يوسف

- وعن ذكر الله لا تغفلون .. لا إله إلا الله 🕊ء

[يوسف @v26ss]

تنادني وانا اسمعلك لكن للفراق اعزوم
وصميم القلب من عزم ترك حبك وبداني

فمان الله ياخر درب واول صدمة المقسوم
فمان الله ياكثر من جرح قلبي وعناني

على خط الفراق الموعود الليله امر محسوم
توفا مابقى من حبك الليله وخلاني

اجامل لوعة الفرقى غصب عني وانا ملزوم
بين الرضا والياس ادور ناتج احزاني

مثل ماقلت بانحبك سحابة صيف صعب اتدوم
تحقق ماتوقعتة لذا صح الله لساني

ثقيله خطوة الفرقا اذا كان الامل معدوم
لكنّ العزة تخفف على نفسي وترعاني

انا يوم انتحي عنك واصد بعزتي واشوم
ابكسر حاجز عنادك دامنك اتحداني

كبير أطيح من عينك .. ولا أصغر في عيوني يوم
أنا ماني على كيفك تدوّرني .. وتلقاني

عطيتك من رضى قلبي وصدّرته بدون رسوم
وقدّرتك على غيرك .. وعرفتك على احساني

هقيتك بالهوى ملفى , هقيتك ضحكة المهموم
خساره خيبة الهاقي .. غرامك وين وداني !

ادور بعدك المنفى واطيح بـ غيبتك واقوم
وادور راحتي دونك .. وابي منك تناساني

تبي تفقد ، تبي تنسى ، تبي تشتاق ، صح النوم
انا مثل العمر لا رحت مابعد العمر ثاني "

[يوسف @v26ss]

عاجبك الصمت اللي بيني و بينك!!
طيب اشتقتلك بالصمت كيف تنقال؟

[يوسف @v26ss]

بين صدفه جابها العمر و وداعٍ بـ اختياري
ما عرف قلبي يطيع الواقع أو يرضي ضميره

كنت أظن إن مرّت الأيام بـ يْجف انتظاري
ما هقيت إن الأمل يستمطر اليا جف بيره

كيف صارت وحشة الغربه تغنّي في دياري
"ذبلت أنوار الشوارع" وانطفت شبه الجزيره

[يوسف @v26ss]

"أنا الطريق الممتلي بالمحطات
لا تخدعك رحابتي .. وامتدادي

أعرف من الألوان لون البدايات
أخضر ويذبل ويتحول رمادي

وأجهل من التوديع كل العبارات
إلا فمان لله ، وطيب ، وعادي"

[يوسف @v26ss]

يا هبْوب الريح روفي على قلبٍ سكون
كل ممسى ليل ، يِسمَع صهيله ، ودبكه

هاجسي لا عاد تنشد عن اللي يبعدون
والطواري كل ليله تسبب : معركه

أتصدد عن وصالك وأصك التيلفون
وأتليهى عن طريقك واعوّد وأسلكه

والله ان طبعي اكابر لوّنك من تكون
وانت طبعك مثل طبعي يجيب التهلكه

[يوسف @v26ss]

@mbark_63 ابدعت ك عادتك ي صديقي 👏🏻

[مبارك حمود @mbark_63]

عزالله اني قنعت من الهوى واكتفيت
بس انت فيك الجمال اللي يثير الفضول

لو ماعطتني الليالي غايتي .. ما شكيت
يكفي عطتني الليالي في عيونك قبول

[يوسف @v26ss]

على كثر ما كنت قاسي يالوجه السموح
كل حاجه منك شينه أنا جملتها

حتى تلويحتك يومك توادعني وتروح
أنت ما لوحت لكن أنا تخيلتها

[يوسف @v26ss]

@mbark_63 بحلف لك حتى لو انك ما حلفتيني
الحياه ف بعدك تخوف ورب الكعبه

الله الله يصديقي ابداعع

[مبارك حمود @mbark_63]

اتماسك بالصبر ويضيع من يدّيني
كني حاكم وخذت بلاده وضاعوا شعبه

بحلف لك حتى لو انك ما حلفتيني
الحياه ف بعدك تخوف ورب الكعبه

[يوسف @v26ss]

مر في بالي شريطٍ فيه من عمري مواري
يشبه أحلام السنين وعثرة اليأس الأخيرة

بين صدفة جابها العمر ووداع بأختياري
ما عرف قلبي يطيع الواقع أو يرضي ضميره

كنت أظن ان مرت الأيام بيجف أنتظاري
ما هقيت ان الأمل يستمطر ليا جف بيره

[يوسف @v26ss]

يطري عليه الوله وأطري على باله
يا مرحبا لاضوى خلي على بابي

هجيت حدب الضلوع ونوخ جماله
لاجله بكت دمعتي ولأجله ضحك نابي

وكل ما تبسم لمحت النور في آماله
والى تجهم سترت السقم بثيابي

وكل ما شكى من عنا همه وغرباله
أقول لعل به جرح من أسبابي

طال الحكي ما لقيت الوصل بوصاله
لاني حبيبه ولا هو أقرب اصحابي

ناديت يومك حزين وحالتك حاله
اصبر لهمك وأنا بصبر على مابي

لو الشجر له نصيب في بارد ظلاله
ما حرق القيظ جفني وأنت فأهدابي

[يوسف @v26ss]

صوت الهوى في المكان الصامت : أونَس خليل
ما يذبح الليل هذا غير : صمت العباد

علَّم هدوء المكان أن حسِّه أغلى نزيِل
من طافيات الشموع، لْموضيات السهاد

من الكتب، للرفوف الساكنة، للقليل :
من ذكريات السنين، الماضيات، الجداد

ما عاد باقي صباح، ويحتريه النحيل
ولا تبقَّى سراب، ويهتويه الطراد !

أن مالت النفس، وغصون السواقي تميل
وش يمنع اللي عيونه مولفات السواد

اللي تذرِّي يديَه مْن الهبايب : فتيل
باكر يذرَّي يديَه مْن الهوى لا أستزاد

كل الليالي الجميلة قابلة للرحيل
الأنفُس المظلمة؛ رهينة الأعتياد !

أنا أكثر اللي تشبَّث في مسيلٍ يسيل
وأنا أكثر اللي تعشَّم بالدفى من رماد

وأنا أكثر اللي يغمض في رجى حلم ليل
من يوم بانت سعاد .. إلين غابت سعاد

[يوسف @v26ss]

يا غاية اللي يحنّك من نسيم الهبوب
مرتني طيوفك البارح وضميتها

ما باقي إلا الدموع اللي تغسل الذنوب
وكلمه على طارف لساني .. وخليتها

لو كان ستر المدامع مثل ستر العيوب
ما كان لاجات دمعة عين هليتها

هقيت في كل شي إلا وداع القلوب
ما كنت هاقي تسويها .. وسويتها

[يوسف @v26ss]

مافيه إجابه شافيّه من بعد ليه ؟
يقوله اللي كل ما استاجع جحد

فيه اسئله تحتاج للعذر الوجيه
وفي اسئله تحتاج للواحد الاحد

ما عاد ابي واجد من اللي كنت ابيه
كفّنت رغباتي واهلها في اللـحد

حتى اللي الايام 'بتوقف عليه
أثبت لي انها ماتوقف لاجل احد

[يوسف @v26ss]

@mbark_63 انا ادفع ثمن هذي العلاقات لجل أعيش
تماديت في صمتي و صار الألم عاده

الله الله يصديقي صح لسانك

[مبارك حمود @mbark_63]

جناح الغلا يكفخ من الشوق مابه ريش
سحاب الوصل يغريه .. برقه و رعّاده

حديث النديم احيان يجتاحه التشويش
حروفه تقوم .. و تنكسر داخل امهاده

برغم التعب جيتك و انا سيّد التطنيش
كأني < غريبٍ > خطوته .. ترثي ابلاده

يا ريم الفلا مدري علامي ولا ادري ليش
اصادم ( هوى نفسي ) قبل يبلغ مراده

انا ادفع ثمن هذي العلاقات لجل أعيش
تماديت في صمتي و صار الألم عاده

على كثر ما دست الخفوق ف ليال الطيش
تعلّقت فيك .. و شفتك لْـ جرحي ضماده

عطيتك حكم قلبً مهو يعشقك بشويش
يحبّك .. محبّة شايبٍ لاوّل احفاده

انا اول عشانك كنت اصارع كتايب جيش
و هالحين .. اقاوم ظلمة الليل و سهاده

عقب جرحك التالي لو افارقك حتيش
انا قبلك مْفارِق طموح اغلب السّاده

مثل منت فارِق في خفوقي ولّا لك قيش
بتبقى بـ عيني فارِق و ( فارَق اشداده )

مضى ما مضى و الحر ما يقبل التهميش
مهو مثل ابن زيدون .. بـ فراق ولّاده

إذا ( ودّع الصَبرَ مُحِبٍ ) معاك يْعيش
يموت الكلام .. اللي بدى يوم ميلاده

[يوسف @v26ss]

يالي هجرت القلب.. والقلب دارك
مسامحك قدام ياكلني الدود

حتى لو إني ماقبلت إعتذارك
يكفي قبلتك حُب ، وإمان ،وعهود

ويوم إني إراكي يميني يسارك
عرفت بأن الحزن له يوم موعود….

ويوم آحتقن دمك وخالط سمارك
صارت الطموح آسود من عيونك السود

ياثقل دمعاتك وكـبر إنكسارك
لا تقولي غلطان ودموعك شهود

كرهتني ؟ ولا مسلم قرارك
مدري ! لكني على الضيم محدود

احس في صدري سيوف ومعارك
مع كل جرح يطيحلي عرق مدود

ماعاد باقي وقت لجل نتدارك
اذا بدر تقصير ماهوب مقصود

مابيني وبينك حدود وجمارك
اذا بغيت تعود مزلت موجود

[يوسف @v26ss]

إيه أعرفك وأعرف إني من غلاك أجهلك
مرات أضمك وأخاف إني مشبّه عليك

مرات أشوفك بنفس الوقت وأتخيّلك
و أنشد كفوفي عن آخر سالفة من يديك

أعنّ لك لو تصب الموت و أتهيّلك
وأجوع لك وأتمنى خنجرك وأشتهيك

ماقلتلك عمر سيف العشق ما يقتلك ؟
ماتشوفني حيّ قدامك وانا أموت فيك

[يوسف @v26ss]

مثل النسيم الساكن اللي مر له غصن وتحرك
ذكراك مرتني بصمت وجا على بالي كلام

مشتاق لك ولا هدا بالي ولا حالي يسرك
طمني انت اشتقت لي ؟ نسيتني ؟ تسهر تنام ؟

يمر لي طاري ؟ واذا في البال لي طاري يمرك
تبكي علي ؟ او تبتسم ؟ او مر طاري والسلام ؟

افا عليك ان ما ابتسمت وراحت الذكرى تجرك لايامنا واسرارنا واول لقا واعذب غرام

يا كنت احبك حب لا والله اذا كان يسرك
اشعر بنفس الحب الين اليوم ونفس الاهتمام

هذي هي احوالي واذا بتكدرك ولا تضرك
انا بخير وطيب وحالي على احسن ما يرام

[يوسف @v26ss]

يـابعد من كدّر غيابي مزاجه
ويـابعد من مرّت حروفه شفاهي

رغـم حيرة قلبك ورغم إنزعـاجه
الزمن .. ماغيّر احساسك تجـاهي

ورغم وحشة بعدك وقسوة سياجه
كل حـاجه فيك ظلّت مثل ماهي