شيخه

غريب الدار و مُناي التسلّي . .

[شيخه @vk9li_]

لا هان بعدك وأنت عندي ما تهون
و لك في روض الحنايا حشمه وقدر

لا تكابر وأنت ليّن ولك قلبٍ حنون
المكابر ضيعت قريش في غزوة بدر

[شيخه @vk9li_]

أنت اغلى // و الباقي دونك
و أنت احلى منهم . . و أنت أعذب

[شيخه @vk9li_]

أي والله اني عشقتك يا آخر أحبابي
وصديت عن مجمل الناس من جيتك

في وجه غيرك مسكر عيني وبابي
غالي وزاد الغلا يوم إني اغليتك

شفني ليا مر طيفك فزّت أهدابي
وشلون لا منّك ندهت إسمي ولبيتّك

[شيخه @vk9li_]

الحب يوصل ف البني ادم ل حد
يخطي على نفسه ونفسه راضيه

من غيرك تجيني الرسايل ما ارد
ومنك أتمنى لو رساله فاضيه

[شيخه @vk9li_]

فيه مثل كويتي يقول

" اقضب مجنونك لايجيك اجن منه "
- بمعنى -

تمسّك باللي تحبه حتى لو انه مليان عيوب
احسن ماتتمسك بشخص ثاني ويطلع العن منه

[شيخه @vk9li_]

والله إنّي كنت طيّب و أموري فـ السليم
لين قالو عاد عيدك و عيد إللي تحب .

[شيخه @vk9li_]

غيرك يبي لبيه منّي .. واعتمد مالك لوى
لبيه من دونك ليا غبت تموت جذورها

[شيخه @vk9li_]

في البُعد و الإشتياق يُقال :

وش حيلة المشتاق لاحن و أشتاق
وماله في درب المواصل حيَله

[شيخه @vk9li_]

كرهت الناس عقبك واقتنعت اني عدو الناس
اشوف قلوبها تدعي عليّ وقلبك يهلّي!

رغم مابيني وبينك من الإحباط والإفلاس
شوفك في محطات السفر ترحالي وحلّي

احبك واعشقك واموت فيك لآخر الأنفاس
الا يا بري حالي من غلاك ويا وجود اللّي ..

[شيخه @vk9li_]

عقب ماكان يرد الروح ب وِصاله
تمر الأيام لا اشوفه ولا ادري به

[شيخه @vk9li_]

أشوف الليالي اللي تجيبه عريبة ساس
من أجزل ليال العمر و من أبرك أعياده

[شيخه @vk9li_]

" لا تشوف اللي تحب بـ نظرةٍ مألوفه
أنت عاشق.. والنظر جهر الشعور وسرّه

إن قدرت تشوف وجه اللي تحبه؟ شوفه
كنه اول مره تشوفه — أو آخر مرّه "

[شيخه @vk9li_]

أدري ان هجرك مراره وان وصلك حالي
وادري ان قلبي عليك من الحزن متقطع

يا مخليني على باب الظنون لـ حالي
ما اصعب من فراقنا الا وصلنا المتقطع

[شيخه @vk9li_]

متسيّده وسـط القلوب النظيفات
شـيخه و بنت شيوخ عفّه حشيمه

ماني مـن إللي يلتفت للتفـاهات
أنـا على روس العـذارى عـظيمه

[شيخه @vk9li_]

لبّى - الـ هلا - لا قلتها بصوتٍ موالف
في دندنتها لذة الحبّ و رغيده

كنّك مع ايقاعات هالقلب مْتحالف
من فيكم اللي قيّد احساسي بإيده؟

يا ملهم الشعر العذي حاضر وسالف
ما قد كتبت انسان غيرك في قصيده

[شيخه @vk9li_]

مكتفيه فيه عن الناس والكون
كنه لي الدنيا إذا ضاق الصدر

ما أخون وعدٍ بيني وبينه انبنى
ولا ابيع قلبٍ عطاني من ذهب در

هو العهد وهو الروح وهو الأمان
وغيره في ناظري ماله مكان .

[شيخه @vk9li_]

واحاول اتناساك يمكن مع الوقت
انساك و اتقبل جفّاك و مغيبـك

ليت الأغاني ماتجيبك اذا اشتقت
حتى القصايد كِلها من نصيبـك

وشلون بنسى وانت فيني تعلقت
حتى رسايلك القديمه تجيبـك

ياللي ذبحني الشوق لك كل ما ضقت
انا حبيب الفقد ماني حبيبـك

[شيخه @vk9li_]

❣️ يسرّ الخاطر لما ينثر عذب القصيـد ❣️ :

انتي بوجهي لا تخافين دنياك
عن كل ماضي خوّفك لاتخافين

لو الليالي والزمان يتحداك
لا يضيق لك خاطر عسى ما تضيقين

كل الظروف اللي تشوفين تفداك
نامي على راحة يَدي لاتبالين !

لا يبين خافيك ولا يطلع اقصاك
وانا معك عمري بعيشه بعمرين

[شيخه @vk9li_]

عايش بدون قيود و بدون روتين
تمشي ورا أحلامك وتنسى تعبها

وش جاك متغير ولا ودك الحين
تروّض دروبك و تكبح غضبها

هذا و توك ما وصلت الثلاثين
موتت شغفك الغامضه وش سببها

[شيخه @vk9li_]

ام الخدود اللي تهاوش بها الزين
و سحر الهوى بعيونها الساحريه

خلت قلوب اهل الهوى بين نارين
نار الخدود و نار حمر الشفيّه