أ

رقيق إحسّاس لكني حذر

[أ @v2izi]

الايام .. من يوم اختفت طلة محيّاه
خليّة من أعياد السنة مثل ذالقعده

عساه يتذكرني مثل ما عجزت انساه
على البال حتى والمسـافات مبتعده

ما جيت آتوسـل له يعـوّد ولا آترجّاه
لو أشتاق له مانيب ميت من الرعده

" تجرعت فقد ابوي قبله .. وانا والله
ماكنت أتخيل شكل الايام من بعده "

[أ @v2izi]

جرحته كثير . . بدون تفكير ومبالاه
وكان الحنون اللي يجيني على وعده

تعودت مهما يا صل خلافنا لـ اقصاه
مصير البعيد الشو�� يقصر مدا بعده

أنا ما دريت إن هذي آخر فمان الله
احسبه مجرد وقت ويحنّ لي رعده

لو أدري . . ما خليته كذا غير انا وياه
تمسكت فيه وقلت ما عاد لي قعده

[أ @v2izi]

« أحبك اربع طعش عامٍ ولا اكفاني »

[أ @v2izi]

لا تغرّك ضحكة اللي يضحك من أسهل طريقه
الحزين اليا لقى " الضحكة " تجوّد في طرفها ):

[أ @v2izi]

لا تهاوَن في جفاي .. ولا تهاون في وصالي
الهوى مثل العزيز اللي ما يرضى بـ الآهانه
- تركي بن جويعد

[أ @v2izi]

مع إن كل فرض لا أذن المذن أصلِّيه
معي ضيقة اللي ما يصليه في وقته

من أول أضحّك واحدٍ عند قبر اخيه
وذا الحين لا واجهني الطرب ضايقته

لاشفت الجماد اسمع وش يقول وأحاكيه
والإنسان . . ما أفهم وش كلامه لا ناطقته

" أعيش الحزن مع كل من يفتقد غاليه
لو أشوف غصن جفّ ساقيـه عانقته " :)

[أ @v2izi]

جعل يسقى يوم كان الوقت ينساب بسهوله
⠀ ودقّة الساعة تمر أسماعنا .. ولا نبالي

[أ @v2izi]

من كثر ماهوب عن زود الزلل متغابي
حسبة الفرقا ما كانت يوم في حسبانه

رغم مفهومي لـ الأرض وديرتي وترابي
الوطن يمكن يكون إنسان ولا إنسانـه

في محطات القطار آخر فصول كتـابي
ماحسبت حساب عمري لين فات اوانه

وينه ؟ اللي كل ما ضاقت علي . . رحابي
أترك الدنيا وأهلها .. وارتمي فأحضانه :)

[أ @v2izi]

الشعور الليله اكبر من مدا استيعابي
معتقل في ظِل سقفه وأربعة جدرانه

كل ما فيني من التقصير غيـر ثيابي
يشتكي لي من كثر خوفه وقل أمانه

أدعي إنّ اللّٰه يهيّـي للرشاد أسبابي
ما يذرني للهوى ولوسوسة شيطانه

لا نويت احثّ في درب الرحيل ركابي
" ردّني صوتٍ .. لا زالت نبرته رنانه "

[أ @v2izi]

جرحك الأخير ينعَم في كنف ترحابي
ما تقول الا آخر العنقود بين أخوانـه

صرت أدوّر في جروحك مايثير إعجابي
الخطا في عيني أهون من فراغ الخانـه

يوم حبّيتك شعَرت إن الجميع أحبـابي
كنت اشوف بعين قلبي واعترف بلسانه

لم يكن بامكان قلب الشاعر المتصابي
" إنه يحاول يكون اكثر .. من اللي كانه "

[أ @v2izi]

يالنسيم اللي تمر دياره . . "وترتاده"
بلّغه شرهة خفوقي والسلام الواجد

[أ @v2izi]

« تلاحق اللي تبقّى من الغلا بين أيديك »

[أ @v2izi]

أبتسم لي ضاقت بـ وجهي جميع اربع جهاتي
واقترب لي . . لا شعرت إني فـ هالدنيا وحيده

" مالي إلّا وجهك اللي به زهابي . . وامنياتي "
وصوتك اللي لا سمعته صارت سنيني سعيده

عادك اوّل من عرفت و عادك أحلى ذكرياتي
يا هواي اللي لو يعود العمر بـ ارجع اعيـده ):

[أ @v2izi]

كني وانا ادوّر الضحكة مع الدالهين
مضيّـع لي ذهيب ن ما عليها وسم

والله ما اغرب من الضحكة بوجه الحزين
إلا دموع ال��نين اللي على المبتسم

واللي يهوّن على قلبي عذاب الحنين
اني تفانيت في قربك ولا الله قسم :)

[أ @v2izi]

على تبسّامة الذكرى ودمع الحنـين
ذكرتك وطاحت الدمعة وانا مبتسم

يا ما تذكّرت ضحكاتك وقلبي حزين
ويا ما تمنيت قربك بس مالله قسم

ما بين مشتاق لك واخاف لا ترجعين
انا ما بين الشعور المنقسم منقـسم

مع ان تنفسي ما فيه نقص اكسجين
وراي لا من تذكّرتك . . يضيق النسم؟

[أ @v2izi]

يا ماخذه من بياض الصبح طلّة جبين
ومن المهار الاصيـلة عنفوان وجسـم

متمـيّـزٍ عودك الراوي ما بين وما بين
أشيا كثيرة دسم . . واشيا قليلة دسم

يكفي انك من الحلا سوالفك نبع عين
ومن الفخامة تكفيـني فخامة الإسـم

أمرْ الفراق انحسم من شهر واربع سنين
لكن حنين القلوب . . اللي يبي له حسم

[أ @v2izi]

كنت اقول الشام شامي والعراق عراقي
ماهقيت إنه يجي يوم وتميـل الكفه

ايه يا اول من بنى بيته . . على خفاقي
ما انت باللي مر في عمري واخذ له لفه

انت حلمٍ لو كسرته كني اكسـر ساقي
مثل حلم القدس في رام الله وفي الضفه

"انهزمت من الفراق .. وحزن قلبي راقي
والشجاع إن حب توخذ بندقه من كفّه"

[أ @v2izi]

أنا من قوة الموقف كلا حزني الصدر بسكات
ومن أهوال الواقعه تبكي عيوني وتنفّض يديني

أنا جربت الألم اللي ما جربوه ربعنا الأموات
جرعت الفقد ك��س على أفراحي يشقيني

بغيت أكرم جسدك الطاهر يوم أعلنوا أنه مات
ودفنته وودعت جنبه أجمل أيامي وسنيني :(

[أ @v2izi]

على هاجس الذكرى وقفت أ��اظر اللي فات
لقيت الليالي جايبه طيفه . . تبغى تبكيني

أنا داري مالي القدر على عودة الأموات
وأنا داري لو هو بيدينك يا فقيدي ما تخليني

خذيت الحفنه الأولى وفي وسط الصدر عبرات
ورميت الحفنه الثالثه وبان الدمع في عيني