ّ

خشية مطوّع وقلب مهبُول .

[ّ @v5o5__]

ياكثر ما سمتني العالم ولا سبيتها
يجوزْ لي ارد لكن المسبه ما تجوزْ

لساني وكفي على حلى العطافريتها
لذا ليا منه اعترضني واحد فاير قزوز

جنبت عنه وعن هل الحلة ماكني جيتها
من حقك تدور الهويتك طريقه ليزوز

[ّ @v5o5__]

الشتاء ليله طويل و خاطري ماهوب سالي
وين بلقى راحتي .. لو كان بـ المال أشتريها

ما تعرف الضيقه الصدر الجنوبي و الشمالي
من تمره ؟.. مستحيل تروح : لين يروح فيها

كل يوم من الغياب !.. و كل ليل من الليالي
أفتح صورّك .. و أقبلها و أقول " الله عليها "

[ّ @v5o5__]

@ro3_4 عليك (:

[ّ @v5o5__]

يا صاحبي جاني على هرجتك ضموه
والهرجه اللي غير هرجتك ما اطعمها

هروجك عطتني عن هروج العرب حموه
تسولف علي الناس غيرك ولا افهمها

[ّ @v5o5__]

مع غيرك من الناس قاسي وهرجي ج��ف
و معك شايفٍ لبّيه لدعاك سبّاقه

مضارب عيونك في فؤادي مضارب شَلف
بزينك تراي مودعٍ حبك أعماقه

ولا لي دوى عقب العنا و الزمان الصلف
سوى حبةٍ من مبسمٍ ما حدٍ ذاقه .

[ّ @v5o5__]

يا ليل لا تجزع و لا اجزع خلّ مسرانا صريح
ما دام انا ويّاك فـ الطرقه و فـ الضيقه سوا

سريت اجيب أحلامي الغرّا من العمر المليح
ياما تحايلني وانا اغض البصر طيش و غوى

باوسم عصا الأحلام واطلقها مع الكون الفسيح
في وجهي و فـ وجيه جدّاني .. ما يكسرها الهوا

[ّ @v5o5__]

كم حاجهٍ كنت أشوفها انها ضروريه
من شأنها عايش في حرب ومجاهد

وعقب التعب والسهر والعزم والنيه
اليوم مرت قدام عيني وانا شاهد

ما ضاق صِدري لو انها ذات اهميه
كرامه النفس تسوى منَه الجاحد

ظروف الأيام ما مرت بعاديه
خلتني اكبر بسنه في يومها الواحد

[ّ @v5o5__]

ضاع عمره في إماطة.. هموم الآخرين
وأبسط همومه على الدرب محداً شلها .

[ّ @v5o5__]

أنت ملجأ للسكينة عقب ربٍ رحوم
من يلوذ براحة يديك يبطي مسفهّل .

[ّ @v5o5__]

يا كم مره ناديت بأسمك بدون إدراك
وانا داري انه بيبطي الرد ما جاني ):

[ّ @v5o5__]

اثر في بعض العبارات شي من الرصاص
توي ادري بـ ان الانسان يرمي من فمه

[ّ @v5o5__]

من اللي يقول العين ماتكشف المستور
كلام العيون اصدق من الموت في حيّنه

صحيح الصدور قبور بس العيون تبور
خصوصاً ليا سن الجفا راس سكينه

هذا اكبر دليل اللي تغافل و عاش الدور
بغا ينكر الموضوع و استسلمت عينه .

[ّ @v5o5__]

الحياء فالمجتمع ، كنّه توارى
طاح بنيانٍ سوات الضلع / شاهق

يأخذ المترف ، حركات العذارى
ويأخذ الشايب / حركات المراهق

وش تركتوا ، لليهود وللنصارى :
والحميّر / اللي من النعمه ….. )؛

[ّ @v5o5__]

معه نفس لا عافت تفارق معاد تشين
فلا تختبر صبره . . معك طالبك طلبه

يحبك / لكن ما ودّه إنّك تعرفه زين
و لا وده . . تشوف الموازين منقلبه

ليا صد ماعاده مع الذكريات يلين
لو إن " الهوى غلاب " ماتقدر تغلبه

ولو حن له قلبه و رفت عليك العين
يده سكرت عينه ورجله وطت قلبه !

[ّ @v5o5__]

فمان الله واسحب سالف إعجابي
ابرحل عن مداهيلك واخليها

لانك صرت سلبي ما انت بايجابي
تنقّض لي جروحٍ ما تداويها .

[ّ @v5o5__]

مشتاق لك وانا متمادي بتقصيرك
ياللي غيابك متعبٍ فكري وحالي

من كثر شوقي لك .. لعنبوا غيرك
لا رن جوال غيري شفت جوالي :)

[ّ @v5o5__]

القلوب مجنده والليل أمير مفدّى
تحت بشته ترقد من الذكريات أغلاها

كل مااا جينا نمد كفوفناا ما ندّا
شاح حتى بـ كيف الحال مابداها

الغلا اللي كنت أخاف إنه يعدّي عدّا
أسرع من الليله اللي مستحيل أنساها

كل ما حبيت لي هامش يصير مبدّا
فالعيون اللي تراب الأرض ما يملاها

[ّ @v5o5__]

ماذبحنا الا الحيا والثقل طول السنين
لين راحت كل الاحلام مرواح القطاه

ياوجودي ليت قلبي مثل عقلي رزين
اعذروا قلبٍ من الوقت جاه اللي كفاه

فيه من شر المخاليق سحر وحسد عين
وفيه من شيمة النفس مايجبر عزاه

المهم اني لـ هالحين يجذبني حنين
لـ السنين الاوله يوم لـ الدنيا طراه

[ّ @v5o5__]

يا كلمة الحق ما لـ الصدق بعدك طراه
الناس صارو على هضم الحقوق اخشرا

حتى الرفيق اللي من اول نطوف خطاه
قد هو يرد الخطا قبل يرد الب��ا

و انا لا شرفت فوق اللي يذرّي حجاه
مانيب ادور عن انسام الهبايب ذرا

لا طاح عزم الضعيف و شان وجه الحياه
مثلي و شرواي ما يرضى يعوّد ورا

[ّ @v5o5__]

مروعنيَ الوقت لو ياخذ طموحاتي
وتروعنيَ الناس في صدمة مباديها

بارد ولا شئ . . يلفت أنتباهاتي
تمرني أشياء ماتمشي وأمشيها

مسكر أذني . . ومقلل علاقاتي
تتساقط الناس من عيني وأخليها