v

يا مسيّر على بالي سيّر علي

[v @v4iliu]

قال سامحني على ماصار قلت مسامح
أنت مثل السيل يحي الارض لو يجرحها

كان حنا مالقينا للخطايا دامح
والله انا مانعيّن فرحةٍ نفرحها

[v @v4iliu]

إي والله اني أحبك حب يلوي الذراع
صفحات عشرتك لو أموت ما تنطوى

أشوف بعيوني الضيقه ودمع الوداع
أهب يا حزني اللي في عيوني ضوى

حاولت أكابر على هجرك وأمد الشراع
وأشتت هموم قلبي بس تأتي سوى

شجاع لكني بـ فرقاك ماني شجاع
أخاف لا أفقدك وأفقد من حياتي الهوى

[v @v4iliu]

وإذا حبّك غدا همي يا جعلك هم ما ينزاح
أنا قلبي عصاني لك شلون أطيع لوّامي

تفاصيلك ألاحظها شلون بفطنة اللمّاح
وأنا اللي فاهي وعيه يعيش بقلب متعامي

من المشية تصدق صرت أعرفك ضايق أو مرتاح
من النظرة من الكلمة من الخطوات قدامي

[v @v4iliu]

متى على الله تجيني يا غرامي واجيك
الشوق ماله عن القلب المعنى غزل

كانك تبي تغيب علمني وانا بحتريك
قلبي ليا حب دايم ف المحبه جزل

يحق لك يوم مالك وسط قلبي شريك
تسرح وتمرح ولا تحسب حساب وتزل

احاول اكتب قصيده عتاب وازعل عليك
واذكر عيونك واخليها قصايد غزل

[v @v4iliu]

لا تنشغل عني ابي انشغل فيك
وصلت معك آخر حدود القناعة

ولا لا تقول بيوم ساعة بخليك
خلك معي اربعة وعشرين ساعة

[v @v4iliu]

أحبك غير عن كل الغرام اللي يجي بالك
غرامٍ مامشى غيرك خطاه وصرت مكتوبه

وأشوفك غير عن كل الوجيه اللي تهيّا لك
وعن من حاول يشابه حلاك وماني بصوبه

[v @v4iliu]

سولف علي لا تترك الهرج محصور
داخل نطاق حدود "لغة التخاطر "

بيني وبينك دون زحمة وجمهور
انتي سحاب ونبرتك رش ماطر

يكفي وصلني منك احساس وشعور
خلي الشعر كله عذاب ومخاطر

وصح اللّٰه لسانك لو البيت مكسور
ما ودي الحق فوقها كسر خاطر

[v @v4iliu]

من ليلة البارحه ماني بـ على طبعي
مشاعري سيئة جدًا ومضطربة

شعرت في غربة إحساسي وفي وضعي
وأنا أكثر إنسان يستاحش من الغربة

من عادتي كل ما أشعر به ومن شرعي
أغني لين أفضفض كل ما أشعر به

رفيقكم الله الله فيه يا ربعي
لا ضاع له ضيعةٍ ردّوه عن دربه

[v @v4iliu]

احس باحساس مْتقلّب لا سعيد ولا حزين
واعيش وظروف الحياة معلّيه ومدلّيه

تمرني لحظات آردد تالي الدنيا تزين
وتمرّني لحظات اقول ان الامور مولّيه

[v @v4iliu]

عسى لي أثر طيب ومواقف وذكرى خير
ونفسٍ تنول اللي أتمناه ياربي

ولا تبتليني بالسعي في نصيب الغير
ولا تضيّع سنيني وأنا أدوّر لطبي

وهب لي بصيره ما توّردني التقصير
تميّز قلوب الناس في حبي وكرهي

ونورني وأشوف الحقيقة مثل ما تصير
أنا أشوف الأشياء مثل ما يشتهي قلبي

[v @v4iliu]

الشمس ماعاد تذكر حبنا زين
من بعد ماكان يبدا فيك يومي

كان الصباح أفضل الأوقات والحين
خربت طبعك وأنا خربت نومي

[v @v4iliu]

سلامات وطهور وعافيه وأجر وعسى ماباس
تماثلك الشفا والشر عنك يروح ويولّي

صحيح ان المرض مايستحي وانه عديم إحساس
ما عيّن بالاودام من يجيه الا انت ياخلي ؟

[v @v4iliu]

أحبّك كثر ما قالوا هَنيك يا خلي البال
وأحبّك كثر ما أخفيتك عن رُبوعي وعذالي

حفظتك سِر ما يظهر على العالم ولا ينقال
زرعتك بين تنهيد الضلوع وبين غربالي

لك الله مال غيرك فالحَنايا والضمير ظلال
أقرب من قريب الخلق وأقرب لي من ظلالي

[v @v4iliu]

البارحه والقلب وسوسله إبليس
وبغى يطيعه مار ربي هداني

جاني ووسوس لي وزود الهواجيس
والهم من كل النواحي غزاني

والي بغيت أرقد حدني كوبيس
والنوم مكحل عيوني ثواني

أونس بجوف الصدر مثل الدبابيس
متغلغله جوف الضلوع المحاني

استغفر الله من كثر الوساويس
ويالله تعافيني من الي بلاني

[v @v4iliu]

روّح فـ أمان الله من غير تبرير
عيت عليك أقدارك المستحيله

أوعدك حفظ السر حتى عن البير
وإن زلّت الدمعه؟ بحقك قليله

راحت بك ظروفك ولا رحت للغير
وأنا أملك الغايه ولا أملك وسيله

مافي يدي غير إني أدعيلك بالخير
مخلوق ماعندي بالأقدار حيله

[v @v4iliu]

خلاص يعني نويت تفارق أحبابك
خلاص ناوي ع الفرقى وتنساني ؟

[v @v4iliu]

أقسى من الدمع صوت تقتله ونه
والونه اللي تجي من شوق غلابه

الانسان من كثر ماتغليه وتحنه
تختار فرقاه وانت تضيع في غيابه

[v @v4iliu]

نادني وأجيك ياسمح المحيّا
ما أتعذر عن وصالك بإنشغالي

أقرب أقرب جعل هجرك مايحيّا
لا متى ووصالك أبعد من خيالي

كيف أبيعك وأنت في رمشتك فيّا
ظلها لا رْمشت أطول من ظلالي

ضمني ما دام ما فيها كنيّا
ضمّني بين العرب ولا لحالي

وسوّ كل اللي تبيه وما تهيّا
كل حاجه بس لاتقطع وصالي

[v @v4iliu]

جابك الله تمطر الدنيا وتزهرها رَحابه
يوم أظلّك من طرف قلبي وقلبي راس مالي

أنت مثل الدعوة اللي صادفت وقت استجابه
وأنت مثل الليلة اللي ما تعوّضها الليالي

[v @v4iliu]

على اطراف الديار اللي بأهلها ما جمعني عرق
عليها الشوق يثني خاطري والريح تامر بي

عسى دارٍ تضمك يا حبيبي للمطَر و البرق
ثلاث أربع ليالي لين يثّر بك ويثر بي