-

أجي درس العُمر الأصدق .. إذا مريت في إنسان

[- @viiilv___]

من اللي يعيش أيام عمره بدون ظروف
جميع الخلايق مرها الهم وأنهكها

لا تقضي حياتك بين كف القلق والخوف
تقدم وخوض اللي بقى من معاركها

لا ضاقت عليك الأرض مره وضاق الجوف
لا تطلب فرجها غير من عند مالكها

ما تستاهل الدنيا تلحق وراها حسوف
تعيش المقدر ثم تمضي وتتركها

[- @viiilv___]

أسوق عمري في رجاها لو تعشّاني سباع
اهمّ شي أشوف شارعها .. ولفّـة بيتها

[- @viiilv___]

يجهل الإنسان وظروف الحياة تعلم
والدروس موضحه لناس صوت وصوره

والذكي يصبح لدورات الزمن متولم
ويتوقع دوم عكس الحاجة المذكوره

يمكن يمر الرفيق الغالي و ماسلم
وهو يدرى خاطره ويقدره ، ويزوره

وينزع الله حكمة الدنيا من المتعلم
ويمتلكها الفاشل اللي يمسح السبوره

[- @viiilv___]

عسى ظلما مشاوير المواصل والشعور الجاف
فــدا وجهٍ ما غطى نوره .. إلا شعرك المبتلّ

جمع ربي مشاعرنا الرقيقة عند وزن و قاف
مثل ما يجتمع في وجهك الآخاذ شمس و ظلّ

[- @viiilv___]

إحساسك أصدق من نفاق الأجوبة للأسئلة
أغلب مشاكلنا وراها أسباب .. غير أسبابها

[- @viiilv___]

ما هدا بالي ولا طاب لـ " العين " المبيت
منشغل فالحرب واقراء جميع اخبارهاا

فالسعودية .. وقلبي وروحي فالكويت
جعل ربي يحفظ " امي" ويحفظ دارها

[- @viiilv___]

زال الضيا ومشراق وجهك غير قابل للزوال
ثابت مثل دهشة قصيدة كتبت لأخر شطر

لدي النظر يام العيون اللي نهايتها إحتلال
ملامحك لاشافها المخطي يبادر بالعذر

[- @viiilv___]

يا رب وأحلامي على متن السحاب
تدري بها .. حتى وأنا ما أقولها

لك رحمةٍ تسبق مواقيت العذاب
ولك جنة الفردوس كيف أطولها

ألهمني التقوى قبل حث التراب
في ساعةٍ من ثقلها .. يا هولها

عفوك لعبدٍ مرتجي حسن المآب
وبلا عفو والله ما أقرب حولها

[- @viiilv___]

تمادى شوي شوي رمشك ايلين ارداه
قتيلاً يمثّل كل روحٍ نضاليّه

تفاصيل وجهك جعل بعض الوجيه فداه
هي إللي ماخلت لـ النجاه احتماليّه

أنا أضيع دونك وأسهر الليل من مبداه
مثل ضيعة الجاهل الى غاب واليّه

من أول يابعد الصلح من خاطري بعداه
ومعك عشت لحظات السلام الخياليّه .

[- @viiilv___]

أبو السوالف والّلسان الفالت
جاوب على ماضيه يا ماضينا

اسمه وفعله والله .. وما قالت
وايديه ماسوّت سواة أيدينا

دار الزمن يا والله اللي طالت
حتى اللي "مايسوى" تكلّم فينا

[- @viiilv___]

سميّة .. غزالٍ مع حَمَار الشّفق منحوت
أشوف الحياة معلّقة .. في نواصيها ❣️

[- @viiilv___]

#زعل_الديحاني

اقلط يابن مدوح على عز وطرب
ربعك على القمه طوال شبورها

في ورثنا اللي قد حكمنا به سرب
صفرٍ يفجّن النحور .. نحورها

الشوط لو ما جت به مطير يخرب
اترك من أدّت دور ماهو دورها

انت اسمك لحاله يزعّل له عرب
قدام لا تنوي تغيض صدورها

[- @viiilv___]

للوساع السود جيت أعلن ولائي
الحكم حكم المظاليل الوسيعة

يالجمال المستحيل اللا نهائي
الغزل في حضرتك تجديد بيعة

سلهمة رمشك تحطّم كبريائي
لك تداعى قلب ٍ أسواره منيعه

ثغرك الضاحك بلادي وانتمائي
ضحكتك عن كل غلطاتك شفيعة

[- @viiilv___]

سقاك الله يا دارٍ لها بين الحنايا دور
مراويح السحاب اللي تخلي اليابسه : ترفه

لعلّي يوم اوقف عند بيت ام العيون الحور
" يخليها محاويل المطر تطلع من الشرفه "

[- @viiilv___]

يا ايُّها الانسان وش حدك على دروب الهوان ؟
مالوم الارض اللي ما تنبت لو يوسمها المطر
اللي ما يشعر ب النعم والله ما يشعر ب امتنان
اليا حرمه اللّٰه سخط .. واليا عطاه اللّٰه بطر
من يقرب من اللّٰه ما يلقى الا السكينه والامان
ومن يبعد من اللّٰه ما يلقى الا الكابه والخطر

[- @viiilv___]

عليّ السلام و رحمه الله على ما فات
يا ربِ الحظوظ استودعك ضحكة فؤادي

[- @viiilv___]

يعمّ الهدوء ويستثير السكون الصوت
وانا بين صوت العقل واحساسي الطايش

ما ضيعني وذوقني الموت قبل اموت
الا عقلي المتحرّص وقلبي الطايش

اشوف الحياه جنازةٍ في بطن تابوت
لكني رغم كل الصعوبات متعايش

ترا ما اصعب من الموت واللي خلاف الموت
الا الفتره اللي .. لا انت ميت ولا عايش

[- @viiilv___]

أنتي ومن عقبك يتوب الآدمي توبة نصوح
ما عاد يامل فالوجيه البيض وجه ٍ يعجبه

[- @viiilv___]

والله لا أصونك يا سليلة هل الراي
و أرضيك بالحب العفيف المعتّق

لحظة زعلك أشوف موتي و منفاي
و ساعة رضاك تجيك الأرقاب عتّق

وصيتي من قلبي الـ قلب شرواي
حنّ الكريمه لا تماديت و إتّق

وشلون ما أحبك و أجيلك من أقصاي
و من مفرعك نور الصباح يتفتق ؟

[- @viiilv___]

معربة منسب ، من أفضل طايفه
تقول ما فـ العالم .. أحدٍ ، قدها

لو جدها أرسى من الجبال النايفه
جمالها ، أجمل من جمايل جدها

والله !.. ما كيّف قلبي الا ، الكايفه
اللي جميع الناس ، تخطب ودها

تمشي شوي شوي .. كنها خايفه
تطيح ، ( حبة خالها ) من خدها