله عنا كل خير 🌹

[Unique man @unique_man2]

@dralzaaq كفيت ووفيت يادكتور .. الله يبارك فيك وفي علمك

[Unique man @unique_man2]

@walmoon يفترض يكون هناك رخص للخبراء المؤهلين علمياً واكاديمياً بتقديم معلومات عن الطقس .. مثلك ومثل الدكتور المسند ..

اما الهاوي ومسوي فهلوي ويدور المتابعات واللايكات هذا اللي يستاهل المنع.

[Unique man @unique_man2]

@saadshaiqi سواليف .. كل واحد له رغبات غير الثاني بالمسكن وكل واحد احتياجاته مختلفه .. الاسره اللي معهم ٣ أطفال موب زي الأسرة اللي معهم طفل او ٥ او ٦ اطفال

الأسرة اللي معهم خدم موب زي اللي بدون خدم

لكن غالباً المشتري إذا وقع بحرج من كثر إلحاح المسوق العقاري يصرف له سبب عشان يهرب

[Unique man @unique_man2]

@Dr_Altamimi دكتور متعب احذف تغريدتك لان فيها بيانات خاصه بك وبأسرتك

وفيها اتهام لرجل أمن يقوم بعمله وواجبه

اللي سواه رجل الأمن هو الاجراء المتبع في مثل هذا الموقف ولو لم يفعل ذلك لوقعت عليه المسؤولية
أما بخصوص السطحه وسعره فلو كان هناك من يقود المركبة او انها قابله للسير كان ما طلب سطحه.

[Unique man @unique_man2]

@Ask_Alriyadh1 لا تتعدى منام ولا تستغلي السعر ترا جودتها فيها .. المرفقة بالصورة عندي لها كم سنه والله ما عرفت الراحة بالنوم والراحة من الم الظهر إلا بعد ما شريتها .. اهم شي تحت المرتبة يكون سطح متساوي مو الخشب المقوس لانه يخرب المرتبة مع الزمن ويسبب عدم الراحة بالنوم اكلمك من تجارب سنواااات

[Unique man @unique_man2]

@OfLucia @Reda_Alidarous فعلاً صدقتي مافيها اي سيفتي وافضل شي سويتي انك بعتيها

[Unique man @unique_man2]

@OfLucia @Reda_Alidarous صارت لي بكامري ٢٠١٤ وتسببت لي في ٣ حوادث وراء بعض خلال اقل من شهر وبعدها بعتها والان معي اكورد لها ١١ سنه والحمدلله ولا مرة صار فيها حادث

[Unique man @unique_man2]

@newhappylife__ @DrAbdullahA1 دايم البداية كذا .. اول اسبوع بس .. بعده خلاص يتعود جسمك ويصير اصلاً يستجيب للرياضة والمشي اكثر من ماتتوقعين

[Unique man @unique_man2]

@Dr_ALHodaithy ابشرك كل هذي العادات الثلاث لازالت باقيه في منزلي ومع أسرتي ولله الحمد

إذا كان فيه قوانين بالبيت وفيه ترتيب وتنظيم كل شي بيصير صح

[Unique man @unique_man2]

@A_zaid94 @kamadoshonen هذي لسى عجين من الداخل 😑

والكيس البلاستك مرة لا .. والله يدمر الصحه كثر استخدامه 😔

[Unique man @unique_man2]

@sss_900 @AlfurayhTalal زي هبه فيتامين دال .. والحين ازعجونا بالمغنيسيوم .. وخل التفاح لهم سنتين ازعجونا فيه .. وبعد فتره تسمع شي جديد .. شي طبيعي تسويق في تسويق .. شركات تمشي بحملات قوية لين عقلك الباطن يصدق ويؤمن بالفكرة

اقرب مثال شف كيف شركات الحليب قدرت تقنع الامهات ان طفلها ما يكفيه حليب الام !!

[Unique man @unique_man2]

@JahezApp اضفناكم وتعاملنا معكم اكثر من ٤ سنوات .. وعميل برايم عندكم .. وللاسف ثاني مشكله لي معكم ولا توقفون مع العميل مع تزويدكم بالاثبات .. لذلك حاولت احذف الحساب لكن لم استطع وحذفت التطبيق بالكامل .. مع العلم باقي لي ١٩٠ يوم على اشتراك برايم .. لكن الله الغني عنكم 😑

@JahezCareKSA