شلفا شعًَر

ابو ياسر

[شلفا شعًَر @user265_]

شلفا شعر.. اسمٍ فريد ومبتكر
تصيب صميم القاف وتصوغ الجزيل

يقطع هَزَل القول ويحيد الخطر
ويبيّن المعنى على الشفاه والدليل

القريحة

[شلفا شعًَر @user265_]

يشوف الغلا ف عيونك الناعسات الحور
مثل من يشوف الموت ف عيون ذباحه

يبين لك انه هادي وخاطره مسرور
وهو والله انه تزعجه صوت مسباحه

شجاع حذفلك بندقه ورصاص يثور
ولا تذبحينه عقب ما سلم سلاحه

صالح التشيرا

[شلفا شعًَر @user265_]

خلك رزين وعامل الناس بالطيب
اليا غلطت بحق شخص تاسف

ترا التعذر للبشر ما هو بـ عيب
كم واحد كابر وتالي تحسف

[شلفا شعًَر @user265_]

قصيدةٍ ثانية ما يصلح تقولها محاباه
يحلّ الغزل في مدحةٍ ما لها داعي

يا كثر العروض اللي تجينا ولا نقول: نه!
ذممنا نزيهة عرض والمجتمع واعي

نحنّه من اللي لا يعرفه ولا يزهاه
ونقدر نسوي به الشيخ والراعي

صالح النشيرا

[شلفا شعًَر @user265_]

ترى الهوى غير.. والمحبة كذا فذ
تغني هيجانك ثم ترفع ترفها

القريحة.

[شلفا شعًَر @user265_]

واكره الخوّان كرهي للعراق
واعشق الوافين عشقي للقصيم

تركي المتعب

[شلفا شعًَر @user265_]

أبتديتك وأنتهيتك وأنتفل موضوعك
لا تجي وإن طال بعدي عنك لاتمنّاني

الخطا ماينمحي لو تغسله بدموعك والله
إن تبطي تدورني ولا عاد تلقاني

والله إن أبطي وأنا مركاي بين ضلوعك
والله إن تبطي تناساني ولا تنساني

[شلفا شعًَر @user265_]

انا التيه وانا المسرى وانا الوقفه وانا لبيه
اذا ما تقدر يدينك تغازل دقها بابي

انا جاري عن النظره وانا العابر عن التشبيه
وانا اسباب الوصل كله متى ما غابوا احبابي

على انه عندي لـ كرهك كثير اسباب مدري ليه
تغيرت اني احبك ولا ادري وش هي اسبابي

[شلفا شعًَر @user265_]

على كثر ماكنت قاسي يا لوجه السموح
كل حاجه منك شينه انا جمّلتها

حتى تلويحتك يومك توادعني وتروح
انت ما لوّحت لكن انا اتخيلتها

سعد علوش

[شلفا شعًَر @user265_]

وين أودّي غيمة الأحلام من شمس الحقيقة
وأنت موجٍ لا تلاطم شفت به جزري ومَدّي

ضحكةٍ لاحت على وجهك نسايمها رقيقة
تعترض لي في صباحات الهوى وأقول ودّي

كل دربٍ ما خطت رجلك على مفرق طريقه
ما يُعد من الدروُب ولا يجيب ولا يودّي

[شلفا شعًَر @user265_]

من ضيقة الصدر ضيقت المكان الرحيب
ياشين نفسي من البارح وياشين زعلي

كني وانا بين قرية والرفيعه غريب
ماكن ذولا بني عمي وذولا هلي

[شلفا شعًَر @user265_]

ظلال الأبراج ما تشبه ظلال الشجر
هذه خلقها الله.. وهذه خلقها خليق!

هذه يمرك تحتها كل طالع فجر
وهذه يمرك تحتها كل قاطع طريق

وأنا صديق الشجر.. ماني صديق الحجر
ولي من بعد ترتادم كم خوي وصديق

ما أدور أصحى.. لا منطقت أدوّر لجل
لذلك يضيق غيري بس أنا ما أضيق!"

سعد علوش

[شلفا شعًَر @user265_]

مع مرور الوقت كل شيء يتعدّل

آدم عليه السلام:
أكل من الشجرة اللي نهاه الله عنها ثم تاب، فتاب الله عليه

فلذلك كل شخص يخطئ، ويتعلّم، ويستكشف، ويخطئ، ويتوب.. بس ما توقف الحياة على خطأ واحد.
خلاص أنا أخطيت خطأ كبير، الدنيا قفلت بوجهي لا هذا أكبر خطأ

[شلفا شعًَر @user265_]

أونست وسط الجوف نارٍ ببدافور
إن جيت أطفيها تزايد سناها

نارٍ تسابقني على مشة الزور
حتى كلت حدب الظلوع بلقاها

أضحك ويطويني مع الضحك حاشور
وأكظم مخافة نفس توحي عداها

وأصبر على الغربال والظلم والجور
واللي خلق خلقه حشا ما نساها

خالد بن مدعث الدوسري

[شلفا شعًَر @user265_]

الله من عينٍ لَها النوم ما طاب
عين الشقا ما تمرح الليل كله

سِنّة يشذّبها عن النوم شذّاب
طول السهر عيّت عيوني تمله

ولا عاد يبريها دوا وطب الأطباب
اللي يداوي بالدوا كل عله

وفي القلب مشهابٍ وفي الكبد مصلاب وبين الضماير موقدٍ سن حر مله

خالد بن مدعث الدوسري

[شلفا شعًَر @user265_]

جلسة شقي الروح في وسط الخبت
أخير من جلسة ردي الصداقة

يا جاهلاً عني تراني تودبت
لاني بلا جاهل ولاني بعادة

أنا ولد مدعث على الطيبة طبت
ما للدعي في بنات الرفاقة

من رأس أبوي ورأس جدي تعربت
ومن طيب خالي ما لحقني لحاقة

خالد بن مدعث

[شلفا شعًَر @user265_]

وقلبي اللي لايع بالبعد لايع
قلب خذت سود الليالي بضايع

إلى زهم عيني بغالي دموعها
جاته عيوني بأزرق الدمع فايع

قلب همومه كل يوم مغيرة
صكت على عرشه وهدت قلايع

خالد بن مدعث الدوسري

[شلفا شعًَر @user265_]

مو كل شيء ينتهي يحتاج محاولة أخيرة، بعض الأبواب مهما وقفت عندها ما تنفتح لك لأنها من الأساس « مو مكتوبة لك »

وقال فيها بدر بن عبد المحسن:
« ما للرجا في بعض الأحوال قيمه
وما للعمى صبحٌ ولو بات سهران »

[شلفا شعًَر @user265_]

- بين القلب والعقل -

قال خالد بن مبارك

«كل مافكرت بالقلب حبيت الجميّع
وكل مافكرت بالعقل ما حبيت أحد»

[شلفا شعًَر @user265_]

على خير أشوفك كان حنا من الحيين مصير الليالي تجمع الحي مع حيه

سرى النوم مع مسراك وأحفت دموع العين ... كفوفٍ تكفه كفة الشمس للفيه

بمان الكريم ارحل وانا في انتظارك لين تدور الليالي دورة ترجعك ليه

عبدالله بن محمد اليساري