N

﴿وَلَسَوفَ يُعطيكَ رَبُّكَ فَتَرضى﴾

[N @vvy3d]

حسبي وحسبّك على مقـرونة
الحجّة الجادل اللي عشق غيري

وخَلاني كَم مرةٍ خذينا عندهم
سجة من اول ربع وخلاني

— سعود بن زرعان

[N @vvy3d]

وامر بيتك من بعيد ولا اجيه
وانا لو انه في يدي ما اتعداه

حتى تواير موتري تلتفت فيه
تبغى تلف ويستحي العقل والجاه

وصلك يخيط الصدر والبعد يفريه
ويابري حالي كان صديت بريا ا ا ه

— محمد بن فطيس

[N @vvy3d]

العذاب اللي حصلي من وداعك كافي
كم سنة مرت وانا لازلت اعيش الصدمة

تحسبني في غيابك داله ومتعافي
وانا من حطة يدك خارج نطاق الخدمة

كل مامروني اصحاب الهوى الخطافي
جنبوا عني وقالو فـ الهوى ياقدمه

مالقيت ارحم علي من كمي ومشرافي
لارقيته والدموع من الوله محتدمه

— ناصر الحمادين

[N @vvy3d]

تصدق الضيق متضايق على شاني
من حالتي ما لقى له شي بيقوله

الين ضعنا من اللي ضايق الثاني
حسيت من حيرته بيطيح من طوله

ويوم الفرح مر من حولي تعداني
حزين مدري عن اجوائه ولا فصوله

ما عاد افكر من الهادم من الباني
انا ضحيه لخمس سنين مجهو و و له

— فهد الشهراني

[N @vvy3d]

ياوجودي بعد فرقى حبيب الروح ذاك
وجد قلبّه لو ذكرني بعد طول السنين

واجد اللي قالو الظاهر ان خلك نساك
بس انا لازلت صابر ومشتاق وحزين

يابعد كل الحبايب عسى الدنيا فداك
حيرتني غيبتك واتعب الشك اليقين

ودي ادري منهو اللي بعّد ربي خذاك
مني ان كانّه نصيبك ترى ماهوب زين

— خالد مبارك

[N @vvy3d]

اصطنع بين العرب فرحتي كأني سعيد
اخفي جروحي بروحي كأني بنعيم

خايفٍ هرج العواذل على مابي يزيد
خايفٍ منهم يزيدون جرحٍ بي قديم

ابعدتني ايام خلّي وخلتني وحيد
والفراق صعيب يـ اهل الهوى والله العظيم

الفراق اكبر مصيبه وذا شي اكيد
من فقد غاليه يبكي كما يبكي الفطيم

— محمد الضرير

[N @vvy3d]

في خاطري عله وفي صدري تنهّاد وحنين
وما في يديي إلا دعاي الصبح ودعاي السحر

سببك ياللي غيبتك ماهيب مثل الغايبين
متى تجين وتدحرين الضيق ياروحي دحر

امي تقول انه سحر .. واخواني يقولون عين
وانا الوحيد اللي اعرف انه لا عين.. ولا سحر

— مبارك المطرباني

[جزل @1Jazil]

يوم حدته الليالي ومسّته الظروف
صدّو اشباه الرجال وانقذته مَره

[N @vvy3d]

الله الله يا عيون ما تذوق النوم ساعة
من فراقٍ ما رحم قلبٍ غدى للهم طاعة

كل ليله يرتجي طيفه … يمرّه
وكل صبحٍ يشتكي وجده ولا يلقى براعة

يازمن خفّف على قلبٍ تعب من الوداعه
ما بقى في داخله غير السهر والاوجاع

[N @vvy3d]

يا خلي في بُعدك اشتاق وبقربك اشتاق
وما بين اللقى والبُعد تقتلني الاشواق

كل لحظة من غيرك يمر قلبي فيها
ضايق وروحي تهيم في دروب الهوى

وما تلاقي إلا اثاري احلم بلقاك كل يوم
وارسم طيفك في عيوني واناجي الليل باسمك

[N @vvy3d]

ما اخترت نبعد يوم والحق ينقال
ما اختار للفرقى دروب و مدينة

قولوله اني ماتكلمت وان طال
كل الكلام اللي يعز ويهينه

هي لحظة ما وافقت حال بحال
وكلٍ مشى دربه وقلبه بيدينه

لالا تضيق صدور ولا ينشغل بال
راح الزمان ان عاد فيني حنينه
ماكان يسوى فراقنا بكل الاحوال

— سعود محمد العبدالله

[N @vvy3d]

الناس نامت وانا ياسعود سهران
و العين تبي النوم و النوم جافيها

و القلب حزين و الخاطر ماهو طربان
والنفس مالقت ياسعود من يواسيها

[N @vvy3d]

صديت عنه وانا خا ا ا ا ا طري فيه
واقفيـت عنه ودمعتي وسط عيني

هو يحسب اني يوم صديت مابيه
ما يدري انه ساكن القلب فيني

[R @Lf4D8b]

الله يجمِّل بقاي و يغفر غيابي
إن صار لي فالقلوب الطيّبة مثوى

تعمُّد الوقت يطوي سيرة أحبابي
أكَّد لي إن فيه يوم لْسيرتي تِطوى

— صالح بن حمد .

[N @vvy3d]

نتايج الفرقا غرابيل و هموم
و الشوق يترك بالضماير علامة

سهران يقلق راحتي قلة النوم
والليل يزعجني بشدة ظلامه

مرة ثلاث سنين غير امس و اليوم
وانا اتصبر ياحياة الندامة

عرضت نفسي للبهاذيل و اللوم
اسمع و اخفي علتي با بتسامه

— عايد الشمري

[N @vvy3d]

من خمسة ايام و الساعة على ماهي
نامت على حزة الفرقا عقاربها

ياهي على حق ، ياهي مخلصة ، ياهي
توقفت مع توقف قلب صاحبها

لا خاب ظن اليتيم بحلمه الزاهي
مافي حاجه بيبكي من سبايبها

تبقى على ما انت و الساعة على ماهي
نامت على حزة الفرقى عقاربها

— محمد السكران

[N @vvy3d]

ما دام مافيه لا مشلح ولا دبله
سمحت واللي مضى من طيشنا كافي

— عمر الودعاني

مادام اسج القدم واعاف كثر الجلوس
ماني بـ عايش عشان الناس بـ عيش لي

— خالد بدر الديحاني

[N @vvy3d]

مابين سود الوجيه و بين سود الليال
تـهب الايام ما تكسر مجاديفنا

على الكرم و الوفاء و العز سوق الجمال
بتحبنا حبنا .. بتعيفنا عيفنا

لو كلت متون الارض من النسا و الرجال
ما ملت بطون خلق الله معاريفنا

— خالد بدر الديحاني

[N @vvy3d]

لا مر بين الناس ذكره و طاريه
فزيت فزة من تعزوو بطيبه

وقفت و دموعي على اطلال ماضيه
ليت الهبايب هبت بريح طيبه

على رغم غيبته ما كنت ناسيه
كنت اتحرى طلته واحتفي به

و شلون اعالج جرح قلبي واداويه
لا صار قلبي منجرح من طبيبه

— عمر الهيت

[N @vvy3d]

مادريت ان اجتياح المجاريح اجتياح
ياطريح الزم فراشك وخلك ياطريح

الحياة احلامها تذهب ادراج الرياح
توهمك بأشيا تكون على البال و تبيح

اعذريني يوم اقابل طعونك بإرتياح كيف
لا و الجرح مملوح و الطاعن مليح

— مدغم ابو شيبة