مفيش حاجة متأخرة ولا حاجة حصلت كان مفروض ماتحصلش ولا في حاجة فاتتك، ومفيش حاجة لو كنت جريت أسرع كنت هتاخدها وهى مش بتاعتك ولا حد مشي كان مفروض يكمل واللي مكتوب له يكمل معاك مش هيمشي ..
الحل الوحيد عشان تقدر تكمل (هو إنك تعفو عن نفسك) .. تستوعب إن مفيش حاجة بإيدك مهما سعيت وحاولت تخلي كل حاجة مظبوطة .. مفيش حاجة هتمشي صح غير لما ربك يأذن .. مهما تعبت وصدقت نيتك وعملك في النهاية الأمر كله لله ..
بعد 20 سنة من دلوقتي هتندم انك عشت حياتك خايف!
خايف من الناس، من رأيهم فيك،
من انك تعمل حاجه جديدة، من انك تفشل وانت بتعملها،
من انك تسافر، من انك تمشي ورا قلبك (لحسن يقولوا عليك اتجننت ...)
من حاجات كتير ممكن نسيب القوس مفتوح وتكملها
لو عشت خايف مش هاتكون عشت اصلا!