بدر الشيباني

[بدر الشيباني @vlvlv15]

اللهم صلِّ وسلم على نبينا محمد ﷺ

[بدر الشيباني @vlvlv15]

لجتي لجة قطيعٍ مراقيبٍ عطاش
لامسه في شوبة القيض لاهوبٍ قوي

موجعه لفح التويبع وتمتير الدشاش
فالكواثح شاون القيض خلفاته شوي

منك ياللي راح كل اتعبي لاجله بلاش
كل ليل اهجوس قلبي بطاريه اسروي

ادميٍ شوف زوله يعيش ابلا معاش
يوم ربي ميّزه بـ الجمال الاولوي

[بدر الشيباني @vlvlv15]

وش عاد لو تزعل علي الدراويش
أنا بدويٍ راح يتبع هوى .. أبلـه

علط الرقاب اللي وبرها عكاريش
لاربعت قلبي يزين الطرب لـه

ننزل بها في منزلٍ مابعد نيش
روضٍ خضر عشبه خزامى وربله

في ليلةٍ ياتي مطرها رشاريش
هذا ربيع القلب عقبه وقبله

[بدر الشيباني @vlvlv15]

يا حي وقت له طراةٍ بـ اهاليه

[بدر الشيباني @vlvlv15]

أشوف السفر مابين فتره وفتره زين
أنا بحاجه غياب أتفحص به أشواقي

تراودني الضيقه لها حروة أسبوعين
وتأثيرها واضح علي و على أخلاقي

-ميونخ-

[بدر الشيباني @vlvlv15]

هلا مرحبا باللي على الذاكره ما زال
اتجدد غلاه الذاكره لا تناسيته

[بدر الشيباني @vlvlv15]

ياعنّك أحبك حبٍ يسوجني سوج
ولك فالسما دلوٍ على الروح هدّاج

[بدر الشيباني @vlvlv15]

#الاستغفار_كنز_نحن_عنه_غافلون

زاحمُوا السيئات بالأستغفار دوماً :
- استغفرالله العظيم وأتوبُ إليه.

[بدر الشيباني @vlvlv15]

اللهـم أعد رمـضان علـينا أعـوامًا عديـدة
وأزمـنة مديـدة ونحن في صـحة وعافـية
وأرزقـنا فيه القـرب منك والطاعـة والقـبول

[بدر الشيباني @vlvlv15]

راوديني وابشري بي ليا حان القتال
القتال اهون من النيّه المتردده

شاعرك ما همّه الموت يا بنت الحلال
تاركٍ روحه خلافه وقلبه في يده

مندفع لعيونك اللي مثل سود الليال
والليالي لو تبي تجحده ما تجحده

من يشوف الوجه هذا لو انه فالخيال
كل يومٍ يشكر الله عليه ويحمده

[بدر الشيباني @vlvlv15]

يا العزيز اللي مانعبد ولا نحمد سواك
نفسي اشملها برحمتك واغفر ذنبها

كل ما يـذبحني الهم .. يحييني رجاك
اشكي اللي تجهل الناس وانت اعلمبها

جعلني من سو الاقدار دايم في حماك
وجعل عمدان الهقاوي مايِـقطع طنبها

انت ملجا كل خايف وميقن كل شاك
وكل نفسٍ ندري ان ذنبها في جنبها

[بدر الشيباني @vlvlv15]

انهزمت من الفراق و حزن قلبي راقي
والشجاع ان حب توخذ بندقه من كفه

- ناصر الحمادين

[بدر الشيباني @vlvlv15]

مرحبا يا اللي ما بين الغيد وحدك دُرّه
عند غيرك ما يجي للزين ذكر و طاري

والله ان البال محدٍ غير زولك مرّه
تسرحين بقلبي اللي يعشقك و افكاري

من عرفتك و الغلا فـ الصدر لله دره
يا اجمل ارزاق الحياة و مكسبي واقداري .

[بدر الشيباني @vlvlv15]

سبحَان الله وَبٓحمده
سبحَآن الله العظيم

[بدر الشيباني @vlvlv15]

ياراعي الوساع السود ياناسع الخمري
علي الحرام اني على شوفتك ضامي

جمال الخصال اليوسفيه يغلب امري
عذابٍ على من حج لله ومن صامي

ياراسي و ياصالب عظامي ويا عمري
يجيني بلا لاشفت صورتك قدامي

اشوف الحياه اللي يغني لها القمري
على حاجبيك السود في دمك الشامي

[بدر الشيباني @vlvlv15]

«هي ذابحتني وانا مانيب .. متغيّر
ان نمت وان قمت طاريها على بالي»
— محمد الخس

[بدر الشيباني @vlvlv15]

ريح الخزامى والنفل زين الاطياب 💜.

[بدر الشيباني @vlvlv15]

🌿🐪💚

[بدر الشيباني @vlvlv15]

ياريح ريحان🌿