ًً

عتيبي لا يطرب لمديح ولا يجزع لمذمّه.

[ًً @vvci0]

يارب لامنّك طويت السجلات
وامرت روحي في موادع جسدها

خذها وانا ساجد بأحد الصلاوات
وقد تبت توبة صادقة من بعدها .

[ًً @vvci0]

اعشق السجه وانا الي يشد الانتباه
واكره الضوضاء وانا اللي محبيني كثير

منعزل والي ورا الناس عيني ما تراه
يستدير الكون وانا خلافي ما استدير

دون وجهي ترخص احلام عمري من غلاه
الطموح الي بلا جهد نظّارة ظرير

وش ربحي في الحياه إن خسر وجهي حياه
مؤمن إن السمعة ابقى من العمر القصير .

[ًً @vvci0]

ياعتيبه لبسنا المجد مثل الوسام
بالصطر والظفر والمرجله والجلد

لابةٍ روسنا مافوقها الا الغمام
ارتفعنا من الله العظيم الصمد

ابك حنا قبيلة عز واسم ومقام
الخطر عندنا ماقام ولا قعد.

[ًً @vvci0]

مايرهق النفس غير منافس عتيبه
ان جات من روق والا جات من برقا

في ذورة المجد ماهم في عراقيبه
مراقي العز تحت امجادهم ترقا

والله ومليون نعم الغمر والشيبه
واطيب من الظن واسما منزله و ارقا

يامدورين الهروج العوج والغيبه
والله ان تبطون وعيون الشقا غرقا.

[ًً @vvci0]

ضربت في الدنيا من الجال للجال
واذنبت لكن ما فعلت الكباير

نسعى على السمعه ونسعى على المال
والسمعه اقنى من كبار التجاير

استغفر الله قبل قصّاف الآجال
لا حلّت الآجال تعمى البصاير

قد عشت رجال وبموت رجال
وماقدّر المولى على العبد صاير.

[ًً @vvci0]

خلّابة العيد يادهشة عيون الحضور
تشابه الحسن وانتِ حسنك اللي فرق

يصيب رمشك قلوب مشاهدينك سرور
ويمطر على جباه حسّادك سحايب عرق

يافتنة العيد شمسي والضحى والبكور
غابو عن الصبح لكن وجهك اللي شرق

عيدك مبارك وأنا عيدي غرام وشعور
مايوصفه شعري اللي لباب قلبك طرق.

[ًً @vvci0]

مطنّخ الفزعه عشاشيق الامداح
كلٍ يقول إن اللزوم يعنيني

شومي لهم يأم الخلاخيل والدّاح
لاجا المزاحم فالشهير الثميني

امجادهم غنّى بها الورق صدّاح
مع هل المسحوب واهل الهجيني.

[ًً @vvci0]

انا ما احب التناقض كون في حاجتين
اهيم واسري لها في ليل ما ينسري

ترحيبك بالابتسامة وانت خاطرك شين
وتصنّعك للقساوة وانت عودك طري.

[ًً @vvci0]

احبّها علموها وافضحوا سرّي
قولوا لها عنّي اموت بمزاياها

فيها من الزين نُدره مِثل ما طِرّي
كَنّ القمر يوم يظهر في محيّاها.

[ًً @vvci0]

سلام يا ذا الجمال الطاغي الفاضح
سلام يامن رسمت .. لدربنا خطّه

حنا اتفقنا ولكن .. فرقنا واضح
أنته مترّف وانا ضاري على الشِطّه.

[ًً @vvci0]

"إذا اقبل علي كن الهوا والغلا داعيه
وإذا اقفى بديت احسب ثواني مفارقته

محبته همٍ تاخذ العقل نعنابيه
ولا ألوم قيسٍ يوم ليلى مخبّلته

احبه واحب امٍ ولدت به واحب ابيه
ومن لا يودّه والله اني ما قدرته"

[ًً @vvci0]

نسوق الارض و نرمي الاحلام و نعنّ الديار
وناخذ مكاسبنا من أنياب الليالي والخطوب

من يشبع الداب العمى اللي في طرف وادي وغار
ماهوب مهلكني وانا مبصر واصلّي له واتوب.

[ًً @vvci0]

عط الحياة اصولها واطرب الراس
ولا تخضع الا وسط مكة وطيبة

ولا تامن الدنيا ولا تامن الناس
حتى لو انك واحدٍ من عتيبة.

[ًً @vvci0]

انا ي حمد كن في محاني ضلوعي نار
ولا ارتاحت عيوني ولاهيب في راحه

غدا نوم عيني مثل من يطلبونه ثار
من الهم لا يامن ولا يأمّن سلاحه

يا شين الرفيق إن بار والا الزمان إن دار
هذي والله الي عندها تقرب الطاحه

ولولا الشيمه الي قيّدتنا وحنا احرار
خذينا مطالبنا من الوقت بالراحه .

[ًً @vvci0]

بين الحواس الخمس وجروحي الخمس
شيءٍ ليا ذكرته اهز راسي

لبنيّة القمرا وبنتاخي الشمس
مليكة الحب القديم الاساسي

خيالها اللي مشغلٍ بالي من أمس
على تخيلها يزوّد حماسي

أم القوام المخملي ناعم اللمس
والناعسات مطيّرات النعاسي

خمرية المبسم خرافية الهمس
أقسى مافيها اشوف ماهو بقاسي.

[ًً @vvci0]

كل ما ضاقت علي شبه الجزيره
ودّي أخذ صوت أبو نوره وأجـرّه

يوم غنّىٰ " شرهة العاشق كبيره "
خذت لي بين السما والأرض فرّه

حتى لو إن الـمفارق فيه خيره
أنا راضي بـ الوصل خيره و شرّه.

[ًً @vvci0]

تساؤل شعري من غير قصور بالقبايل:

تخيّل إن الارض من دون عتبان
من وين بنجيب الحبال الجويده؟

[ًً @vvci0]

كم لي وانا عايف الجمعه وكثر الجلوس
ومهاترات المجالس بالحديث المُمل

ودي اسج القدم وانفض غبار الهجوس
حداني الحظ الامحق مع ظروف العمل.

[ًً @vvci0]

عايش بمرحله مدري وش تسمّى
لكن الظاهر أسم المرحله عادي

زاهد ٍ لي بامورٍ حبّها جمّا
وصاير يقفّي أغلى الناس ما انادي

حتى لو الوضع ماهوب أخو شمّا
العرب تخترش جنبي وانا هادي .

[ًً @vvci0]

أنا ولد روق ولده تخسى العواذل ويخسون
ناسٍ تحسب قلوبنا سهلة وصيدة من يصيد

للقلب بين ضلوعنا قاضي وزنزانة سجون
وسلوم وعلوم ومباديٍ قيدها حكمه جويد

أبعد عن اللي ما استحقّه من جبال الأمازون
وأقرب من اللي يستحقّه من مشابكة ايد إيد.

[ًً @vvci0]

كل ماجيت اصدّر من بحور الخليل
عاودت لي هنوفٍ عزوة اخوانها

يالغزال المذيّر لاتحط وتشيل
ماتـقـوم البيوت الا بعمدانها

العبي في ذرانا يام طرفٍ كحيل
وافخري مثل من تفخر بجدّانها

في حمانا تباهي والفحي بالجديل
كل صعبه لعينك نكسب رهانها.