سيف سلمان بن حصيّن

*"اللَّهُمَّ إِنَّكَ عَفُوٌّ تُحِبُّ الْعفو فَاعْفُ عَنّا"*

[سيف سلمان بن حصيّن @vs_400]

من حاسب الناس عن سابق خطاياها
يقعد بدارٍ خلا ما داج دايجها

[سيف سلمان بن حصيّن @vs_400]

نموت ما عشنا على رزق الذليل
والنفس نجبرها على حب الصبر

لو ما نطول التمر في روس النخيل
نموت ما ناكل من الطايـح تمر

[سيف سلمان بن حصيّن @vs_400]

الناسّ والأيام تحتاج وجهين
وانا معي واحد ويبغى السلامه .

[سيف سلمان بن حصيّن @vs_400]

لا بد من عقب المطاريش معواد
ولا بد من عقب المواجع عوافي

ولا بد من عقب السهر لذة رقاد
ولا بد من عقب الكدر جو صافي

سعد بن جدلان

[سيف سلمان بن حصيّن @vs_400]

مشتاق وعيون المقفي مغاريم
صامد ولكن الحنايا رهيفة

والشاعر اللي دفتره عانق الغيم
عجزت كفوفه لا تعانق وليفه

- ياسر التويجري

[سيف سلمان بن حصيّن @vs_400]

@___iill01 مجارا البشر يحتاج واحد بدون احساس
ومن خلقتي ما اعرف اجامل ولا اخفّي

عيوبي وعارفها ، واذا اخفيتها لا باس
لكن يا عيوني عن عيوب البشر عفّي

مع العزله الي تكتم الصدر والانفاس
ولا الجمعه الي لا مزاجي ولا شفّي

انا العاقل الي كل ما ضايقوه الناس
يوقف. دقيقة صمت / ويصد و يقفي

[سيف سلمان بن حصيّن @vs_400]

ان كان عذرك بالخطأ طيب نيّة
لا تصير طيّب حاول تصير رجال

ياسر التويجري

[سيف سلمان بن حصيّن @vs_400]

لا تذخر المذخور من — دون واجبك
" أوف الحقوق - الواردات بنجازي "

للضيف والجيران — لين جوانبك
" وبالطيب جاز - وبالردى الا تجازي."

[سيف سلمان بن حصيّن @vs_400]

@Mrebd_ صح السانك يابو خليفه

[د/ محمد مريبد العازمي @Mrebd_]

جديده

أنا لي ثلاث ايام في حالة. استنفار
ابي لي عصاً تجمع. ولاهي بمشقوره

لو أملك عصا موسى جمعت الجموع جهار
أبقيم لي حجه. على الجاير. وجوره

لو ان القصيده. كلبوها حمامة دار
تطوف الخليج وتسجع الصوت بقصوره

محمد مريبد

#الخليج_خط_أحمر

[سيف سلمان بن حصيّن @vs_400]

« أضرب دروب الأوادم وامش ممشاها
وأضرب دروب العرب وأدرج مدارجها

وأرسم لنفسك . . حدودٍ ولا تعداها
من حط نفسه بدرب الضيق يحرجها »

[سيف سلمان بن حصيّن @vs_400]

أركيت ظهري على ظلّ الجبل لكن
ماجت مواعيد ظلّه مع مواعيّدي.

- مساعد الرشيدي

[سيف سلمان بن حصيّن @vs_400]

أثر الرياجيل تفرق بالمدى والعزوم
والطيب كايد وحزات المواقف محك

أحدٍ على أتفه سبب ما عاد يقدر يقوم
وأحدٍ لو تسكر الدنيا بوجهه ضحك ..!

#سلطان_بن_بتلاء

[سيف سلمان بن حصيّن @vs_400]

يخيبك اجوديٍ شايل بشت وثلاث ختوم
ويفزع واحـدٍ ماوسط جيبه غير ولاعـه"

[سيف سلمان بن حصيّن @vs_400]

ترى شرهة اللي لا جماله ولا معروف
مثل منّة اللي ما عطا شي من جيبه

[سيف سلمان بن حصيّن @vs_400]

ما تجف الأماني في لسان الصبور
ولا تبور الهقاوي في كفوف الكريم

[سيف سلمان بن حصيّن @vs_400]

« ولاتحسبنك — ناجح وحاربوك الناس
ترى الفاشل احياناً يحارب وهو فاشل »
-صالح النشيرا ؛.

[سيف سلمان بن حصيّن @vs_400]

من الممكن ان الأمي يعلم الدكتور
لكن مستحيل القاصر يعدل قصوره

من يهوز نفسه ( للمراجل ) وهو مثبور
مثل من يبي ( يمشي ) و رجليه مبتوره

حزمي بن سعد

[سيف سلمان بن حصيّن @vs_400]

« كثروا اللي يسبون الفقر كل حزه
والفقر مايرد الطيب من المراجل »
- صالح النشيرا ؛.

[سيف سلمان بن حصيّن @vs_400]

يامرهين الملام اللوم مايُبنى على التخمين
إذا ما به خطا بيّن .. على أْيّ أساس تبنونه

يجاريكم وسيع الصّدر من باب الذرابه لين
على " حِدّة عباراته " وقسوتها ... تحدّونه

فـ " رجاءاً " لا شرهتوا كلّمونا بالكلام الزين
تعرفون .. الكلام الزّين ؟ ولّا ما تعرفونه ؟