عوق الهوى 🤍.

كتاباتي بالمفضله♥️"

[عوق الهوى 🤍. @v_7mdan]

ماذقت طعم المفارق لعنبو جده
ايلين شفت الجفى من واحدّ غالي .

#عوق_الهوى

[عوق الهوى 🤍. @v_7mdan]

شلو حبيبي من البارح وقفو به
والمشكله طلعوه امن السعوديه

ياسعد منهو تمسك في طرف ثوبه
ويعايده يوم عيد الفطر وضحييه

يا عرب عاونو قلبي وروفو به
تراه يسهى عقب فرقا اليهوديه .

#عوق_الهوى

[عوق الهوى 🤍. @v_7mdan]

تنبهر من عقل جاهل رغم سنه
وتنصدم من شايبّ فالعمر غادي .

#عوق_الهوى

[عوق الهوى 🤍. @v_7mdan]

لا صاح جاته زاهيات الجنايب
اتقول عسكر جاهم امرّ مدوي

ماهيب مشريه بسوق الجلايب
ولاهيب من شيخّ عقاله امزوي

سعرها روس الشيوخ المصايب
كم عقيدن طاح راسه امهووي

كسّبنا يوم العرب نهب ونهايب
والسيف من دم العدو امتروي .
#عوق_الهوى

[عوق الهوى 🤍. @v_7mdan]

اليوم من درب المحبين تايب
انشا مع درب المطاعات نوّي

الـحب عرضته نسيم الهبايب
وجفًيتنا ادلالي وطفيت ضوّي

وكتبته بَوسط المعاليق غايب
وحبل حبه من ضميري يطوّي

وعفت كل معثكلات الذوايب
مانيب لااقي فالغنادير جووي

جوي مع ذودن على يد شايب
كنها جنوده لاَ ومرها تسووي

[عوق الهوى 🤍. @v_7mdan]

﴿ رَبِّ اغْفِرْ لِي وَلِوَالِدَيَّ ﴾

[عوق الهوى 🤍. @v_7mdan]

ماذقت طعم المفارق لعنبو جده
ايلين شفت الجفى من واحدّ غالي

جاك الخبر يامودي العلم له وده
توقيعي( محمد )وشارح له احوالي .

#عوق_الهوى

[عوق الهوى 🤍. @v_7mdan]

يا صاحبي والله انها طالت المده
و انا انتظـر كل يوم يدق جوالي

ماتتصل في حبيبّ حب من جده !
احذر تخيب الهقاوي فيك من تالي

يسري علي دايما طيفك ولا اهده
وأسري مع الليل كله ضايقُ بالي

[عوق الهوى 🤍. @v_7mdan]

عطني أمل في قربك ثاني العيد
أن كان مالي بّاول العييد خانة .

[عوق الهوى 🤍. @v_7mdan]

مسحور ؟ لا والله مانيب مسحور
مير الهوى في داخل القلب مليان

ما بحت سدي للعرب مير مجبور
قدني على شوف المحبين شفقان

يا كم عاشق من هوى الغيد مقبّور
واصبح شهيد الحب لعيوون خلان .

#عوق_الهوى

[عوق الهوى 🤍. @v_7mdan]

جرحه بصدري ما يعالجه دكتور
والقلب من فرقا المواليف تعبان

فرقا الولايف ياحمد شي مشهور
مجنون ليلى قبلنا وابن عدوان

لاغاب عني يصبح القلب مكسور
واذا لمحته يصبح القلب طربان

ومنهو نشدني ياحمد قلت مسرور
وانا تغيب وتطلع الشمس سهران

[عوق الهوى 🤍. @v_7mdan]

ولاهيب من قل الدراهم والعزايم
أحمد الله ما بعد ذقنا حرّيمه

المشكله دعواي ؟ ما فيها غرايم
ما غير قلبي هزته ذكرىّ قديمه

اشهد ان العشق سسوا بي جرايم
كني اضحيه وسط مسرح جريمه .

#عوق_الهوى

[عوق الهوى 🤍. @v_7mdan]

يا سالم البارح هواجيسي ردايم
حلت وسوت على الضيقه عزيمه

خابر انك عجل بـ الفزعات دايم
اصوك(ن راسك ياجعل الله يديمه

مير مشكلتي ماهيِ وقعت صتايم
وفا اللقى كلن يبي مسكت غريمه

ولاهيب من ضعفّ واخّذ حقي ظلايم
ولا هيب من قووه واذببها خريمه

[عوق الهوى 🤍. @v_7mdan]

ولازعل؟ ماأهتني في شربّ وزادي
حتى يصير الرضا ضحكة شفاياه

ولاصد؟ جمره غدا بالقلب وقادي
خطر(ن على القلب لاتقطع خلاياه

أشهد أن .. الهوى موتي وميلادي
لكن هذا الهوى ، واصغر عطاياه .

#عوق_الهوى

[عوق الهوى 🤍. @v_7mdan]

صاحبي والله انه غاية مرادي
مطلب الروح جعل العمر يفداه

فارق(ن كنه اللي بالسما بادي
لاصار بدر(ن ومكتمله مزاياه

محتل قلبي وصاير مهجة افوادي
ويرتاح بالي على نغمة حكاياه

لاابتسم؟ صار يومي ثالث اعيادي
تستانس الروح لاا شافت ثناياه

[عوق الهوى 🤍. @v_7mdan]

خاطري سامح من الحب ودروبه
لاا صار دربه فيه غيبات واحزاني

الله يسامح خلي ويغفر اذنوبه
أن كانه اللي فالمحبه تبلااني

اشهد ان الحب ياناس عذروبه
فرقا وليفن من سبايبه وجعاني

واشّهد ان البعد للعاشق اعقوبه
لحدن يشره على الموت لااجاني .

#عوق_الهوى

[عوق الهوى 🤍. @v_7mdan]

اشهد ان الحب ياناس عذروبه
فرقا وليفن من سبايبه وجعاني

واشّهد ان البعد للعاشق اعقوبه
لحدن يشره على الموت لااجاني .

#عوق_الهوى

[عوق الهوى 🤍. @v_7mdan]

الاياوجودي وجد من ضاق به ثوبه
وطر جيبه من صواديف الازماني

كاتم(ن همه وقصده ومطلوبه
وهمومه اليا غاب واحد طلع ثاني

سبايب الي قلتْ من بعدّهم توبه
تايب من الحب من عقب ما اغراني

كن في صدري سنا نار مشبوبه
ما عرفها كود من جاه ما جاني

[عوق الهوى 🤍. @v_7mdan]

خاطري سامح من الحب ودروبه
لاا صار دربه فيه غيبات واحزاني

الله يسامح خلي ويغفر اذنوبه
أن كانه اللي فالمحبه تبلااني

مالك(ن قلبي بطبعه وباسلوبه
والجمال اللي من الله ورباني

[عوق الهوى 🤍. @v_7mdan]

أنا وليفي ياعرب جاب لي الضيم
بين الولايف خلي عليه الدايره

جيته نهار .. وقال تكفى صايمين
وجيته لييل وقال بآلعب طايره .