.

يُقاس العقل بالنقاش ، وتقاس المحبة بالمواقف .

[. @v_5le]

اتعبتني معك .. لاتنزل ولا ترقا
اصدق اللي اسمعه ولا الي اشوفه

كلامك يطمن الخايف من فرقا
وأفعالك ترجع الخايف على خوفه.

[. @v_5le]

أحزن على فرقاك حزن الوراعين
لامروا الدكان واسرع ابوهم

[. @v_5le]

الصبر في ساعة الشدّه سلاح الصبور
لو إن الايام . . بـ الشِدّات مَـد و جـزر

يا جـعل نياتنا و حظُـوظِنـا مَـا تـبـور
لاضاع صبر الحليم وشاب راس البزر

[. @v_5le]

الوقت لو ياخذ وصالك وقربك لي
صورتك يبطي عظم ماهو بـ ماخذها .

[. @v_5le]

اليوم في صدري ثلاثين وسواس
لا من قضى وسواس جاني رفيقه
ٰ
الحظ ، والدنيا ، والأيام ، والناس
من وين ما وجـهـت يا ناس ضيقه .

[. @v_5le]

ضايق وأحس الضيقه أكبر من بكاي
والضيق يستاهل.. وعيني كريمه

ويا ليتها من ضيقة الخاطر وجاي
حتى هوا الليل . . . خنقني نسيمه

[. @v_5le]

ي صاحبي ماني من الهم مرتاح
والقلب من بعض المواضيع مجروح

ضايق ولو أني مع المخاليق مزاح
ما ودي أبدي ضيقة الصدر وابوح

[. @v_5le]

ابعدت عن دربٍ يوديني البيت
و اخذت لي وقتٍ و انا ادوج برّا

ماهو تهمّل مير حاولت و ازريت
نفسي من المجلاس قامت تبرّا

من ضيقةٍ يابدر لاصبحت وامسيت
قامت على حدب الضلوع اتجرّا

[. @v_5le]

مابتسمت الا على شان المصّور
والمصّور بسمتي ياخذ ثمنها :)

[. @v_5le]

من شافني ضاحك بكل التواقيت
يقول ما عنده من الهم ذره

ما يدري أنه في صلاتي لا صليت
اسجد سجود السهو عشرين مره

[. @v_5le]

أشوف السّفر ما بين فتره وفتره زين
أنا بحاجة غياب أتفحّص به أشواقي

تراودني الضّيقه لها حروة اسبوعين
وتاثيرها واضح عليّ و على أخلاقي

أحس بتعب وارهاق نفسي وخاطر شين
وسجّه ونوم أمحق ومدري وش الباقي

ولا يجبر خاطري سوى كسرة الروتين
حسب خبرتي في معرفة حالة إرهاقي

[. @v_5le]

كل ما اقبل ظلام الليل قمت اتهرب
ودي اغيب لين الفجر يبدي شعاعه

من سبايب هموم فالضامير تسرب
نومتي بـ الكثير ان طولت ربع ساعه

الطواري تغرب واحد ما تغرب
وفي عيونه يضيق الكون بعد اتساعه

و الربع و الجماعه و الرفيق المقرب
صرت ماجيهم الا في صلااة الجماعه

[. @v_5le]

فيني الهدوء اللي سكن فيه الأزعاج
نرفز حدود الصـبر واجتاح حـدي

سجين فكر وغفوة عيوني ازعاج
واللي بودي ماهو بكيـف ودي

أنام وابني في سماء أحلامي أبراج
واصحى وتصحى عيون الأيام ضدي

محتاج اعيش العمر ماني بمحتاج
ولو باح سـد الناس ماباح سدي

[. @v_5le]

شعوري وانا بأحلامي أصارع الأقدار
شعور الشجاع اللي معادينه أشجع منه

[. @v_5le]

من الضحى وانا عن المجتمع صاد
اخفي طعوون الصدمه اللي تموّت

عفت العرب والدار والنوم والزاد
وقنعت وخياام الهقااوي تطوّت

الفرصه اللي خيرً من الف ميعاد
فااتت وهي مفروض ما تنتفوّت

وامسيت اردد كل مااوحيت نشاد
الله على الاياااااام وشلون سوّت

[. @v_5le]

مضغوط نفسياً ومرهق من العام
اكافح اخلاقي و اجاهد مزاجي

لا قلت هانت و المسرات قدام
خيّم على عيني ما يعقد حجاجي

[. @v_5le]

حزن الانفس لا دنى الليل بالضيقه دنا
اه من ما في ضميري و بسم الله علي

[. @v_5le]

من كثر ما تضغط الدنيا علي و اقول عادي
صرت اواجه وقتي الغلّاب و اصافح يمينه

[. @v_5le]

عمر الورد م قال محتاج للماء
اما تسقيه ولا يموت بكرامه

[. @v_5le]

كان لي حبايب وفارقوني
متخيلتش يوم يسيبوني