فــهـــد | vjt08

يامرحبـا باللي لفـا عُقـب الاسفـار قـرت عيـون الـدار باللي لفاهـا . قناة التلقرام بصفحة الحساب تنورون❤️.

[فــهـــد | vjt08 @vjt08]

تنبيه / "لا يوجد مقصود في اشعاري"
- قراءه ممتعه للجميع🤍.

[فــهـــد | vjt08 @vjt08]

اللي سكنت فالعيون وفي قبور الصدور
ياكثر ماتاخذ من الحلم ومن العمر

تشرق على البال ، وتطلّ ، وتلف ، وتدور
مدري هي الارض ؟
ولا الشمس ؟
ولا القمر ؟

[فــهـــد | vjt08 @vjt08]

درب الخطر باقدامنا كم وطيناه
ماهمنا العثرات ونعدل الميل

سرنا بدرب المجـد حتى وصلناه
احرار ما تفرض علينا الاقاويل

صياف الحربي

[فــهـــد | vjt08 @vjt08]

ياما تعنّيت له و النفس ملهوفه
أدوّره بينهم إلين أجلس وزانه
و أغضّ عنه البصر ما كنّي أشوفه
وآنا مجيي و مقعادي على شانه

[فــهـــد | vjt08 @vjt08]

مساء الخيـر ، اما بعـد
بيت واحد كفيل بأن يجعلك تعيد حساباتك :

سبحان من كون أرضه وإستقل بسماه
والأرض يدخل تحتها من مشى فوقها

صياف الحربي

[فــهـــد | vjt08 @vjt08]

ماحي يركض مستريح بحياته
حتى من اللي ينفض الريح ريشه

أحدٍ ورى ركضه يدور نجاته
وأحدٍ يدور من ورى الركض عيشه

[فــهـــد | vjt08 @vjt08]

بيني وبينك ماتضيع المعاريف
لاشك لك عندي رصيدً مجمد

[فــهـــد | vjt08 @vjt08]

ودي أطيل النظر فيك يالوجه الضحوك
ما بعد وجهك وجيهٍ يسلي شوفها

[فــهـــد | vjt08 @vjt08]

علىٰ ذكرنا عزّ الله انه و سـبـع أنعام
و علىٰ فعلنا صح الله لسان مادحنا

[فــهـــد | vjt08 @vjt08]

درب المراجل صعب والطيب كايد
ولا كل من دق الصدر جاك بـ اقصاه .

[فــهـــد | vjt08 @vjt08]

بعض الرفاقة سيف عرضة و تلميع 
و بعض الرفاقة سيف حرب و غنايم .

[فــهـــد | vjt08 @vjt08]

ما نلتفت لـ الكلام اللي يجي فينا
نفوسنا ، عن كلام الناس مرتفعه

[فــهـــد | vjt08 @vjt08]

اتضايق بعض الاحيان و اعاف الجلوس
ما يوسع خاطريّ غير سجات الخلا .

[فــهـــد | vjt08 @vjt08]

والله إنه من غلاك وكبر قدرك ودّي
نتخاوى في الحياة ونلتقي في الجنه.

[فــهـــد | vjt08 @vjt08]

انا معك مثل بدوٍ ودهم بالغناه
و الناقه اليا شروها ما يبيعونها

[فــهـــد | vjt08 @vjt08]

على حلم عمري جاري البحث والتنقيب
يا خوفي يروح العمر في طرد الاماني

انا والليالي نشبـه الراعي مـع الذيب
مغير يتحرص كل واحد من الثاني

ما اعرف اتشكى للبشر ، والشكاوي عيب
تعودت اشيل احزان الايام وحداني

ظروف الليالي جمرةٍ فوق كسرة طيب
لازاد لهبها بان فرقي عن اقراني

[فــهـــد | vjt08 @vjt08]

عسى أخوي من بد العرب دايمًا في زود
ولا أشوف وجهه من غثى الوقت متكدر

[فــهـــد | vjt08 @vjt08]

ياخوي يفداك ولدي اللي ما انولد
مهما اكون بـقو انا دونك رخو

ياخوي لا مات الولد .غيره ولد
بس الاخو لا مات . ماغيره اخو

[فــهـــد | vjt08 @vjt08]

هيه يا سقف الطموحات حلمك ما يناش
سـامـح الله مـرّ الأيـام ، ، كانـت حـاليه

[فــهـــد | vjt08 @vjt08]

قطعت الرجاء من قربك وشوفك ولقياك
ياشين الظروف إللي على مواصلك عيّت

أقلّب ( صورّك ) في خيالي . . بعد فرقاك
تقول إنّي . . أقلّب صور ( واحدٍ ميّت )

[فــهـــد | vjt08 @vjt08]

أصلي في مسجد حيها و أتحفى العود
لعلّه على فنجال يعزم و أتمم له