ًًً

DM❌🧔🏻‍♂️

[ًًً @uniqueallv]

يارب أنا طالبك بعد الحياة و عمري الفاني
المَغفره والعفو ، و الستر و الجنَّه

[ًًً @uniqueallv]

يا رب أنا مهما ألتهي و أذنب و أهيم
من خشيتك ، ما زال صدري ممتلي

جيتك بـ عينٍ تدمع ، و قلبٍ سليم
أبثّ لك خوفي ، و حزني ، و زعلي

أكرمني بـ عفوك و لطفك .. يا كريم
و لا تحاسبني ، بـ جهدي و عملي

[ًًً @uniqueallv]

تنفس الصبح والنور ابتدا بالظهور
وانا على جلسة البارح ما غيّرتها

افكاري تدور والدنيا .. تلف و تدور
ولا فيه ذكرى قديمه ما تذكرتها

اعيش في حالة استنكار ذات وشعور
وصلت نقطه غريبه ما تصوّرتها

احس روحي لحقها قل جهد و فتور
من كثر ما احترت فأحلامي وحيّرتها

[ًًً @uniqueallv]

يارب وجهني طريق الصالحين
بدايته ونهايته ، سترة نجاه

رفعت نفسي عن دروب التافهين
اللي ولا دربٍ يشد الانتباه

اما حياة الطيبين الغانمين
ولا حياةٍ ماوراها من غناه

اللي حسبته من قروم الطيبين
الوقت ماقصر وبين لي خفاه

يزين طبع الناس ، ولا مايزين
كلٍ على حسب العمل يلقى جزاه

[ًًً @uniqueallv]

يالله وأنا الشخص البسيط اللي هقاويّه بعيد
أحيان يمنعه الثقل وأحيان يدفعه ، العزم

أعوذ بك من وقفةٍ مع غير أهلها ما ، تفيد
ومن غلطةٍ يبلش بها العاقل على باب الندم

[ًًً @uniqueallv]

تعودت من صغري على من صِبر ماجور
على جرحٍ عاش بداخل اعماقي وشيّب

ولا ياخذك ظنّك على حالي المستور
انا طيبه و الوقت ما هو معي طيّب

تخيل فتحت الباب ادور بصيْص النور
احس الفرج بيزور .. و امالي تخيّب

[ًًً @uniqueallv]

في زحام المغريات، وليلها المتمادي
من ترك لله شيٍ عاضه أبرك منّه

يالله أعصم من محابيل الحرام فوادي
عصمةٍ تاخذني بيمناي لين الجنّه

ياعظيم الملك وأنت المستعان الهادي
باب جودك جعل مانيب محجوبٍ عنّه

كل ظنٍ في سواك من الخلايق غادي
وانت عبدك عند ظنّه لاحسن بك ظنّه

[ًًً @uniqueallv]

حنا شبعنا من كثير الحسافات
على القلوب اللي ملاها السوادي

خلك بنفسك لا تزيد الملامات
غادي ومن يتبع هوى الناس غادي

الناس بين الناس فيها اختلافات
مثل الاصابع تختلف بالايادي

واللي تحسبه سابع المستحيلات
إلا يجي لك يوم ويصير عادي

[ًًً @uniqueallv]

﴿رَبِّ اجْعَلْ هَذَا الْبَلَدَ آمِنًا﴾🇰🇼

[ًًً @uniqueallv]

«كل عام وأنت العيد ومشاهدك عيد
وأقرب وأحبّ من العرب .. كلّ ابيها»❣️

[ًًً @uniqueallv]

إكتشفت إن الحياة بـ كبرها قطعة مسافه
تغوي المفتون ، لين العقل يصحى و يتنبه

و إستعذت مْن الدروب اللي نهايتها حسافه
قبل ترميني ملذات الزمن . . في جوف غبه

مايخاف المؤمن اللي فيه من ربه مخافه
مصدر الخوف الحقيقي واحدٍ ماخاف ربه

[ًًً @uniqueallv]

"ملاذي من مقادير الحياة وداري وملجاي
أمامك يُكشف ستاري واقول لدمعتي هلّي

على بابك وقفت ادعيك طالبتك تجيب دْعاي
إليك المشتكى ياربّ في ترحالي وحلّي

اعرفك فاتحٍ بيبان عفوك ما تردّ الجاي
وجيتك راجيه عفوك، اذا ما جيت لك من لي؟"

[ًًً @uniqueallv]

عَفى الله عن كلامٍ في حنايا الصدر ماينقال
تركته للزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات اللي مع الأيام منسيه

[ًًً @uniqueallv]

ماقدرت اعيش لذات الحياه المستمرّه
لا بغيت أواكب الحاضر رجعت لـ ذكرياتي

يوم جيتك جيّت اللي يدري إن الموت مره
تاركٍ من خلفي الدنيا و أهلها و أمنياتي

ايه و اللي نفسي بـ يده و رزقي و المجرّه
انك إللي تستحق أفضلك عن مغرياتي

[ًًً @uniqueallv]

﴿ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ﴾

اللهم إني أستغفرك من كل ذنب أتيته بعلمٍ أو جهل، بقصدٍ أو غفلة، قديمًا أو حديثًا، خفيًا أو علنًا،لا أذكره وأنت لاتنساه
اللهم اني استغفرك من كل ذنبٍ يرد عني دعائي
اللهم ان كثرت ذنوبي اغفر لي وقربني إليك وأنت راضٍ عني

[ًًً @uniqueallv]

أسأل الله أن يبلّغنا يوم عرفة
ويُعيننا فيه على صادق الدعاء
ويُطلق ألسنتنا بذكره ومسألته
ويغمر قلوبنا بيقين لا يتزعزع
وحُسن الظنّ بفضله
ويجعل لنا من كل دعوة نصيبًا
من الإجابة والقبول ، آمين 🤍

[ًًً @uniqueallv]

"ياربّ وأنت الملاذ لوحدة المهتدي
يوم إن فؤادي وحيد أهدِهْ أنا مُتعبه

خلّصني من الشعور اللي يهدّ جْهدي
و متعنّي بـ شي كل الناس تستغّربه

و ارزقني الحلم و الصبر وجميل سعدي
في راسي أحلام و الاحلام مترتّبه

تحتاج عفوك و انا اللي حسن ظنّي مدي
فيك أنت ولّا الاوادم ظنّهم ما اقربه"

[ًًً @uniqueallv]

مايوفق للصواب الا من الله دلّه
جعلنا لامن دعانا الحق مانستكبر

قانعين إن الحياه موليّه ومزلّه
عندنا عنها خبر والله هو اللي اخبر

الآدمي ماهوب قاعد حي عمره كله
والله إن يجيه يوم يموت فيه ويقبر

أحمدك و استغفرك يالله وسبحان الله
ولا اله الا الله المعبود والله اكبر

[ًًً @uniqueallv]

ربي أعوذ بك من شتات الأمر ومس الضر و ضيق الصدر
ربي إن كان هناك ذنب يحول بيني وبين تيسير أموري فاغفره لي
اللهم وأسعدنا سعادة لا نشقى بعدها أبدًا ربي اني استودعتك أدعيه فاض بها قلبي فاستجبها لي يا كريم

[ًًً @uniqueallv]

في قلبها .. عزة طويلين الأعمار
ما علمت مخلوق وش في صدرها

حرّه .. وماتقبل بخانات الخيار
الأوله بكل شيء حتى بصبرها

هي عذرها ماهي تدقق فالصغار
لا سولفو عن صمتها ذا عذرها

وش له تحجمهم و تخليهم كبار
لا عذربوا فيها وهي عارفه قدرها

[ًًً @uniqueallv]

يارب أقفّي ماتركت إلا حسن خلق وكلام
ولا تركت ندوب في صدرٍ قريَّب وأجنبي

إضفي علي النور لا منّه غشى قبري عتام
وإغفر جميع الذنوب اللي على منكبي