٠

[٠ @uunn95]

" أتمنى دائمًا أن يُلهمني الله السكوت . . مهما بلغت حاجتي للكلام "

[٠ @uunn95]

لو أغيب وين أغيب ولو أروح وين أروح؟
تردّيت في من طاب بك.. والسنين أردى

غلطت وعطيتك قلب واهديتك مْن الروح
وهي والله إن ماهيب تعطى ولا تهدى

[٠ @uunn95]

والله معاد تسوى ولا حاجه .

[٠ @uunn95]

بعض العرب فعلاً يبي قطعة لسان
ودك مع لسانه تقطع لهاته

يمشي وينشد وش بلا فلان وفلان
كنه مخاشر كل شخص بحياته

فلان معرس ليه ما جاب بزران
وفلان تاجر وين ودى زكاته

وفلان حالق لحيته وين الايمان
وفلان مات ابوه وش هي وصاته

الظاهر اني كان ماني بغلطان
من صغر سنه مايفارق خواته

[٠ @uunn95]

ما درى ان الوقت لا شان و اشتد المضيق
تصبح احبال المحبّه مثل حبل المشنقه

[٠ @uunn95]

كل ما قالوا لي لكل مجتهدٍ نصيب
قلت انا اسعى للحبايب ولا اعيّن لقا

وكل ما قالوا لي شوي يمكنّك تطيب
قلت أنا ضيعت زهرة شبابي وش بقى؟

وكل ما نادى الرفيق القريّب يا الحبيب
انت تطرد لك سرابٍ مدي.. قلت تهقى؟

والله اني شفق واني من اللهفه غريب
وان الايام استدارت والاوضاع مْحقا

[٠ @uunn95]

" لا تستهن بلحظات الاستغفار ولو ثواني فلا تدري كم من بلاء سيرفع عنك وكم ذنب يغفر لك وكم من باب رزق يفتح لك. "

- استغفِرُالله العظيم واتوب اليه 🤍

[٠ @uunn95]

من دافع الصمت والياس القديم القديم
من منطلق كل كلمه مقدر اقولها

ما فات غير الحياه بعين صبر الحليم
ولا هان غير القلوب الخضر وحمولها

يا ليت للحظ وقفه فالمصير العتيم
ما كان شحّت لنا الفرحه بهملولها

لو يعرف الوقت وش معنى الفرح والنسيم
ما شان وجه الدروب بوجه مجهولها

[٠ @uunn95]

والله إن وجهك يقوّيني على ظـروف الحيــاه
أشهد إن المرحبا ماهي تُسـاق .. الا عليه

[٠ @uunn95]

غيمة غلا تمطر بها حب منسي
تمطر و قلبي من صدا البرق يدعيك

[٠ @uunn95]

ماتركته في حدود الممكنه و المستحيله
كنت اداري خاطره لو خاطره مدري علامه

وكنت اوقّف له على ساق وقدم في كل ليله
لين اعدّلها عقب .. ماهيب ميله و استقامه

إن ثقل همه على مَتْنه فـ انا اول من يشيله
وان تمادى بالسهر ليله فـ انا آخر من ينامه

[٠ @uunn95]

أنا يا الِّلي تظن إني بدونك ما أحسن التدبير
هجرتك وأشتعل نُور الحياه و زانت أوضاعي

[٠ @uunn95]

اللهم اجعلها امطار رحمه يارب العالمين

[٠ @uunn95]

المجامل بعض الأحيان مايقضي لزوم
لابو النفس الضعيفه ولابو جدها

مير تجبرنا العوايد وتجبرنا السلوم
نكتم الأسرار يالين تاصل حدها

الردي لا طاح جعله يطيح ولا يقوم
باح سده والنشاما ما باح سدها

كل ماكبرت وضاقت على عيال الرخوم
نحتزم لأكبر مصيبه وناطا خدها

[٠ @uunn95]

اللهم إنا نسألك يسرًا ليس بعده عسر، وغنى ليس بعده فقر، وأمنًا ليس بعده خوف، وسعادةً ليس بعدها شقاء، اللهم لاتحوجنا لأحد ولا تجعلنا عبئًا على أحد واجعلنا أغنياء بك عمّن سواك ، اللهم يا واهب النعم والأرزاق افتح لنا ابواب رزقك ويسر لنا أمورنا."

[٠ @uunn95]

أَسْتَغْفِرُ اللَّهَ الْعَظِيمَ وَأَتُوبُ إِلَيْهِ

[٠ @uunn95]

عيد الله عليكم مبارك

[٠ @uunn95]

@nassermajhood ابشر بسعدك

[ناصر بن مجحود @nassermajhood]

الدعم بـ اشنابكم والجايزه بـ شنبي

صوتكم يفرق

في رفع بيرق #شاعر_القلطه

https://t.co/BGGq8L7fVv

[٠ @uunn95]

فنجالنا ماله مواعيد واوقات
فنجالنا والم على كل حزّه