لولاك يا بعض المخاليق لولاك
مالي لزومٍ يوم مريت منّا
مريت ابي عيني تملا محياك
واصبحك بالخير وارجع لـ اهلنا
اشفق على شوفك ولا لي بفرقاك
واشوف شقراً فوق متنك تثنا
مد اليمين اللي بها زين حناك
عط المسيّر واجبه لا تعنا
بشحة عيونك هزة القلب نفداك
ارحم رحمك الله لا تمتحنا
سبحان من كمل جمالك وسواك
وخلا قلوب الناس لك تقبلنا
ياليت حن من جيزهم ما عرفناك
وذكرتنا بايامنا اللي مضنا
ليته حصل لي قبلةٍ من شفاياك
تحيي عروق القلب لا ينشفنا
ولا تعلمني بخافي نواياك
اما بنينا البيت ولا رحلنا .