——

انا من تزهو إنّك بدّ كل الناس محبوبه . .

[—— @usernameQ97]

"يا رب أنا ماني على الأرض مبطي / أغفر ذنوبي وأهدني .. قبل لا أموت"

[—— @usernameQ97]

كثر ما شفت من ؛ الملامح والعيون
في ناهيات الحسن من بيض وسمر

ما كان فرقك .. فرق شكل وفرق لون
فرق " النجوم الساريات " من القمر

تمر في .. « بال » القصايد واللحون
إن ما قدرت ( إنّـك ) ؛ على بالي تمر

الله يسامـحن�� .. على بـعض الظنون
كنت أحسب إنّك مرحلة وآثرك عمر

[—— @usernameQ97]

اللي يشوف إن ضحكتك راس ماله
وش ظنّك يسوي لا حصّلك تبكين ؟

[⁹⁷ @0l97_]

خل الكلام وكثرته منت معذور
الحب يبغى فعل ما يبغى كلام

رح وين ماودك عسى الذنب مغفور
مال المسلم غير مردود السلام

ان كان قلبك قصر ما احب القصور
بهاجر من القصر واسكن فالخيام

وشلون ابرجع للوراء واقف وادور
وانا رجوعي خطوتين إلى الامام !

[⁹⁷ @0l97_]

كيف ضحّيت في قلبٍ يدوّر رضاك ؟
الذهب ما يفرّط فيه من يبخصه

ليه تجبرني اكره كل ذكرى معاك
من ملك في الحياة أحباب وش ينقصه ؟

لا تراهن على الحُب ويغرّك غلاك
قلبي أثمن من إن إنسان يسترخصه !

[⁹⁷ @0l97_]

لو تطيحين من عيني قدرت أوادعك و أنساك
لكنك في خيالي واقفة . . . و الطايحة عيييني !

[⁹⁷ @0l97_]

معك طال الغياب اللي عليه ارهقني التبذير
ولاني عدت محبوبك ولا عادك بـ بمحبوبي

بتلقاني بكل مفرق طريق و في يدين الغير
«بتعرف قيمتي والله وتفقد اصغر عْيوبي »

(تذكر قلبي اللي ممتلي صدق و نقى وْتقدير )
و تذكرني ليا هب الشمال و لاحت هْبوبي !

[—— @usernameQ97]

على كثر اهتمامي واهتمامك والله اني حاس
بياتينا فراقك يضيعك و تضيييع من يدي ..

[—— @usernameQ97]

إقبالها يشبه نسانيس الهبوب
حتى لو الموت الحمر ف أقبالها

لا جيت ادور في وصايفها عيوب
حصلتها بين الحلال الحـالها

والله ما يرسم زولها خياط ثوب
هذي ما يرسم زولها الا اظلالها Cc

[—— @usernameQ97]

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

[⁹⁷ @0l97_]

معاك خضت الحياه وشفت معنى الحنييين
وايقنت بــإن المشاعر . . عانقت دينننها ♥️ !

[—— @usernameQ97]

ودي اعيش اللي بقى من عمري في يسر ويسور
واخذ من الهامك واخلي ( اصدق الشعر اعذبه )

[—— @usernameQ97]

« صار الغريب إن مرّني يقراك ما بين السطور
لكن غريب إنك قريب — و حالتك متقلبه ! »

[—— @usernameQ97]

لي صاحبٍ مسرفٍ فيني ولا له ضمان
واسلوبه ازريت اعدلّ فيه و ابدلّه

إذا زعل صار مثل النوم عقب رمضان
تأخذ لك اسبوع وأنت تحاول تعدلّه :)

[—— @usernameQ97]

جابك الحب ! ولا طاري الشوق ؟ ياللي
طلتك جفت احداقي و هي ترتجيها

ازهر النور و اثرْ النور من حولي ظلّي
ينبت مْن الدروب اللي خطاويك فيها

والله إن ذا جبِينك وإن ذي عينن خلّي
وإن ذي الطله اللي من زمان احتريها

من تهادت له الغيمة ! ولا قال هلّي
من تدانت له الدنيا ! ولا قال أبيها

يشفي الحضن يا ريحانة الروح غلّي
روحي المنهكة تحتاج حضن احضنيها!

يا شعور السكينة في صلاة المصلّي
يا طمانينة الانفس و ما تحتويها

يا أعذب ��ن البراءة واطهر من التسلّي
صدفةٍ جابتك .. ودي اقبل يديها

كيف اخليك ؟ وان��ي وهبة المعطي اللي
لا عطى ما يهمّه حمد من يقتنيها

لو لمحتي عيوني ؟ يوم ارحب واهلّي
ما قويتي على ليله ! تغيبين فيها

لا تغيبين لو عني تغيبين ! من لي ؟
من فقد ضحكتك معذور لو يشتهيها

لو تولي السنين ! محبتك ما تولي
لييين ما الله يرث الارض واللي عليها

[—— @usernameQ97]

سيد البال ماجاد النصيب بوصالك
أحبس الدمع لايجرح نواعم خدودك

ليت لي قدرة أغير مصيري وأنا لك
لين ترعى بعاريني وتارد عدودك

مير الأقدار قالت منت لي لو أنا لك
مستحيل أتبدل فيك وأنسى عهودك

كنت الأوفر خصال وكنت الأكثر مهالك
وكانت أحبك تخونك وتظهر بسودك

وكنت تلبس لباس الثقل ون جيت بالك
تبتسم ويتمايل بك سحابك ونودك

يا علاج السقيم اللي نشب في حبالك
ليت قلبك خذاله لين من لين عودك

ليه ناديت قلبي في ��ريقك وجالك
وليه وأنت الكريم ايشح نسناس جودك

كنت تزعل على أدنى الدون وأزعل رضالك
واحمدالله على لقياك وأكره صدودك

لين جيتك وقلت القلب كله حلالك
مملن بشتياقه مايحرك برودك

جية الضايع اللي دل وفرة خصالك
ليتني تهت ماعنيت رجلي حدودك

أذكر أحبك اللي جات في كيف حالك
كانت أخر سعادة عشتها في وجودك

ماتوقعت يوم اتهل دمعك لحالك
وماتوقعت من عامين تذبل ورودك

يا عذابي بعد ما قام يدنو زوالك
ليت يدنو مماتي قبل أكذب وعودك

يا حبيبي عسى روحي وشعري فدالك
ليتني قادر أنقص نص عمري وزودك

راضي أموت دام إني بعيش بخيالك
موتتي صدق لاشفت النوايب تسودك

[—— @usernameQ97]

من الايام اخذت الضيق كله يا نهار السبت ..

[—— @usernameQ97]

لاصرت عايش بخير ؟ انا تراني : بخير
من جا يبي منزلك فالقلب قلت يهبي

يهون جرحي علي لو ان جرحي كبير
يهون ولا تشوف اهانتك .. بـ سببي

[—— @usernameQ97]

لو إن الأوادم في عيوني يجون أفواج
وجودك يكفيني عن الكون و إزعاجه

إلى من فقدتك عِدّني دايمًا محتاج
و إلى من وجدتك ما نقصني ولا حاجه…

[—— @usernameQ97]

معك للضحك روح، ولـ إنكسارات النخيل : ظْلال
معك ما كانوا أهل الحي تقطع عن بعض، وتزور

تعال استجمعك "ديره" عجزت الحل، و الترحال
ترى مابيني وبينك سوى تصحيح ظنّ، وسور ! 😖

[—— @usernameQ97]

"الصعب أنا
لازم تصيرين لي سهله
خليك سهله معي صعبه على غيري."