ُ

يا عسى الايام تضحك لي وما تبخل .

[ُ @vi__1a]

انعزل عن مجمل العالم وأحب العزله
لين صار الإنعزال .. من العرب روتيني .

[ُ @vi__1a]

السبت ٢٩ اغسطس ، اما بعد /
احياناً الناس يظنون ان البعد يخلي القلب ينسى
لكن الحقيقه مهما كان البعد مافي شيء يقدر يغير مكانك بقلبي

وقيل على سياق ذلك:
يموت قلبي كان له نيه يجفاك
لو طال بك الزمن والبعد ياغايب

استرح وريح واسرح في دنياك
ماتموت المحبه لوني بالعمر شايب

[ُ @vi__1a]

« أقسى من الدمع صوتٍ تقتله ونّه
والونّه اللي تجي من شوق .. غلاابه

الانسان من كثر ما تغليه و تحنّه
تختار فرقاه و أنت تضيع فـ غيابه .

[ُ @vi__1a]

صباح الخير ؛ اما بعد

يوم الخميس اللي له الناس تشتاق
كل يحسب له ويرجي قدومه

وانا اليا منه لفى خاطري ضاق
يطري علي شخصن فقدنا علومه .

[ُ @vi__1a]

صباح الخير ؛
تحيّرني قدرة الإنسان على تجاوز ما كان بالأمس
حتى يثقله
يصبح التغاضي عنده ليس ضعفًا ولا نسيانًا،
بل وسيلة لحفظ ما تبقى من هدوئه

وقيل على سياق ذالك :
يوم شفت أن التشره هجمته مرتده
صار لي فتره مفعل خدمة المتغاضي

[ُ @vi__1a]

مساء الخير ؛ أما بـعد

أسعى مدام العمر توه بالشباب
دامك بعمر السعي لا توقف سعي

واوطى على سود الليالي لا تهاب
وإن كشرت بانيابها .. قل ربي معي

خلك على ما قيل داعس للصعاب
ترا الصعاب احيانً تزيدك وعي

[ُ @vi__1a]

القلب يكسره اللسان ولا تجبره اليدين
مهب عظم كل يوم تكسره وتجبره

ماعاد عندي فرصه تهدر من العمر الثمين
واللي بينشدها من اسباب الفراق تخبره

حيث انه اول شخص يسقط من عيوني مرتين
وانا عيوني من سقط منها ماعاد تعبره

[ُ @vi__1a]

صباح الخير، أما بعد /
تعودت عالحال
لكن قلبي ما صدق كيف كنا
وكيف صرنا وكيف تغيّرنا

وقيل في سياق ذلك :
كنت انا وياه .. دايم في تواصل
من صباح الخير ..
الى نوم العوافي .
على العموم، ما الدايم الاوجه اللّٰه.

[ُ @vi__1a]

وإن فرّقتنا الأيام، باقي لي سؤال
أطمن عليه من بعيدٍ ولا أبي يدري

أراقب أخباره، وأفرح لا شفت حاله بخير
وأكتفي بنظرةٍ من بعيدٍ عن قربه

ما أبي وصاله، بس أبي أعرفه بخير
بعض الغلا يبقى ولو فرّقتنا الدروب

[ُ @vi__1a]

ياكم واحد عيونه تشوف الدروب و تاه
لو انه بـ قلبه شايف الدرب ما غرّه

تبصّر بـ قلبك كان شفت الدروب اشباه
ترآ قلبك ابصر من عيونك مية مرّه .

[ُ @vi__1a]

إنِ مرّ طيفي على بالك بصبّح ربـوع
اسال غرورك وش الدنيا بليّا متاع ؟

[ُ @vi__1a]

الاربعاء 12 أغسطس أما بعد :
- إنتبهو من التأخير في الجية -

أنتبه من أنك تجي لما يكون القلب صاير
أبرد من الأطراف
ترا من لاتغانم فرصته غاااااادي
: وقيل في سياق ذالك
" لا ضاعت الفرصه ترا الموت حسرات "

[ُ @vi__1a]

متى تنفرج وافر من حزني القتال
واراهن على مستقبلي وانطل أحزاني

ما عاد اعشق الماضي ولا أداني الأطلال
- احس ان عمري راح وابغى عمر ثاني -

[ُ @vi__1a]

ماني من اللي يتبع المقفين يانايف
طبعٍ ورثته من اللي مات ماخرّف

من صد صدّيت لو هو بالغلا كايف
وان راح جعله مراح الطير لا صرّف .

- ضيدان بن قضعان

[ُ @vi__1a]

لا تشغلك دنياك عن طاعة الرب
صلِ الصلاة في وقتها لا تطوفك

الناس ما تنفعك والضحك واللعب
ربك هو الي في كل لحظه يشوفك .

[ُ @vi__1a]

على الله تقر العيّن يا مبـعدين الدار
ترى غـِيبة الأحباب ماهيب عاديه .

[ُ @vi__1a]

صباح الخير : اما بعد /

< الفتره الحالية تمثلني الكلمات هذي >

ضاقت الدنيا بشاعر طيب قلبه ضيعه
ما قبلني الحظ قولي وين ابرحل وين اروح؟

الصبر ياهو يعذب والأماني موجعه
أسمحيلي يالغرام العف يالوجه السموح

أن لزمت الصمت او حتى لبست الاقنعه .

[ُ @vi__1a]

انقال عن شروق شمس الاربعاء السعيد :

ماورى صبح يجيبك غير "خير وعافيه "
انت يا شمس الحياه ، ويا تباشير الغلا

كل ساعه في حضورك .. بالمسرة وافيه
وكل ساعه في غيابك .. مالها طعم وحلا

[ُ @vi__1a]

أرتاح من صوبي وقل ما تخّفيه
عمر الغلا ماهوب عمر افتراضي

قلبي لغيرك شي ماهوب ف إيديه
وأبعد عليه من السما للأراضي

أبطى وهو قبلك يخمه ويخطيه
وأقنعته إن ما كل لاعب .. رياضي

الناس من بعدك هلا وأنت لبيه
الحاضر انت وماضي الناس ماضي .

- مزيد الوسمي

[ُ @vi__1a]

مروعني الوقت لو ياخذ طموحاتي
وتروعني الناس في صدمة مباديها

بارد ولا شي .. يلفت أنتباهاتي
تمرني أشياء ما تمشي وأمشيها

مسكر أذني .. ومقلل علاقاتي
تتساقط الناس من عيني و أخليها .

[ُ @vi__1a]

يغريني النضج والأدب واللفظ
الرزين والغنى اللغوي .

وقيل على سياق ذلك / :

" يطيب لي حكي الفهيم المستوي
ذرب ليا سولف جاه عقلي وأندمج "