-

🎼

[- @2lil09]

منزلـك عـنـدي الــى حــزة الـمـوت مـعـروف
في عيون (ن) قدرك اغلى علي من شوفها

[- @2lil09]

أجيك وظروفي: ثقيلة مشاوِيْر
وتعوِّد ظْروفي خفيفة، وهشَّة!

[- @2lil09]

فرحة مجيك .. تشابه فرحة الماطر
اللي عشانه جميع الناس محتفله

خليني اهيم في عينك لو آخاطر
الموت له وقت ياخذني على غفله

عندك من الزين شيٍ يربك الشاطر
هيبة كبير الوقاااار وبسمة الطفله

- فارس عمر

[- @2lil09]

"وين أبلقى طارشٍ صوبهم ولدة حلال
أرسله خفوٍ لخلي يسلم لي .. عليه"
- حسن الهوامله

[- @2lil09]

شفق على شوفها ،، في ذمتي ذمه
وزل اول العيد ،، والفرصه نصايدها

المشكله ، عودها ، منصى بني عمه
وشلون تسمح لي الفرصه وآعايدها
- محسن بن مترك

[- @2lil09]

على عيدك مبارك تاقف امال انتظاري سيد
هي اللي كانها « ما جات منك » مالها شاغر

— عبدالله آل لزيوح

[- @2lil09]

من باب التعلّق بالمحبوب وتفاصيله :

يدري إن ما يقتله شوق وغياب وحنين
«التفاصيل الصغيره» .. هي اللي تقتله
– بندر الدويش

كل «التفاصيل الصغيره» على البال
من يوم شفتك لين ما عاد شفتك
– محمد بن عبدالعزيز

[- @2lil09]

عليك سجات الهوى ترسل مناديب العتاب .
لين أتوحى من ورا النسيان صوتك.. وأذكره !

[- @2lil09]

يا غاية اللي يحنّك من نسيم الهبوب
مرتني طيوفك البارح.. وضمّيتها

في وجنتك مثل لون الشمس قبل الغروب
تقول فيها —الحياة اللي تمنيتها—

أنت اعذب من النصوب، وما تهل النصوب
وأحلى من أحلامي اللي ما بعد جيتها"

[- @2lil09]

تمر السنين و تجتوّل و القلوب تهاب
و تبقين فالعمر المحدد مثل ما أنتي

عزيزة نسب و أطهر من الديّن التواب
رفيعة مقامٍ هان عمري و لا هنتي

تمرين و يصير السماء خيرها صبّاب
و تزين الأراضي كل ما أنتي تزينتي

فداك الشعر و الناس و الحلم و الأحباب
و أنا و السنين المقبله وين ما كنتي

[- @2lil09]

ودي لو آعرّض الخاطر براد الشمال
أعوذ بالله من نفسي ، ومن سوها

اللي على وصلها حالت ضروف الليال
لسان حالي يردد .. ليتها ، لوها

رهيفة احساس سهلة طبع صعبة منال
ما تاخذ من السجايا غير محلوها

تستأذن الشمس منها قبل وقت الزوال
ضو القمر ما يبين ، الا على ضوها !

- فارس عمر .

[- @2lil09]

ضلوعي على ساعة مجيّه و مسياره
تغنّي له العرضة و تضرب له الطبله .

[- @2lil09]

او تسمحين؟

[فيصل القاضي @Faisalqadi]

حبيبي لاح بارق ذكرياتك في سما الآمال
وانا ارجي بالعمر ليلة سناك يمرّني فيها

بعد عتم الليالي والجروح و غربة الترحال
أمرّك بالمدى دار اندفن حلمي باراضيها

فقدتك والظما يجهد عزومي والدروب طوال
وسرابك يجرح احلام اللقاء ويخون أمانيها

أنا لـ اليوم أزور اعذب مدينه وانشد الأطلال
عن احداث السنين اللي هنا العمر بـ لياليها

"إلين اليوم" ، "أجي لك شوق" اغنّي والأمل موّال
"وش اخباري ؟ " على حطّة يدك مازلت أغنّيها

"دخيل الله وبعد الله دخيلك" لا تلوم البال
"إلين اليوم" ذكرى تنثر الذكرى بـ اغانيها

"مصير الحيّ يتلاقى" ولو عمر المفارق طال
ولو مرّ "ألف عمر" أحلامنا ماني بـ ناسيها

حبيبي والبشر صاروا بصبري يضربون امثال
ثلاث سنين وطيوفك تناديني واناديها

أشوفك في صباحات الأماني والوله يختال
واشوفك في غروبٍ ياخذ الشمس من اياديها

فقدتك من هنا لين السنين تجود لي بوصال
واضمّك بالديار اللي من الفرقى وانا آجيها

[- @2lil09]

لقيتك والصدف مثل البروق تهيّض الوبال
ولا زلت بدوي ٍ كلمته ماهوب .. يثنيها

- محسن بن مترك

[- @2lil09]

احبك .. ولا فكرت في يوم من الايام
يجي يوم من الايام ماعاد احبك فيه

[- @2lil09]

"عسى الرايح اللي راعده كنْه ديناميت
يباشر مضارب ديرتك كل .. ما همّل"
- مطحس بن حمد