طلال الرشيد

[طلال الرشيد @viooi7]

لا جيت أنادي غيرك اغلط وأناديك
اسـمك محى عندي جميع الأسامي .

[طلال الرشيد @viooi7]

هزّي شماغي يـا ذعاذيع البراد
كما يهز البرق وجدان الغريب

ومرّي على راسي ترى ماهو جواد
ومري على صدري بعد يمكن يطيب

مايلهد الخاطر ويسطي بالكباد
شي مثل خذلان غاليك ال��ريب

نجم الاسلمي.

[طلال الرشيد @viooi7]

يقول ضيدان بن قضعان :

يقولون كيف الحال وأقول كلش زين
وأنا والله إن قدلي و أنا حالتي حاله

علي من زماني ما يشيب رموش العين
وعلى المتن حملٍ دامني حي بشتاله

[طلال الرشيد @viooi7]

ناح الحمام وصاح منصور بالصوت
باسمك يجاوب نايح الورق باصوات

يونس دعا الله وأخرجه من لجا الحوت
وأنا دعيتك بين الاحياء والاموات

أبغاك ترجع لي قبل فايت الفوت
أرجع على اللي يسهر الليل مابات

لوخيروني بين فرقاك والموت
لا اختار انا موتي ولا أعيش بأهات

منصور الرمالي.

[طلال الرشيد @viooi7]

لعنبوا جدالمفارق فيه هم وفيه ذله
اثر كل الحب لذه والفراق اكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولاحبوبه

الزعل هو سبب الفرقا يهز الحب كله
ليتني طولت بالي قبل لا يعلن غروبه

حمد السعيد

[طلال الرشيد @viooi7]

تمونين يا ريم المكاحيل
على القلب في خيره وشرّه

إذا جيتي ؟ أستاهلك بالحيل
و إذا كان ما تبغين ؟ حرّه

فديت الوسيعات المظاليل
رماح الهلاك المستشرّه

ياسر التويجري

[طلال الرشيد @viooi7]

الصمت لا من التحدث وجب ذنب
و حلمك بعد يوم احتمى الرمي غادي
.
تبطي شعرة معاوية ماغدت طنب
ولا ينّطح بـ الخيزران المعادي
.
يا راعي الراي الرمادي على جنب
بـ اليوم الاسود ما يبين الرمادي

نجم الاسلمي

[طلال الرشيد @viooi7]

اربع جوازات طبع وسطهـا ��ختـام
دمشق مرماهم علـى هيـك ينـون

مغادريـن ديـار فالـح وسـطـام
اللي بها عـج وغرابيـل وشيـون

وموجهين ديـار ميسـاء والهـام
اللي بهـا جـو ومزاييـن وزيـون

مع وسـط الاردن ماوقفنـا للاولاام
حصيل موترنـا صفطنـاه طبلـون

#ياسر_التويجري

[طلال الرشيد @viooi7]

لا شفت انا عقال السناعيس ميّال
غصباً عليه عقال راسي تمايل

السالفه ماهي بتمييلة عقال
السالفه دمٍّ بهـالعرق سايل

[طلال الرشيد @viooi7]

وأذكر إني مانسيتك ويغريني الرجوع
ياغرامٍ تنشد الناس وينه يا ترى

والغرام أنواع والقلب مدهل كل نوع
والله أعلم منهو اللي من الحدب وورى

وأنت ياللي منزلك ما ورا حدب الضلوع
تدري ��نك من وراها وغيرك مادرى

[طلال الرشيد @viooi7]

يا بنت ماني من اللي يخلف قراره
لعب الهوى يا بنت الاجواد وش لي به

يخسر راس مال من يحسبها تجاره
ويكسب العالم من يصونك يالحبيبه

بعدك ترفات الصبايا ماهم خساره
ومعك الليالي تجيب اللي.. تجيبه

[طلال الرشيد @viooi7]

الا يازين ياغاية طموح العاشق المملوك
يقولون البشر لا لا تهاون بالذي خانك

وانا والله مابيعك ولو كل البشر باعوك
احفظ ��لعهد ماخونه ومهما طال هجرانك

ملكتي قلبي لوحدك وحبيتك بدون شكوك
وعلى رغم القسى ماخنت ولا فكرت نسيانك

[طلال الرشيد @viooi7]

مآني وأنا يومي شـريتك ..بـ بيـآع
حبـّك مآهو ينبـآع ؛ مثل البضآعـه

[طلال الرشيد @viooi7]

دامك زرعت الحب في داخلي ورد
أنا ما أبي غيرك من الناس يسقيه

مابغيتك من فراغ ولا تمنيتك عبث
ولا أبي لك نهاية ولا ادور لك بديل

[طلال الرشيد @viooi7]

ياصاحبي الله يمسيك بالخير
عقب البطا بنشدك وشلون حالك

من بينا معزه و رفقه و تقدير
و قل اتصالي يوم قل اتصالك

اقفت بك الايام من غير .. تبرير
وجعل الفرح والطيب فالي وفالك

وان بعتني عشان هرج المعاذير
ياما حكوا بك .. واحتمينا مجالك

[طلال الرشيد @viooi7]

ليته يحس بفرحتي يوم احاكيه
وليته يحس بضيقتي لا فقدته.

[طلال الرشيد @viooi7]

"كن ورا صدري من الضيق جمهورٍ غفير
لو سكت شوي ــــ يمكن تبين أصواتها"

[طلال الرشيد @viooi7]

ولو حولك جيوش ومن دونك قيود
اجيك لو لجلك عناي ووفاتي .

[طلال الرشيد @viooi7]

يفدا عشيري كل برقا على روق
واللي بعيد الدار واللي هنيا

ويفداه من يركب على الخيل بعروق
مع خيل بن هندي وخيل المحيا

ويفداه من يمشي على الارض من فوق
واللي يشوفون القمر والثريا

ويفداه حضرٍ لجو العصر بالسوق
وابن رشيد اللي عن الحكم عيا.

[طلال الرشيد @viooi7]

غاب القمر بالليل والنور ماغاب
ساعة حضر بدر الدجى غاب ضوه

أقفى القمر خجلان منه ومرتاب
وأستسلمت كل الكواكب بجوه

وأهتزت أغصان الشجر خوف واعجاب
واللي جميلً من جماله تشوه

منصور الرمالي .