ِ

[ِ @usermutari]

ليا عاف لا يُمكن يعيد النظر
وإن حب يحب بجنون وعنجهيّه وطائيّه

[ِ @usermutari]

إذا ابتدت سيرة الحب ابتدى دوري
قفّل على كل جرح ف بابٍ مسوّر

يفداك طيشي مع الباقين وغروري
ويامرحبابك . . ويالبّيه . . ومنوّر

[ِ @usermutari]

خاطري ماهو بودّه ونفسي ودّها
وعاصين نفسي عشان ما ارخي مستواي
لو بـ طيع النفس بعدين كيف اردها

[ِ @usermutari]

تدور السنين و كل ما قدمه يلقاه
الأيام عجله و أرذل العمر تاليته

تعرف المصايب من تحنه ومن تدراه
مثل ما تعرف اللي تروح متوطيته

الانسان وده ينحرم من رغد دنياه
ولا ينحرم من نور عينه و عافيته

[ِ @usermutari]

معك كل الليالي فارقه حتى ليال السبت
لو أني قبل أعرفك كنت واحد ما يدانيها

[َ @UsernameHaa]

في عيونك فتنةٍ تطغى على عيون القصايد
و نظرتك ترسل سلام الود و الرمش يتبلّى

أنثني مثل الأماني و أثبتي مثل العوايد
و أمشي من الكبر مثل اللي على الوصل يتغلّى

والله إن عودك لحاله يستحق أغلا القلايد
كيف عاد ( العنق الأتلع ) كل ما زاد و تعلّى

تركي بن جويعد

[ِ @usermutari]

صباح الخير/
اللّٰه يصبّح قلبك الطيب بصبحٍ دروبة ما تضيق
من وين ماوجهت به .. جتك الدروب موسّعه

[َ @UsernameHaa]

حبيبتك ماتعشق إلا حمر عين
فعله ينومسها .. وساسه يشرّف

معمي عيون و مطلقٍ لك حجاجين
و مرضي غرور " المستحيل المترّف "

ما جابك إلا حظي الطيب الزين
و الكلمه اللي فـ الخطاب المظّرّف

أخذ شبابي و أحسبه عن شبابين
و أبشر بي و حقك علي لين أخرّف

[ِ @usermutari]

"مد ظلّك .. خلّني تحته اقيّل / لي سنينٍ ما عرفت
اهدا بروعي "

[ِ @usermutari]

القدر جابك وانا ممنون للاقدار جداً

[ِ @usermutari]

اللهم أحسن خاتمتنا ولا تأخذنا إلا وانت راضي عننا

[ِ @usermutari]

جعل لوعات الجفا والزمان اليا استدار
ما تحط وسومها في قلوب الطيبين

ودنا نطلع على الناس مطلاع النهار
لابسين من النوايا ثياب معيدين

الوصل سلمٍ لو انه للأحباب اختيار
كان مافالدار وحشة ولا الأنفس حنين

والقلوب الي ماتشتاق وتحب وتغار
ميته وصدور اهلها مقابر ميتين

[ِ @usermutari]

هي عظيمه بس والله مادريت إنها عظيمه
لين قالوا ما يعرف الحاجه إلا من فقدها

مطرف بن شارع

[ِ @usermutari]

على حروة بكاء وتنهيدة وغصة وضيقة بال
وعلى رجوى الرّحاب تمر صدري كل فجرية

[ِ @usermutari]

أتـمـنّى و الـتـمـني يـزيـد غـبـوني

[فالح بن غشام @Faleh_002]

اعوذ بـ الله من ليلً تشقويت فيه
دقيقته عن أسبوع وساعته عن سنه

(ياويل من يسهره من وحشةً تحتريه)
قل لي ياسلطان تكفى كيف بطلع منه

قمت آتلّوى تحت بشته وأموت بـ يديه
ويبعثني الله بـ صبحً لاذ من يزبنه

من يوم اخذ من ضلوعي كل مايشتهيه
وانا اول أنسان يفقد نزعة الأنسنه

ذكرّني اللي لقيت الشعر منه وإليه
عفريً يْصحح لساني وصح بدنه

سمحت عن فارعات الطول حمر الوجيه
في لينً كل ما هب الهوى يشحنه

خذا من الزين كل اصنافة ، ومن ذويه
المنسب ، ومن عدود الشعر جاب أحسنه

في عينه الشاعريه تاجد اللي تبيه
ريمً ليا مر طرّاد الغرام سجنه

يقول أحبك وأحبك ماتبّين عليه
العين ماتكذب اللي تكذب الألسنه

يا ليته يباع بـ كنوز الذهب واشتريه
حتى لو يقول من دم العروق اثمنه

والله لو ان له مع أرباب المحاسن شبيه
لـ أطرد سرابه وابيع العمر لين امكنه

لكن ما بعده من الخود خل أهتويه
هذا وانا قلبي ان مرّه غزال سكنه

ينبيك عن حالتي دمعً عجزت احتويه
ولا قدرت استفز الريح لا تفتنه

عاد أنت حركت مكنون الغرام النزيه
يومك تطمّن على قلبي وتنشد عنْه

من صار مكسبه من مثلوجة الريق تيه
ماصار يشعفه ذكر الفارع الليّنه

[ِ @usermutari]

أعيش في حالة أستنكار ذات و شعور
و وصلت نقطه غريبه .. ما تصورتها

أحس روحي لحقها قل جهد و فتور
من كثر ما أحترت فأحلامي و حيرتهّا

عودتها كل من يبعد بعيد .. أمعذور
" و عمرتها بـ التسامح إلين دمرتها "

أنا قبل ساعتين ،، و عام،، و أربع شهور
نفذت من غلطة « الشاطر » و كررّتها

[ِ @usermutari]

يوم الفخر تمدح كحيلان
معنى وقيمة وقافيه

ماهزه السجن والطوفان
والخاين يموت في غيه

( يبقى مسلم وسيع إبطان )
مافيه مثله ولا زيه

شجاع ومن حوله شجعان
وأذناب الأنذال ملويه

شتان ما بينهم شتان
ضميرنا و الحراميه
#مسلم_البراك

[ِ @usermutari]

اللهـم في يـوم الـجمـعة اشـــفِ مـرضـانا
ومـرضـى الـمسلمين
واسكب على جسدهم الصحة والعافية

[ِ @usermutari]

أرخص رصيد العمر // في وجه من يسواه