-

[- @vuy4l]

"اللهّم اصَلحني قبل الوفاة ، وأحَسن خاتمتي ، و توفني وانت راضٍ عني ، وسخر لي من يدعو لي بعد وفاتي"

[- @vuy4l]

والله إن كبدي عليكم عراويها ضمي
والمشارب غير هرجتك ماتقطع ضماي

وإنت سبة كل شي ولاداويت شي
كيف ياقادر على داي ماتقدر دواي؟

[- @vuy4l]

اشتاقلك واهواك وصل وقطاعه
واشتاقلك شوق الصحاري للامطار

ماغير صوتك ينطرب لي سماعه
ماغير وصفك فيه الافكار تحتار

[- @vuy4l]

انا لولاي اغليك مابذلت لضحكتك مجهود
ولا غنيت فـ بيوت القصيد و بيتك اثمنها

[- @vuy4l]

يا شين بعض الكلام ان زاد عن حده
ويا شين بعض الوجيه ان غيّرت لونها

يكشف لك الوقت عن حاجه بعد مده
لو حالت الناس من دونك ومن دونها

عمر البحر ما شكى من جزره ومده
والنار ما تحرق الا من يدوسونها

ترى السوالف لها عند العرب زبده
والناس ما تشبع الا تترس عيونها

[- @vuy4l]

انا السجين اللي حكم نفسه اعدام
بسيوف صمتٍ قطعت لي لساني

[- @vuy4l]

سرابٍ لو ملى عين العطاشي ما رواهم

[- @vuy4l]

كنت اشوفك وطن واحسبك اخر دروب
واثرك سرابٍ يلوح ثم يخفي خطاياها

[- @vuy4l]

بعض المواقف مالها اي تبرير
تراكمت وانا عدوي عتابي

اعاتبك مره على شان تقدير
عنواني يمكن ما وضح من كتابي

واعاتبك مره كاسلوب تحذير
اما اعتدل ولا خصيمك غيابي

والثالثه لو توقع النفس وتطير
لي عزه تفرض عليّه صوابي

اللي يحب رضاه برضاه يصير
الا الكرامه جرحها من عذابي

[- @vuy4l]

والله ما أملّ مشاهد عيونك و انا طبعي ملول
لعيونك آخذ من طواريق القصيد عيونها

انا طريح النظره اللي في نهايتها خمول
تمكّنت بين الضلوع و دكّت اللي دونها

[- @vuy4l]

يسعِد صباحٍ فيه شَمسك شارِقه
شمس الغَلا في حَزة المِشراقي

[- @vuy4l]

كم كلمه زلت من لسان السفيه
ولو ردها جاهز معي ما قلتها

الله يصبرني على بعض الوجـيه
اللـي عشان الحيا جاملتـها

[- @vuy4l]

تدري انك عندي اغلى من الغالين و زود
وان لك فالقلب جرّه ولك ماطى قدم

جعلني ما اذوق حزنك وجعلك فالوجود
وجعلني ما اعتاض ولا خلا ولا عدم

[- @vuy4l]

ما احب اتلكع و اتلكع على اللكيع
ولا كل شخص اعطيه فرصه ينازعني

اطيع برضاي وغيرها مستحيل اطيع
طبيعه واشوف اطلق شنب مايطوعني

احب الكرم واموت فالصامل النفيع
احبه كذا حتى لو انه ما ينفعني

ولا اداني الفرقا ولا اداني التوديع
ودي ان كل غالي يرحل وما يوادعني

إلهي وانا عبدك وادل السنع واضيع
ولا غيرك المدعي ولا غيرك المعني

انا اعوذ بك من ضيعه مالها ترقيع
ليا ضاعوا اهل المعرفه لا تضيعني

من اللي يقول ان الفضا والبلاد وسيع ؟
انا لي سنتين والارض ماهي توسعني

شتاتي كبير وصمتي افضل من التسميع
ولا كل ما قالوا لي الناس يقنعني

[- @vuy4l]

أعوذ بك من شُحّ النفس وانعدام السماحة، وانحسار المروءة

[- @vuy4l]

لك علي اني ما احطك على لسان الشموت
ولي عليك ان كان صدرك تضايق مرني

مستعد اموت لجلك ولكن قبل اموت
كان عندك شي يثبت غلاتي ورني

[- @vuy4l]

كل عام والعيد وجهك
والفايزين عيوني

[- @vuy4l]

عقب رمضا زماني جيت ادور ظلالك
بل ريقي بقربك عقب طول الصيام

وكل شي تبسم يوم لامس دلالك
وكل نار كوتني منك صارت سلام

[- @vuy4l]

طهارة وجهك الرّاضي كأنه منخلق من لين
سحابٍ يروي إحساسي طهر ويلملم شتاتي

ذخرتك للشقى صدرٍ يكفيني عن الباقين
وذخرتك للمدى هقوه تشتت كل ضيقاتي

أنا يا ضحكة سنين الزمان وكل علمٍ زين
تركت الناس متعمّد وعليك أسوق هقواتي

[- @vuy4l]

عطني من أقصاك ما ابي العادي المألوف

[- @vuy4l]

فتحت له صدري عن قسّوة الأيام
و ضربني برمحٍ واسع الحد مضرابه