سـعّـيد

[سـعّـيد @VQC]

لا تستنكر أسلوبي وأنا أياي وأنت أياك
يراودك شك في بعد شبحي و نوحي

ما دام الزمن ما هو بمثلك ولا شرواك
تحمل خطاي وغيضي وقلة مزوحي

قبل لا تقول شفيك مـأنت برفيقي ذاك ؟
وأنا والله إني كان مستنكر ًروحي

[سـعّـيد @VQC]

وش حاجتك وتجيك من دون منّه
الطيب فطره ، والخوي ما يهمّل

ولا تنحرج من باب عطف ومحنّه
حتى وحن تحت الضغوط انتجمّل

[سـعّـيد @VQC]

تغانمني ترا قِد كبدي مْن الصبر عشر أقسام
عل�� أدنى شي .. يمكنّي أغني لك وداعيَّة

[سـعّـيد @VQC]

والله ان قلبي لبحة صوتك السحري اموالف
شاب قلبي بس صوتك رده لـ ماضي شبابه

انت يوم تقول لي لبييييك ، وتجر السوالف
يمتلي صدري حنين ، وتكسي الدوحه سحابه

[سـعّـيد @VQC]

مرحبا والساعة إللي تجيبك راس مال
في دقايقها " نعيم القلوب " الشاقيه

[سـعّـيد @VQC]

كل ماضنيت لي ظن في غالين خاب
انا طيب واحسب الناس مثلي طيبين

[سـعّـيد @VQC]

المؤسف أنك لا أنت غايب ولا موجود
و من المخذل أنك تحسب غيابك إلزامي

لا زادت مشاريهي على دورك المفقود
يوقف بدالك قلبي بمهنة محامي

[سـعّـيد @VQC]

مرحبَـا وانت المبدّا والمولّا
عند من عينه لزلاتك ضريره

يوم جيت وحظي المعثور ولّا
الله اللي حط في يدينك مصيره

انت ربي خالقك من نور ولّا ؟
طحت من سابع سما فالمستديره

[سـعّـيد @VQC]

يوم عادك تكره السبت وتحب الربوع
والمواصل كان مسموح والوصل جهرا

جعل تسقى ذيك الأيام سجدات وركوع
رحمةٍ من رب طيبه ورب ام القرى

رحمةٍ تغفر خطا الفجر ماقبل الطلوع
يالزمان اللي ذكرت .. وعلى بالي طرا

[سـعّـيد @VQC]

اللي يبي العز لاينشد عن الراحة
نيران الامجاد تبي من يصاليها

[سـعّـيد @VQC]

ماق��د بي في رجاك الا وفاي الصادق
ولا انا نفسي تشوّم وعلم روحي عندي

[سـعّـيد @VQC]

يعلم الله علامة خير ما ايّست لين
غبر الجو الارتق .. دون غاياتنا

يا ولد راحت الدنيا على العابدين
وش بقى من سوالفنا وهقواتنا !

قسمنا من طفولتنا جروم السنين
زهرة العمر جانا الشيب ما جاتنا

[سـعّـيد @VQC]

عن الطلة اللي تنتظرها جميع الناس
انا ف انتظار الطلة اللي على بالي

[سـعّـيد @VQC]

ثنتين حارب دونها لذة النوم
فرض الصلاة وباب رزق انفتحلك

عن غيرها لو نمت ما يلحقك لوم
ما كل ما يصلح لغيرك.. صلح لك»

[سـعّـيد @VQC]

ودي أنسى بالدروب النيّرة خط��ة ضياعي
مثل ما لذّة وصول الحلم تنسي ثقل جهده

و ودي أرمي من على متون الصبر أخر متاعي
مثل ما يرمي المصلي ما على متونه بسجده

[سـعّـيد @VQC]

يا الله وأنا عبدك اللي طامعٍ في رضاك
وأحيان أضيّع . . دروب الحق وأدلها

لا جيتك بـ دعوةٍ فيها شعور إرتباك
أفتح لها أبوابك اللي في السماء كلها

[سـعّـيد @VQC]

والله اني بخير .. وتارد الماء حبالي
حالتي .. ما خفتني لو تعبها تنوع

[سـعّـيد @VQC]

تمشي الرجلين دام القلوب مودده
وان تجافى القلب سير القدم عسر عليه ..

[سـعّـيد @VQC]

في زحام المغريات، وليلها المتمادي
من ترك لله شيٍ عاضه أبرك منّه

يالله أعصم من محابيل الحرام فوادي
عصمةٍ تاخذني بيمناي لين الجنّه

ياعظيم الملك وأنت المستعان الهادي
باب جودك جعل مانيب محجوبٍ عنّه

كل ظنٍ في سواك من الخلايق غادي
وانت عبدك عند ظنّه لاحسن بك ظنّه

[سـعّـيد @VQC]

حنا بحاجه للسفر . . دام السفر
يعيد ترتيب المشاعر من جديد